INFORMACIÓN ESO

       

INFORMACIÓN BACHARELATO

INFORMACIÓN FP

       

Inicio

Novas

II Premios á Calidade Lingüística do Proxectos de FP

Enviado por Maridailla o Sáb, 14/11/2020 - 18:58

O mércores, 11 de novembro,  entregáronse os II Premios a Calidade Lingüística dos Proxectos de FP á 9 alumnas, todas elas mulleres, de varios dos ciclos impartidos no noso centro: Angela Abelenda, Lidia Calo, Sandra Brenlla, Antia Villamediana, Nerea Sánchez, Aroa Sánchez, Laura González, Uxía León e Sandra Viadel.

 

 

 

Ademais do premio en metálico (100 € para cada proxecto ganador) e do diploma acreditativo, recibiron un libro, cortesía da Secretaría Xeral de Política Lingüística. Se todas as premiadas eran mulleres, tamén as encargadas da entrega do premio o eran: María Dolores Picón, directora do instituto, Pura Galán, coordinadora dos equipos de Dinamización Lingüística da provincia da Coruña e Isabel Senra, inspectora do instituto .

 

O equipo de Dinamización da lingua galega do instituto destacou as escollas léxicas, a escrupulosa selección de contidos e, en xeral, a calidade de todos os proxectos presentados.

O acto tamén serviu para presentar a III convocatoria dos Premios á Calidade Lingüística do curso 2020/21 que se resolverán no outono do 2021 e que previsiblemente sexan xa a nivel autonómico, co apoio da Secretaría Xeral de Política Lingüística tanto na organización como na dotación económica.

 

Memorando

Enviado por Maridailla o Ven, 23/10/2020 - 19:17

 

Se queres  ver a curtametraxe Memorando preme sobre a imaxe do cartel.     

 

                          

Estrea de Memorando

Enviado por Maridailla o Sáb, 17/10/2020 - 12:31

O elenco de Memorando

Onte, venres, 16 de outubro, ás 19:30 h, no Auditorio Cinc da Cidade da Cultura estreouse a curtametraxe Memorando, baseada no guión ganador do VI Concurso de Guións contra a Violencia de Xénero, organizado pola Deputación da Coruña.
 
O guión foi elaborado por tres alumnas do noso instituto: Ainhoa Caamaño, Elisa Nieves, Xiana Villaverde, como traballo para a materia Cinema e literatura galega. Foi o curso pasdo, cando estudaban 2º de bacharelato. Elas mesms se encargaron da rodaxe da película coa axuda dun director profesional, Omar Rabuñal.
 
Memorando evidencia unha das múltiples caras que amosa o poliedro da violencia de xénero: a violencia económica.A través de tres  personaxes que viven en distintos momentos da historia recente de Galicia, evidénciase como a muller galega tivo que sortear o poder dos homes que a rodeaban (e posiblemente a querían) para manter o seu criterio e defender as súas ideas.
 
Unha escena da curtametraxe
 
A protagonista, Rosa, mentres espera que lle comuniquen o resultado dunha votación crucial na súa vida, observa fotos das súas devanceiras e comproba como as súas loitas que son as loitas de todas as mulleres galegas.
 
Despois da emisión da curtametraxe realizouse un pequeno coloquio sobre a súa experiencia e aprendizaxe e sobre este tipo de violencia de xénero, as veces encuberta e sempre sutil.
 
As ganadoras do concurso, directoras e protagonistas de Memorando
A estrea asistiron María Muíño, deputada de Igualdade da Deputación da Coruña,  Pura Galán, coordinadora dos equipos de Dinamización Lingüística da Coruña e Lola Picón, directora do instituto, ademais de profesores e profesoras do noso instituto.
 
A Deputada de Igualdade, xunto coas protagonistas

 Proximamente subiremos a curtametraxe.

Xornada de Portas Abertas no Lamas de Abade

Enviado por Jedi o Xov, 06/02/2020 - 10:11

Visita de Carmen Pomar (Conselleira de Educación)

Enviado por Jedi o Mér, 09/10/2019 - 20:29

Carmen Pomar, Conselleira de Educación da Xunta de Galicia, estivo visitando este 9 de outubro as instalacións do IES Lamas de Abade, tomando contacto coas nosas necesidades e conversando coa dirección, profesorado e alumnado de Secundaria, Bacharelato e Ciclos Formativos.

Quede aquí constancia gráfica da visita e tamén o link coa nova publicada na web da Xunta con varias fotos da xornada!!

 

 

Recunchos do Lamas

Enviado por Jedi o Mér, 09/10/2019 - 09:36

HORARIOS MÓDULOS CICLOS MEDIOS EMERXENCIAS SANITARIAS E COIDADOS AUXILIARES DE ENFERMARÍA ADULTOS CURSO 2019-2020

Enviado por Jedi o Mér, 17/07/2019 - 09:33

Outra xeración sae do Lamas (Graduación 2019 do 2º de Bacharelato)

Enviado por Jedi o Ven, 24/05/2019 - 10:35

Onte 23 de maio pola tarde tivo lugar no Salón de Actos a celebración da Graduación do alumnado da Promoción 2018-2019 do IES Lamas de Abade no 2º de Bacharelato. Inmensidade de emocións, anécdotas, sorrisos e algunha bágoa perdida vendo como un marabilloso grupo humano encamiña unha nova etapa da súa vida académica lonxe do recinto do noso benquerido Instituto. Compartimos os desexos de boa sorte no futuro e, por suposto, o desexo moi aplaudido de que sexan, sobre todo, boas persoas tal e como teñen amosado durante todos estes anos no Lamas.

Estamos agardando que cheguen algunhas das fotos de boa calidade feitas por algúns familiares do alumnado. De momento, dada a inmensidade de solicitudes nestas horas, compartimos link e álbum das que temos xa a disposición do Centro.

   

Novas imaxes da inauguración da Biblioteca

Enviado por Jedi o Lun, 29/04/2019 - 20:43

O profesorado de Lingua Galega e Lengua Castellana veñen de compartir novas imaxes da fermosa inauguración da Biblioteca do Lamas de Abade o pasado día 23. 

Algunhas delas están publicadas no Instagram "adeGalego". Animádevos a pulsar en "seguir" e poderedes acceder sen problema a ver as fotografías pulsando nas iconas de Instagram da liña inferior:

 Lectura continuada 1       Lectura Continuada 2 

A outra posibilidade é a de voltar a consultar o noso álbum de google photos.

Non digades que non se vos ofrecen posibilidades :)

Semana Cultural IES Lamas de Abade

Enviado por Jedi o Mar, 23/04/2019 - 23:27

 

 Para rematar o día de hoxe con ese grupo de apuntamentos culturais que anunciamos nas novas anteriores, comunicarvos que do 23 ao 26 de abril celebraremos a Semana Cultural do Lamas de Abade co título "InmigrACCIÓN: aproximación á crise dos refuxiados".

Podedes ver o programa completo da actividade pulsando neste link ou na imaxe que acompaña esta nova.

Theme by Danetsoft and Danang Probo Sayekti inspired by Maksimer