slideshow 1 slideshow 2 slideshow 3

INFORMACIÓN ESO

       

 

INFORMACIÓN BACHARELATO

 

INFORMACIÓN FP

       

 PROBAS ACCESO CICLOS FORMATIVOS

 

                 

 

RESERVA E ADMISIÓN CURSO 2024-2025

 

Cata a cegas de "chuches"

En aras da contribución  á prevención dos trastornos de saúde derivados dunha incorrecta alimentación, como cada ano, o Dpto de Bioloxía e Xeoloxía trata o temas de Alimentación e Nutrición con carácter eminentemente práctico, coa idea de conseguir un maior calado e grao de compromiso coas análises de resultados dos traballos realizados e contribuír, deste modo, á modificación dos hábitos culturais adquiridos.

Este curso, o grupo de Alumnos de PDC de 3º ESO  realizaron o obradoiro de CATA A CEGAS DE CHUCHES cuns resultados case que inesperados. Dúas mostras foron as gañadoras: unhas gominolas de regaliz encarnada moi coñecidas por todos e, incriblemente, uns arándanos frescos. Resultaron empatadas para sabor e textura. O informe de resultados tivo que recoller que as primeiras, ademais de ser so caloría baleiras  de azucre, segundo a súa publicidade recoñece abertamente:

“puede tener efectos negativos sobre la actividad y la atención de los niños”

Para reflexionar, verdade?

Os arándanos, pola contra, son un alimento natural, moi agradable pola súa frescura e textura e aportan vitaminas, fibra e minerais.

A considerar, verdade?

Por outra banda, a celebración da cata coincidiu este curso coa estrea dos tan desexados novos tallos de laboratorio: con respaldo e estabilidade. Que felicidade!!!

E, por último, porque non dicilo? AQUÍ TAMÉN SE FALA GALEGO¡¡¡

 

Visita da empresa Zirkonzahn

O pasado luns, 4 de marzo, o alumnado do CS de Próteses dentais recibiu a visita de Gioia e Lorenzo, técnicos en Próteses dentais da empresa italiana Zirkonzahn, cuxo fundador, Enrico Steger, é o inventor do Zirkograph, sistema de fresado manual, para elaborar próteses de zirconio. O alumnado puido disfrutar dunha presentación dos cursos de formación postgrado que ofrece Zirkonzhan en Italia así como dunha mostra dos produtos elaborados e os materias empregados nas súas próteses. Finalmente amosáronos o laboratorio móbil de Prótese dental co que están a viaxar por Europa para poder dar a coñecer a súa empresa.

IES LAMAS 8 DE MARZO

Con motivo do 8 M propoñemos sensibilización , formación e acción pola Igualdade, Seguridade e Liberdade das nenas e mulleres de todo o planeta. Poñemos tamén en valor a mulleres de tódolos ámbitos da vida

Visita de Fernando Lalana

Esta mañá os alumnos de 3º ESO recibiron a visita de Fernando Lalana, autor dunha das novelas propostas neste curso; o escritor falounos da su traxectoria literaria e contestou ás curiosas preguntas dos nosos alumnos, concretamente sobre a novela Escartín en Lima.

Fernando Lalana naceu en Zaragoza no 1958. Tras estudar Dereito, encamiñou os seus pasos cara a literatura, que se converteu na súa primeira e única profesión. Dende aquela, Fernando Lalana publicou máis de cen libros de literatura infantil e xuvenil. Gañou en tres ocasións o Premio Gran Angular de novela. No 1990 recibiu a Mención de Honra do Premio Lazarillo, o Premio Barco de Vapor e no 1993, o Premio da Feira do Libro de Almería, que concede a Junta de Andalucía. No 1991, o Ministerio de Cultura concedeulle o Premio Nacional de Literatura Infantil e Xuvenil, premio do que xa fora finalista en 1985 e volvería selo no 1997. No 2007, La Tuneladora formou parte da Lista de Honra White Ravens. No 2010, Fernando obtivo o Premio Cervantes Chico e no 2012 o Premio Edebé. Fernando Lalana vive en Zaragoza, sobre as pedras que habitaron os romanos de Cesaraugusta e os musulmáns de Medina Albaida. É dicir, no Casco Vello. 

CHARLA: "OS ANTIBIÓTICOS, SOLUCIÓN OU PROBLEMA"

O alumnado do Ciclo Superior de Laboratorio Clínico e Biomédico e o do Ciclo Medio de Farmacia e Parafarmacia asistiu a unha excelente e amena charla da doctora en Enxenería Química da USC MARTA CARBALLA ARCOS: "Os antibiòticos, soluciòn ou problema" 

Charla de Xavier Aldekoa: “Cobalto, a febre do ouro azul”

 

Xabier Aldekoa no momento da súa presentación

Este ano, a  X Feira de minerais de Área Central acolleu a case unha trintena de expositores con preciosas e únicas pezas. E os nosos alumnos de cuarto de ESO de Lamas de Abade non deixan nunca de visitala.

