slideshow 1 slideshow 2 slideshow 3

INFORMACIÓN ESO

       

 

INFORMACIÓN BACHARELATO

 

INFORMACIÓN FP

       

 

Visita ao RIAIDT do alumnado de 2BACH de Bioloxía e Ciencias da Terra

VISITA Ó RIAIDT DOS ALUMNOS DE 2º BACHARELATO DE BIOLOXÍA E CIENCIAS DA TERRA

Os postos de traballo que han desempeñar os nosos alumnos aínda non están inventados, pero a visita a este tipo de centros pode servir para crear neles un sentimento de seguridade ante a versatilidade dos seus coñecementos actuais para poder acceder a multitude de empresas dun amplo espectro de campos de traballo.

O RIAIDT creouse como un centro onde se localizan infraestruturas de uso común cuxo servicio pode ser requirido por  algún departamento de investigación da USC  así como por outros organismos públicos e empresas privadas.


Unha das seccións que máis nos gustou foi a Área de Raios X polo modo en que nos foi presentada. Ofrece servicios de investigación en sistemas estruturados con periodicidades desde 0.5 a 1000
Å. De modo quepode servir para determinar a estrutura cristalina ou molecular dun composto ou estudios de dispersión e difracción de Raios X e reflectometría.

Nos servicios para a observación das mostras con microscopios electrónicos e confocais non so tivemos a oportunidade de comprobar como funcionan estes carísimos aparatos senón que se nos permitiu manipular, colocando as mostras, un antigo ME de  tipo analóxico.

Concerto Didáctico "Sinfonía Romaría"

O pasado xoves 19 de xaneiro o alumnado de 2º da ESO estivo presente no Concerto Didáctico "Sinfonía Romaría" interpretado pola banda de Música Municipal de Santiago de Compostela no Auditorio de Galicia gozando da actividade cun comportamento exemplor e con gran aproveitamento.  

Hoxe gañamos Tod@s !!!!!!!

A última actividade do trimestre naceu como medio para incentivar a solidariedade coa recollida de alimentos da Biblioteca. O Departamento de Educación Física tomou a iniciativa de organizar un "partido solidario" no que o alumnado pagaba a súa entrada coa entrega dun quilogramo de alimentos.

A asistencia foi enorme contabilizándose máis de 170 entradas, as gradas estiveron cheas de xente e de encendidos ánimos e o espectáculo no campo tivo emoción minuto tras minuto sendo necesario resolver o resultado do encontro na tanda de penaltis na que os vencedores foron os de 4º da Eso xusto no derradeiro lanzamento do partido. Non obstante, co éxito desta actividade, hoxe os gañadores fomos todas e todos. Parabéns!!!!

 

Éxito da Campaña "Quilos de Poesía"

Éxito da campaña de recollida de alimentos para a Cociña Económica de Santiago organizada polo equipo da Biblioteca do Lamas. Hoxe pola mañá e coa colaboración do alumnado, as múltiples caixas de alimentos foron entregadas no seu destino. Grazas a todas as persoas que colaboraron coa iniciativa!!!!

    

Bo Nadal co vídeo do Dpto. de Educación Física!!

FELICES FESTAS

               

Operación "Quilos de Poesía" na Biblioteca

Igual que en anos anteriores o Equipo da Biblioteca pide a colaboración de toda a Comunidade Escolar do Lamas de Abade para axudar nestas datas a aquelas organizacións que loitan pola mellora das condicións na nosa sociedade coa tradicional recollida de alimentos que irán destinados,nesta ocasión, á Cociña Económica.

Nestes días, e con data límite no 20 de decembro, aquelas persoas que queiran axudar poden deposita os alimentos nas caixas habilitadas na propia Biblioteca. Toda colaboración é benvida e agradecida

25N de 2022: a loita contra a violencia de xénero dende o Lamas

A Rama Sanitaria é unha das esencias do Lamas de Abade. E precisamente a mellor maneira de amosarlle a toda a comunidade escolar o seu compromiso social é colaborando en facer máis visible un día coma o de hoxe.

Sendo 25 de novembro, durante o recreo da xornada, o alumnado de 1º Curso de Ciclo Medio de Técnicos de Farmacia e Parafarmacia (FAEPA), amosou un compromiso social excepcional compartindo con todo o Centro as enormes posibilidades da súa futura profesión para detectar, visualizar, previr e erradicar a violencia machista.

Xunto con colaboracións de outros cursos (Alumnado de Plástica, varios cursos da ESO...) os futuros técnicos de Farmacia e a súa titora, fixeron visible na entrada do Lamas de Abade as posibilidades dunha farmacia como espazo cualificado para o benestar da sociedade e para a loita por erradicar lacras sociais como a violencia de xénero.

 Podes atopar máis información sobre esta e outras actividades no blog do Plan de Igualdade do Lamas de Abade “La Rayuela” e tamén podes ver máis fotos da actividade neste álbum.

 

Unha "Estrela da Ecoloxía" no medio do noso IES de Lamas

Serías capaz de coller do mar un impresionante lumbrigante e, vendo que non cumpre a normativa de pesca ou que está cargado de ova, proceder a tiralo de novo pola borda? E unha centola apetitosa ou unhas nécoras?

E por riba estarías disposta ou disposto a perder moita parte do teu tempo libre, e superar a túa timidez, para aparecer en público facendo vídeos amenos nos que tentar transmitir valores como o coidado do “Medio Mariño”, a defensa da “Pesca Sostible” ou a necesidade de traballar en cada marea polo futuro dos bancos marisqueiros?.

Pois iso é o que fai a nosa ESTRELA da ecoloxía do Lamas de Abade. María Maceiras compaxina o seu traballo no mar de Muros cos estudos de 1º Curso do Ciclo de Coidados Auxiliares de Enfermaría no noso Instituto. Despois de coñecela por tik-tok (@mariabadernado) e instagram  xa estabamos orgullosos dela. Pero acabamos de recibir con inmensa ledicia a nova de que ten recibido o Premio Nacional de Gastronomía recentemente instaurado na categoría de “Novo Talento” polas súas prácticas de Pesca Sustentable e por transmitir todos eses valores a través da internet.

O xurado estaba composto por xuíces tan competentes na materia como o coñecido cociñeiro Dabid Muñoz, de DiverXO, Lourdes Plana (presidenta da Real Academia de Gastronomía), José Miguel Herrero (director da Industria Alimentaria) ou Joxe Mari Aizega, (responsable do Basque Culinary Center). Sen dúbida no Lamas non podemos deixar de transmitirlle os nosos enormes parabéns polo seu xeito de vida e polo galardón. Na foto podemos ver a María recollendo o premio entregado polo Ministro de Agricultura Luis Planas.   

Concurso de cabazas decoradas.

O departamento de inglés retou ao alumnado de 1º ESO a que decorasen cabazas co tema "Animals". O resultado superou as espectativas, como ben amosan as imaxes. Noraboa!!!

Theme by Danetsoft and Danang Probo Sayekti inspired by Maksimer