Prensa

o IES Lamas de Abade na Prensa

Axudando en tempos de dificultade

 Durante as últimas xornadas o persoal de garda no Ies Lamas de Abade ten compilado e inventariado múltiples caixas de material sanitario, do empregado para a docencia, por distintas dependencias e Departamentos dos Ciclos de Sanidade. Ao longo do día de hoxe persoal do Sergas ten pasado a recoller esa importante cantidade de material (mascaras, gorros, batas e algún equipo de quirófano) para axudar a facer fronte á situación que estamos a vivir. A voz xa ten publicado a nova esta mesma tarde e deixamos o vínculo para que a poidades ler. Parabéns pola iniciativa

Accésit nos Premios Literarios Minerva

 

Atopamos na prensa local que a nosa alumna María Crespo Cutrín vén de acadar esta fin de semana un Accésit na Modalidade de Narración da 48 edición dos "Premios Literarios Minerva". 

Cheos de ledicia compartimos vínculo coa nova de prensa. Preme na imaxe:

 

Gañadoras do "Concurso de Guións contra a Violencia de Xénero" con «Memorandum»

http://picasion.com/

O guión desenvolvido por Xiana Villaverde, Ainoha Caamaño e Elisa Nieves no corto "Memorandum", baixo a dirección de Maricarme García Ares, ten sido elixido como gañador do "Concurso de guións contra a Violencia de Xénero da Deputación da Coruña".

Compartimos link da gran nova que quedou recollida na prensa de hoxe (preme na imaxe):

 

E pulsando neste vínculo podedes volver a gozar desta excepcional obra:

Nova en "El Correo Gallego": O alumnado de Estética nas Termas de Cuntis

O alumnado do 2º curso do Ciclo Superior de Estética (Departamento de Imaxe Persoal) comparte con todo o público da web a nova do xornal "El Correo Gallego" na que queda constancia da súa visita didáctica nas Termas de Cuntis. Deixamos link co artigo:

Premio aos Mellores Docentes de España

O curso pasado foi un pracer compartir docencia coa profesora de Lengua Castellana Alicia Romero López. En varias ocasións fixemos mención na web do Lamas de varias das innovadoras actividades desenvolvidas na súa tarefa docente co noso alumnado. Agora todo ese traballo está a ser valorado na "III Edición dos Premios Educa Abanca".

En outubro coñecemos a súa nominación e agora podemos confirmar que forma parte do profesorado escollido para a final. Por suposto, dende o IES de Lamas desexámoslle o mellor resultado posible conforme aos seus enormes merecementos.

Deixamos vínculos con varias novas e coa web dos Premios por se queredes ampliar información.

 

 

 

 

 

 

 

Hoxe en "El Correo Gallego": Taller de Reflexología Podal no Lamas

Hoxe, na prensa escrita e dixital, nova relacionada co Obradoiro de Reflexoloxía Podal desenvolvido no Centro. Deixamos constancia do texto da nova e da fotografía editadas no xornal "El Correo Gallego" e o correpondente vínculo á nova en prensa dixital:

IES de Lamas: 9º posto entre os Centros de Galicia e 2º de Santiago nas ABAU de xuño de 2019

Nos últimos días veñen aparecendo en prensa múltiples artigos nos que o Lamas de Abade ten motivos para ter unha boa opinión de si mesmo. Compartimos varios Links nos que podedes comprobar a importancia dos resultados acadados polo noso alumnado nas probas de ABAU deste mes de xuño que teñen disposto ao Lamas no 9º posto da clasificación de centros de Galicia e no 2º posto entre os de Santiago

 

  

2º Premio Mellor Xornalista Xuvenil da Voz de Galicia

 

A nosa alumna Nerea Mera Castro, de 1º curso da ESO, vén de recibir o 2º premio do XVI Concurso Escolar organizado polo programa Prensa - Escola do Xornal La Voz de Galicia nesta edición do 2019.

Nerea ten participado cunha entrevista na que deixa constancia do gravísimo problema da perda de poboación e abandono do rural galego.

Compartimos artigo da entrega de premios 

e tamén deixamos o oportuno LINK para que accedades á entrevista galardoada

 

Formación en Depilación Laser con Triphfase

O luns 18 de marzo o alumnado do Ciclo Superior de Estética Integral e Benestar do Lamas de Abade puido contemplar en directo unha demostración didáctica para aprender a manexar o láser « triphase».

O Obradoiro Didáctico tivo lugar nas instalacións de DRV e está a complementarse coa realización de prácticas no propio centro coa colaboración da empresa. En nome da profesora do grupo Mercedes Sáenz manifestar o agradecemento pola eficacia e amabilidade das persoas que colaboraron con esta formación, tanto por parte de  DRV como de  Depilclub. E polo que nos toca ao Centro, manifestar tamén un agradecemento individual a Belén Estévez, unha das responsables da impartición do curso, profesional moi considerada a nivel internacional que está directamente relacionada co IES Lamas de Abade por ser unha das nosas ex-alumnas.

Deixamos Link ao álbum de fotografías do Obradoiro 

Simulacro no IES de Lamas

Contar con Ciclos de Estética no noso Centro ten moitas vantaxes. Unha delas foi a de poder gozar das impresionantes e coidadas caracterizacións das "vítimas" do simulacro de emerxencias que tivo lugar esta mañá no Instituto e que mereceu a atención dos medios de comunicación. Non obstante o traballo non tería sido posible sen a colaboración e coordinación do alumnado e profesorado do Ciclo de Emerxencias Sanitarias do noso Instituto que puideron levar adiante unha intensa e completa práctica do que será a súa actividade profesional nun futuro inmediato. Parabéns a alumnado e profesrado polo traballo realizado e o resultado final do simulacro.

Pulsade na imaxe para poder ver o índice do telexornal de hoxe 27 de febreiro de 2019 e logo pulsade no minuto 41:56 para gozar da reportaxe:

Theme by Danetsoft and Danang Probo Sayekti inspired by Maksimer