PROXECTOS EUROPEOS, Conmemoracións, Programa Erasmus Ciclos Formativos, Programa Erasmus Educación escolar, Histórico programas europeos, Erasmus 2020-2023, Erasmus 2023-2027

NA PERRUCARÍA ELISIR COIFFURE ET BEAUTÉ EN POTENZA

NA FARMACIA MINERVA EN CATANIA

NA FARMACIA OBELISCHI EN CATANIA

HAI TEMPO PARA FACER TURISMO EN CATANIA

O xoves 16 para conmemorar o día das Letras Galegas no Lamas, parte do alumnado elaborou murais para lembrar a Luisa Villalta, autora homenaxeada este ano; mentres repasaban a súa vida e obra ían coloreando da súa man os retratos  da autora ..

“Se toda a nosa historia fose así, un construír, máis que un acumular, fragmentar e derrubar, se cada unha das nosas actuacións fosen un continuo cimentar máis que un utilizar e desgastar, gozaríamos da vida nun país seguro de si mesmo, acolledor, criativo e orgulloso”

. Luísa Villalta filóloga, violinista, escritora, poesía, teatro, narrativade ficción, ensaio, traducción colabora nas publicacións colectivas, intervén en recitais, escribe artigos...

Os seus poemas auscultan a respiración das fotografías, escoitan o seu pulso. As vidas das mulleres do Papagaio toman forma na voz dunha poeta que ergue nela a dignidade no medio da hipocrisía, da moral represora e da violencia patriarcal que equipara á violencia da especulación urbanística…

A voz da poeta adquire en O Papagaio unha inaudita reverberación.

A escritura de Luísa Villalta irradia exploración e movemento, desde o núcleo e á procura da formulación máis profunda desprega rexistros formais e estilísticos con texturas diversas. …. O poético sería, nesa exploración, liberdade, pensamento que se revela, reflexión, escoita e acontecemento.

Luísa Villalta falece inesperadamente na madrugada do 6 de marzo de 2004 na súa casa, mentres durmía. Unha meninxite fulminante pon fin á vida da escritora.

E todo se suspende.

Un violín soa fronte o mar no cemiterio de Santo Amaro. O sol quece o desamparo dun luns de marzo.

Catro meses despois do seu falecemento publícase En concreto.

Así vou eu
formando parte
Non me abandono e formo parte

Os acentos da súa voz, os focos do seu traballo, o alento da súa escrita fan dela unha autora que sorprende na súa singularidade; e sendo unha escritora que se incardina no seu tempo, traza no literario insólitos itinerarios. A solidez do edificio que constrúe emerxe nunha obra marcada pola exploración, o pensamento apaixonado, a procura do rigor. Luísa Villalta pon de relevo, unha vez máis e fóra de estereotipos, a amplitude do campo literario que se estende en trazos de autoras únicas.

Ana Romaní

Duas profesoras do IES Lamas de Abade visitan un par de centros educativos en Nápoles a través do programa Erasmus + para poder ver o funcionamiento dos centros educativos en Italia e poder compartir métodos de traballo.

O 2 de maio conmemoramos o Día Internacional contra o Acoso Escolar. Este día, proclamado polos Estados membros da UNESCO, destaca a importancia de crear un ambiente seguro para todos os nenos e nenas.

Estudantes de 1º, 2º e 3º de ESO, acompañados por Ana Dapena e Lupe Rodríguez, están a disfrutar dun país bastante descoñecido para nós, Lituania. Grazas ao Programa Erasmus +, durante 9 intensos días visitan Vilna, Kaunas e Alytus, onde se mergullan na cultura lituana grazas á súa estancia en familias e ás interesantes clases no instituto Dzūkija School.

Unha viaxe chea de historia, arte, natureza, gastronomía, linguas diferentes, amizade e unha morea de emocións para nunca esquecer.

Con motivo do 8 M propoñemos sensibilización , formación e acción pola Igualdade, Seguridade e Liberdade das nenas e mulleres de todo o planeta. Poñemos tamén en valor a mulleres de tódolos ámbitos da vida

https://erasmusieslamasdeabade.blogspot.com/

https://www.facebook.com/profile.php?id=100089562700578

facebookErasmus.E.schoolsforthefuture

eschoolsforthefuture.blogspot

O alumnado que participa en mobilidades Erasmus+,intercambiaron información sobre o Entroido galego e outras tradicións similares nos países de acollida. No rincón E+, podedes ver unha exposición sobre estas festividades carnavalescas en Lituania, Chequia e Rumanía.

MANIFESTO POLA PAZ

DIA ESCOLAR POLA PAZ E A NON VIOLENCIA

2024 IES LAMAS DE ABADE

Estudantes, profesorado e tódalas persoas da comunidade educativa estamos preocupadas pola presenza de guerras, de manifestacións de xenocidio, intolerancia e violencia en tódalas súas formas.

Alarmadas polo incremento de conflitos armados nos (5 continentes, que estivemos visibilizando nos grupo de aula ), de abusos dos dereitos humanos, de actos intolerantes nas nosas cidades, ameazas e abusos, de actos e condutas denigrantes, agresivas e violentas en internet e nas redes sociais que atentan contra a integridade física e psicolóxica das persoas.

Hoxe queremos facer un xesto de VARRER AS GUERRAS porque AS GUERRAS IMOS PARAR, queremos CAMBIAR O MUNDO!!

Conscientes de que a paz non é só ausencia de conflitos queremos fortalecer o noso compromiso coa CULTURA DE PAZ, QUE IMPLICA:

O RESPECTO Á VIDA, Á FIN DA VIOLENCIA, A PROMOCIÓN E PRÁCTICAS DA NON VIOLENCIA POR MEDIO DO DIÁLOGO, A COOPERACIÓN E EN ESPECIAL DA EDUCACIÓN PARA A TOLERANCIA E A PAZ.

O respecto e a promoción da solidariedade e o dereito ao desenvolvemento humano e a protección do medio ambiente para nós e as xeracións futuras.

Lembramos neste día ás comunidades educativas, ás familias, periodistas, intelectuais, artistas e a toda a cidadanía en xeral, a responsabilidade que todas e todos temos no compromiso de mirar a realidade desde unha visión que impulse unha cultura de convivencia, tolerancia e paz, e de igual xeito, a responsabilidade e o papel informativo e educativo de cada persoa desde o seu lugar.

Sabemos que a PAZ se constrúe e comeza por respectar ás persoas que temos ao nosol lado.

Invitamos neste día a traballar e intentar facer realidade aquilo que dixo a UNESCO…“POSTO QUE AS GUERRAS NACEN NA MENTE DAS PERSOAS, É A MENTE DAS PERSOAS ONDE DEBE CONSTRUIRSE OS BALUARTES DA PAZ”

O MUNDO É NOSO !!