IES de Melide

Aberto o prazo de inscrición nas probas libres de FP.

MAIS INFORMACIÓN

Durante a semana do 26 ao 30 de Abril terá lugar no IES de Melide a Semana de Orientación Académica e Profesional dirixida ao alumnado de 3º e 4º da ESO, e de 1º de Bacharelato. 

O seu obxectivo é asesorar sobre a elección de itinerarios e estudos de cara o vindeiro curso, así como cubrir por parte do alumnado unha prematrícula, que se deberán entregar na Secretaría do Centro ata o 5 de maio (incluído). 

Serán realizadas pola xefa de estudos e a orientadora do IES de Melide. 

Achegamos o calendario das sesións. 

Tamén achegamos Guías das Materias Troncais e Optativas por cursos, para que o alumnado e as familias poidades consultar información sobre cada unha das materias ofertadas no IES de Melide para o curso 2020-2021. 

 EXAMES:

. Ámbito social: xoves, 6 de maio. 16:20-18:00h.

. Ámbito de comunicación:

-Inglés: martes, 11 de maio. 15,30-18:00h.

-L castelá e L Galega: mércores, 12 de maio. 18:20- 20:00h.

-Ámbito científico:

-Física e Química: martes, 11 de maio. 18:20-20:00h.

-Matemáticas: martes, 11 de maio ás 16:20h

Dende a Federación de ANPAS Compostela chéganos información sobre a seguinte charla sobre videoxogos dirixidas a familias: 

VIDEOXOGOS: NEGOCIO, LECER, ADICCIÓN E CONVIVENCIA

O vindeiro venres 16 de abril de 17.30 h a 18.30 h. desenvolverase en liña esta sesión que imparte Antonio Rial Boubeta, Doutor en Psicoloxía social e Profesor da USC.

As familias interesadas poden inscribirse en http://bit.ly/videoxogos4.

Posteriormente, recibirán por email a ligazón para conectarse. 

 Catro alumnas de Filosofía de 4º ESO son as flamantes gañadoras do concurso de videostiktok para conmemorar o Día 8 de marzo e que convocou o concello, coa temática #rachacosestereotiposdexenero. Felicitamos a Laura Iglesias e Yanira Ramos, e a Icía García e Carolina Couso! Espectacular traballo!

Velaí as ligazóns:

http://vm.tiktok.com/ZMe5D7mbS/

https://vm.tiktok.com/ZMe5DoPWn/   

Parabéns!

Se formas parte do IES de Melide (alumnado, profesorado, persoal non docente...) anímate a participar no certame fotográfico "Os ríos que nos unen" para así compartir imaxes dos nosos ríos cós socios do Proxecto Europeo Erasmus+ LivingRiver de Rumanía, Turquía e Portugal.

Fai unha foto dalgún río da túa contorna (formato horizontal, máximo 10 Mb) e adxúntaa no seguinte formulario. Nel deberás engadir un título cretaivo e unha breve descrición tanto en galego como nunha segunda lingua (inglés, francés ou portugués).

 O día Mundial da Poesía celébrase o 21 de marzo, equinoccio de primavera, e foi declarado pola Unesco no ano 1999 co obxectivo de apoiar a diversidade lingüística a través da expresión poética. Nós imos alongar durante esta semana a conmemoración para disfrutar desta "Primavera dos e das poetas", lendo poemas durante os recreos na biblioteca do IES, en todas as linguas que conviven no noso instituto. Da man das musas, queremos que as nosas verbas e outras emprestadas, deixen un eco de beleza no aire, compartindo a palabra poética para medrar na experiencia vital. 

 Ao longo desta semana, o noso alumnado foi enviando retratos para este álbum que pretende homenaxear a mulleres de todas as épocas, unhas máis coñecidas, e outras relevantes pero difuminadas pola historia, para lembrarnos que foron moitas as que ao longo dos anos contribuiron a engrandecer o noso mundo, e a abrir xanelas ao coñecemento e ás artes.

 Compartimos con vós o noso traballo neste enlace, podedes ver o álbum da muller 2021, que esperamos que siga aumentando:

https://www.canva.com/design/DAEX1PowJSk/X7bjUlnbR382lc1gD69OZg/watch?utm_content=DAEX1PowJSk&utm_campaign=designshare&utm_medium=link&utm_source=publishsharelink

  Dende o IES de Melide temos o convencemento de que a data do 8 de marzo, Día da muller, é unha data a celebrar; celebramos o conseguido por tantas mulleres que loitaron polos seus dereitos. Tamén é unha data sinalada para lembrar, lembrar que ainda existen desigualdades e teitos de cristal que inda impiden camiñar libres e sen medo polo mundo.

Porque queremos visibilizar este día, faremos distintas actividades que inclúen desde exposicións na biblioteca, elaboración de podcast protagonizados pola "muller da nosa vida", participación na campaña "Mix de Igualdade" promovida dende o Concello de Melide, e ademáis... realizaremos unha coreografía  no patio do IES, coreando as nosas consignas.

 Así que, se queres unirte, non tés máis que practicar un pouquiño esta fin de semana e unirte a nós no recreo do luns día 8 de marzo, en cada espazo de patio que che corresponda... anímate!!!

 Aquí vos queda o enlace para ensaiar a coreografía: 

https://youtu.be/Y85SBnERUc0