O pasado venres 27 de setembro foi unha data histórica no Lamas. No marco das habituais actividades do movemento "Valedoras do Planeta" organizado pola materia de Climántica, alumnado e profesorado participou activamente na defensa do Planeta Terra uníndose coas demandas dos FRIDAYS FOR FUTURE da activista Greta Thunberg.
Compartimos fotos e álbum da actividade na que, por motivos evidentes, a cor predominante foi a verde
O pasado 20 de xuño, para clausurar o curso, tivo lugar o pase das curtametraxes presentadas polo alumnado do IES Lamas de Abade ó
1° CONCURSO DE CURTAS CLIMA: VALEDORAS DO PLANETA
O Certame resultou un éxito de público, de crítica e de calidade no parecer dos profesores organizadores, do Departamento de TIC, Brais Preto Fernández, e, do Departamento de Bioloxía e Xeoloxía, Cristina Gómez Rodríguez e Marina Raíces Madriñán.
Que podemos facer nós para reducir o Cambio Climático? Se "salieron del tiesto" todos. Houbo que outorgar uns galardóns, e como se de Premios Óscar se tratase, desfilaron pola alfombra vermella.
Valorouse o rigor científico, a creatividade, a capacidades de conectar co espectador e facer chegar a súa mensaxe, entre outras cousas.
Os premiados foron:
- En 4°de ESO, na materia de TIC:
- En 2° de ESO, na materia de Climántica
Parabéns para todos e todas as participantes.
O ano que vén esmerarémonos outra vez. FELICES VACACIÓNS ¡¡¡
Como cada ano, o alumnado novel de Bioloxía e Xeoloxía do noso IES Lamas de Abade visitaron o MHN de Santiago de Compostela que se encontra sito no parque Europa da nosa cidade. Non contamos co mellor día (choveu “a mares”) pero o resultado foi satisfactorio: os alumnos e alumnas conseguiron respostar ó 99,9 % das cuestións que as súas profesoras Cristina e Mariña lles levaban plantexadas.
Aínda que o importante non son os resultados a curto prazo senón o interese suscitado neles, que aflorará o día menos pensado cando, un sábado chuvioso de inverno acorden volver porque algo non lles quedara suficientemente visto. (INTENTANDO crear VOCACIÓNS, JE ,JE)
A visita á Cidade da Cultura foi guiada e resultounos máis curta do desexado. Só podemos dedicarlle tempo aos aspectos arquitectónicos do complexo. Outra vez será. Gustounos.
I Concurso curtas “PREMIOS CLIM. VALEDORAS DO PLANETA”
Moita Xente Pequena,
En Lugares Pequenos,
Facendo Cousas Pequenas
Poden Cambiar O Mundo.
E. Galeano
O IES Lamas de Abade acaba de convocar para o seu alumnado o 1º Certame de curtametraxes dedicado á loita contra do Cambio Climático.
Somos nós os que poderemos salvar ó planeta.
Que podemos facer nós no noso Instituto para reducir as emisión de dióxido de Carbono?
O pase de tódalas curtas terá lugar o xoves 20 de Xuño no salón de actos do noso instituto. O Xurado valorará a creatividade das persoas participantes e a súa capacidade para chegar a toda a Comunidade Educativa.
Haberá alfombra vermella e recoñecementos para todos.
Despois dun tempo sen actividades pola intensidade das tarefas de fin de curso, xa nos intres finais do ano, o alumnado de 1º da ESO da materia de Bioloxía e Xeoloxía visitará o Museo de Historia Natural e o Monte Gaiás o día 18 de xuño durante toda a mañá. A saída didáctica está organizada polo Departamento de Bioloxía e Xeoloxía e as profesoras responsables da visita serán Ana Mosquera, Cristina Gómez e Marina Raíces.
O alumnado de 1º de ESO e de 1º de bacharelato aproveitou os dias solleiros do mes de abril para realizar as súas prácticas de botánica. Este ano centráronse en dous temas concretos:
- Identificación de liques
- Uso de claves para determinación de plantas Cormofitas.
- Elaboración dun caderno de campo
Non tódolos anos nos resulta tan doado o noso xardín para este tipo de prácticas. Pero, nesta ocasión, traballouse ben a gusto. A nosa “oficina” foi o noso propio xardín. Sen saír dela traballouse fluída e eficientemente. Compartimos link do álbum por se queredes baixar as fotos
Rotundo éxito da actividade na que o alumnado de 3º da ESO foi explicando durante a mañá do martes os traballos da materia de Bioloxía ao alumnado de outros cursos do Lamas de Abade.
Nalgún caso incluso outras clases chegaron ao intre da exposición dispostos a compartir experiencias e portando os seus propios traballos para facer intercambio de ideas e experiencias. Parabéns enormes pola iniciativa.
Pulsade na foto inferior para ver o álbum da actividade:
O alumnado de 3º da ESO ten a intención de presentar diante do resto de grupos da ESO os seus traballos desenvolvidos nas materias de Bioloxía e Física e Química.
A Actividade desenvolverase durante a mañá do martes día 2 de abril dende as 9:50 ata as 12:40.
Os grupos que pasarán pola presentación dos traballos no Salón de Actos e recibirán as explicacións dos autores dos traballos seguirán esta orde:
9.50-10.15: 1º ESO A
10.15-10-40: 1º ESO B
10.40-11:05: 2º ESO A
11:05-11:30: 2º ESO B
11:50- 12.15: 4º ESO A
12:15-12:40: 4º ESO B
A organización está a cargo do Departamento de Bioloxía e Xeoloxía.
O alumno Sergio Rodríguez de 3º A comparte coa web a crónica da visita aos museos científicos coruñeses do pasado 10 de marzo:
"Un día de museos científicos".
O día 14 de Marzo fomos de excursión o alumnado de 2º e 3º da ESO. Os sitios a visitar foron primeiro a Domus, a Casa do Home, onde asistimos a un obradoiro de disección e onde nos explicaron algunhas das partes e características do corazón, para que despois, na disección soubéramos algo máis. Nese obradoiro podemos observar a incrible resistencia das válvulas e máis detalladamente as partes e os tecidos do corazón. Cando rematamos o obradoiro deixáronnos tempo libre para visitar o museo, e o que máis me chamou a atención foi a capacidade do ser humano para colaborar incluso coa xente que non che cae ben, para superar un xogo de reflexos.
Os cursos de 2º e 3º da ESO visitarán os Museos Científicos Coruñeses o 14 de Marzo dende as 9:00 da mañá ata as 18:00 da tarde. Terán tamén a oportunidade de participar nun Obradoiro de Disección de Órganos.
Theme by Danetsoft and Danang Probo Sayekti inspired by Maksimer