You are hereActividades

Actividades


BENVIDA AO IES DE MELIDE

Comeza un novo curso e dende o IES de Melide queremos darvos a benvida a todos. Esperamos que este curso que ven cargado de proxectos novos e ilusionantes, sexa fructífero para toda a comunidade educativa.

Sabemos que co comezo do curso aparecen moitas ilusións renovadas, moitos novos proxectos e moitas novas tarefas que abordar. Pero tamén xorden medos, inquedanzas e moitos interrogantes, sobre todo no alumnado de 1º ESO que comeza a súa andadura no noso centro educativo. Co obxectivo de compartir todos estes sentimentos, de coñecer o instituto e de coñecernos  mutuamente, organizamos en colaboración co Departamento de Educación Física e de Orientación, unhas dinámicas grupais para darlle a benvida ao alumnado de 1º da ESO. Así, fomos quen de ir descubrindo dende os máis grandes aos máis pequenos recunchos do noso Centro, e tamén de construír unha Tea de Araña para comezar a tecer redes de colaboración, traballo en equipo, empatía e solidariedade. 

Fotos Benvidas

RECOÑECEMENTO AOS MELLORES EXPEDIENTES DE BACHARELATO

No Palacio de Congresos de Santiago entregáronse os premios aos mellores expedientes de bacharelato e selectividade, 719 alumnos galegos recibiron a distinción resultado dunha suma de organización, traballo e, seguro, moito esforzo. Entre eles destacar a Iria Varela Pedreira e Adrián Iglesias Campos, alumnos do IES de Melide. Parabéns e noraboa polo voso esforzo ao longo de todos estes anos.

MelloresExpedientes2019

 

FOTOS DAS ORLAS DE 2º BAC E ACTO DE DESPEDIDA

Na seguinte ligazón podedes ver e descargar as fotos individuais das orlas de 2º BAC 2019 e do acto de despedida.

Ligazón ás fotos individuais das orlas: preme aquí

Ligazón ás fotos do acto de despedida: preme aquí.

XORNADA DE ANELAMENTO DAS CEGOÑAS DO IES DE MELIDE

O pasado mércores 29 de maio o alumnado do 1º ESO asistiu ao anelamento dos tres polos das cegoñas situadas no patio do instituto. A actividade foi sumamente gratificante, pois puidemos coñecer, de primeira man, as técnicas que empregan os ornitólogos para estudar a vida e migracións desta interesante especie. O anelamento destas aves permitiranos, nun futuro, poder ter información sobre a súa idade e as rutas migratorias que seguen estes exemplares.

fOTOS_cEGOÑAS

Enlace co resto de fotos da xornada: https://drive.google.com/drive/folders/1_MREVaRho9Jsy4uW_1YokseO0x4KtzoP

MONTAXE DAS CÚPULAS LEONARDO

O alumnado de 1º ESO e 2º ESO estivo montando as que son coñecidas coma cúpulas de Leonardo, pois xa nos escritos de Leonardo da Vinci hai estes debuxos. Hoxe 500 anos despois estes esquemas aínda nos invitan a levantar estas interesantes cúpulas. Once estructuras con a mesma peza e sen elementos de unión entre elas, o peso da estrutura é suficiente para manter a estabilidade.

Os obxetivos da actividade:

  • Coñecer as estructuras do "Codex Atlanticus"
  • Potenciar a creatividade e a habilidade
  • Importancia do traballo en equipo
  • Descubrir as ideas para pasar dunha estrutura plana a unha curva
  • Mostrar unha aplicación na vida real das matemáticas.

Cupulas Leonardo

CONMEMORAMOS A REVOLUÇAO DOS CRAVOS

Dende o departamento de Lingua Portuguesa organizouse un ano máis, unha pequena xuntanza na entrada do centro para conmemorar a revoluçao dos cravos e celebrar tamén o 25 de abril.

Cartaz

Todos xuntos cantamos o Grándola Vila Morana e recordamos como un pobo unido pode cambiar unha nación sen necesidade de conflito armado, todo un exemplo dunha nación que derriba muros para construír pontes.

Celebracion 25 Abril

O SERPRONA NO IES DE MELIDE

O xoves 7 de marzo visitou o noso centro a unidade do SERPRONA da G. Civil de Santiago para dar unha charla e unha entrevista na radio do noso instituto sobre o medio ambiente na Terra de Melide. Na actividade participou alumnado de 1º e 2º BAC das materias de bioloxía e xeografía.

Charla SERPRONA

O IES de MELIDE NO CONCURSO ODISEA

Unha vez máis o alumnado de latín, grego e cultura clásica acaba de pasar uns días emocionantes co Concurso Odisea. Ademais de adquirir coñecementos sobre a Ciencia e a Tecnoloxía nas antigas Grecia e Roma, o tema deste ano, os participantes aprenderon a buscar información non só en páxinas web, senón tamén en libros, a manexar índices... e sobre todo, a pensare a pensar en equipo.

Os resultados foron bos para o IES de Melide, xa que o equipo MOIRAS, formado por Najwa Daki, Noa Glez Mejuto e Idaira del Pino Rouco de S4C, conseguiu clasificarse para o desempate, que terá lugar o mércores 13 de febreiro en Compostela. Moita forza, campioas, e que Atenea, a deusa da sabedoría vos acompañe nesta vosa odisea!!!

Concurso Odisea

VISITA A METEOGALICIA

 O pasado dia 14 de novembro o alumnado de 1º ESO, acompañado por profesorado dos departamentos de Bioloxía e Xeoloxía e mais Xeografía e Hª,  viaxaron a Santiago para facer unha aproximación  ao mundo educativo na Galicia dos inicios do século XX a través da exposición  “ Castelao Maxistral “ sita na Cidade da Cultura . Tamén visitaron a sede de Meteogalicia, para coñecer de preto os diferentes aparatos de medición dunha estación metereolóxica.  Cos seus técnicos coñemos a predicción do tempo metereolóxico, e tamén como se está a producir un cambio climático e as súas consecuencias nas nosas vidas.

Meteogalicia

CHARLA - OBRADOIRO "OS MORCEGOS DE GALICIA"

O xoves día 8 de novembro o alumnado da materia de Flora e Fauna Galegas de 2º ESO A-B recibiu a visita da experta en morcegos Ledicia Santos, da Asociación Drosera (Morcegos de Galicia). Ledicia contou ao alumnado moitas curiosidades respecto a estes asombrosos animais, moitas veces inxustamente tratados polo descoñecemento que se ten cara eles. Destacou que os morcegos son magníficos controladores de pragas, xa que os morcegos de Galicia basean a súa dieta en insectos: nunha soa noite poden chegar a comer ata 3000 mosquitos!! Tamén mostrou algunhas das técnicas que empregan os científicos para o seu estudo, tales como detectores de ultrasóns ou redes de néboa para a súa captura. Esta visita permitiu achegar ao noso alumnado a un coñecemento máis profundo destes animais, desmontando moitos mitos e lendas.

Charla Morcegos

 

Escola Oficial de Idiomas

As nosas creacións

CALENDARIO

Distribuir

Distribuir contido