Debido ó seu carácter altamente didáctico, a feira complétase con exposicións, obradoiros e charlas dirixidas ó público escolar. Máis de 800 estudantes de centros escolares de toda Galicia acoden  a Área Central para visitar a feira e formar parte das actividades complementarias, como obradoiros de identificación de minerais, bateo de ouro, fósiles e mineraloxía.

O periodista de La Vanguardia, Xavier Aldekoa, impartiu unha charla para o público escolar. Baixo o título “Cobalto, a febre do ouro azul” Aldekoa explicou como no sueste do Congo, as grandes firmas internacionais e os mineiros artesanais disputan unha batalla desigual polo cobalto, mineral chave para a fabricación das baterías dos coches eléctricos. Despois de navegar polo rio Congo e visitar varias minas da rexión, o escritor e reporteiro especializado en África fíxonos tremer ó contármonos a súa experiencia sobre o terreo e falounos sobre o espolio que se produce no corazón de África. En ningún momento se sentiu falar nada, nin baixiño, e había uns douscentos rapaces naquel momento. Realmente estremecedor.

Aldekoa é o  corresponsable en África de La Vanguardia, cofundador da Revista 5W e colaborador de National Geographic, GEO, Gatopardo o SER, entre outros medios, é autor dos libros Océano África, Hijos del Nilo, Indestructibles e Quijote no Congo (Editorial Península).

Nós chegamos de primeiros e puidemos escoller o mellor sitio

Para poder celebrar esta feira, a organización conta ademais coa colaboración do Departamento de Educación do Concello de Santiago, a Escola de Enxeñaría de Minas e Enerxía de Vigo, o Grupo Mineralóxico e Xeolóxico Galego, o Museo de Historia Natural de Santiago e a Mina Consuelo de A Pontenova.

Charlas na Biblio

ENTROIDO ERASMUS

O alumnado que participa en mobilidades Erasmus+,intercambiaron información sobre o Entroido galego e outras tradicións similares nos países de acollida. No rincón E+, podedes ver unha exposición sobre estas festividades carnavalescas en Lituania, Chequia e Rumanía.

“Me cachis na mar salgada”

Como cada ano, o EDLG organiza una festa previa ó Entroido, esta vez con fins reivindicativos. “Salvemos os nosos océanos” foi o lema escollido para convidar a todo o alumnado do IES Lamas de Abade a celebrar esta festa e presentarse á última hora da mañá o concurso convocado. Nestas datas tan significativas na xestión e coidado dos  nosos recursos medioambientais, non podiamos esquecernos de dedicarlle este ano este ratiño de reflexión.

O Equipo de Dinamización da Lingua Galega acordou valorar como o mellor traxe e máis axeitado ó tema escollido, o dos alumnos de 2º B que se presentaron como “Narcotraficantes e patrulleiras de policía”. Estivo moi logrado, conseguiu incluír a tódolos rapaces da clase que quixeron incluírse e, a posta en escena, non tivo parangón; os flamantes policías conseguiron atrapar ós contrabandistas por mais que quixeron pasar desapercibidos na súa zodiac. Dereitos á FALCONA!! 

Parabéns ós premiados que serán agasallados cunha consumición na cafetería do noso IES Lamas de abade.

Preténdese con este premio tamén, animar ó alumnado e profesorado a revisar ese léxico e esas expresións feitas, que tan acostumados estamos a usar na lingua galega sen decatármonos de forman parte tamén do noso idioma, aínda que non sexa o máis académico, si é o máis popular.

Concurso Pilabot

Ecopilas, ERP e Ecole, xunto á Xunta de Galicia, promoven a quinta edición desta campaña de recollida selectiva de pilas e acumuladores portátiles nos centros educativos de primaria e secundaria de Galicia.

O Concurso Pilabot repartirá catro premios entre os centros educativos que máis pilas recollan.

Auspiciado polo Dpto de Bioloxía e Xeoloxía, sempre preocupado da Educación Ambiental, neste curso participamos o IES LAMAS DE ABADE, grazas ó esforzo de todo o alumnado de 1º de ESO, que o fai con unha soa intención: GAÑAR!!!

Non é certo, ja. Despois de recibir a charla ofrecida pola nosa persuasiva Miriam que nos ofreceu unha conferencia encandeadora, sabemos que o facemos porque O COIDADO DO NOSO MUNDO ESTÁ so  NAS NOSAS MÁNS.

Participa!! tráenos tódalas pilas usadas que podas recoller!

Podemos ganar un substancioso premio económico de conseguir ser os mellores recolledores. Pero, de non ser así, nos quedaremos coa idea de que termos contribuído á sensibilización das nosas familias e da sociedade en xeral. Porque nós xa estamos concienciados, nós sabemos que se non somos nós quen de mirar polo noso planeta, a ninguén lle vai importar.

VEÑA, RAPACES!!! IMOS A POR TODAS!!!

 

Theme by Danetsoft and Danang Probo Sayekti inspired by Maksimer