Lingua Española e Literatura

INNOVACIÓN EDUCATIVA NAS AULAS DE LINGUA E LITERATURA CASTELÁ DO LAMAS

O 23 de marzo de 2019 a nosa compañeira Alicia Romero (profesora da materia de Lingua Castelá) presentou nas xornadas de Educación Dixital organizadas polo CAFI unha conferencia titulada “Na procura do tesouro: xogo de fuga literario e Instagram invertido” .

Naquel intre, polo exceso de actividades no centro, non fomos quen de colgar a nova na web. Así que, para facer xustiza co seu traballo, presentamos hoxe esta nova na que poñemos en valor todas as actividades vinculadas coa súa docencia e con aquela conferencia que, moi inxustamente, quedou no caixón do esquecemento. 

Alicia desenvolveu nas súas aulas ao longo do curso diversas actividades relacionadas coas metodoloxías activas, a aprendizaxe cooperativa e o visual thinking. Para complementar estas actividades abriu unha conta de Instagram: (@elhuertoliterario) na que colga os materiais que usa na clase para que estean dispoñibles para o alumnado e a comunidade educativa. Pasádevos por alí!

Esta experiencia de innovación educativa foi recollida nun artigo pola revista Educación 3.0. 

https://www.educaciontrespuntocero.com/experiencias/instagram-introducir-visual-thinking-aula/107213.html

Para a creación dalgúns dos seus materiais comenzou a usar unha aplicación web de diseño gráfico chamada CANVA. O seu uso no ámbito educativo explícao moi ben nun artigo publicado polo INTEF (Instituto Nacional de Tecnologías Educativas y de Formación del Profesorado).

https://intef.es/tecnologia-educativa/observatorio-de-tecnologia-educativa/detalle-observatorio/?id=14948

Polo tanto, visto todo o anterior, parabéns para Alicia e, por suposto, para todo o profesorado do Lamas de Abade que loita cada día por ofrecer a docencia con medios absolutamente innovadores.

Encontro literario con Carlos García Gual sobre a "Odisea" de Homero

 

O pasado venres 22 de marzo unha representación do alumnado de 1º da ESO tivo o pracer de compartir un encontro literario co Académico da Lingua Carlos García Gual co obxectivo de que afondasen no coñecemento da literatura clásica e, sobre todo, nunha aproximación á Odisea. (Pulsade aquí se vos apetece ler a entrevista ao Académico e Helenista na Voz de Galicia de hoxe mesmo).

En palabras do profesorado acompañante a actividade foi todo un éxito. Sendo o noso alumnado dos de menor idade dos asistentes amosaron moito interese e gran atención tomando notas e participando activamente no encontro. Parabéns.

Compartimos o álbum coas fotos do Encontro.

Conmemoración do Día da Muller Traballadora

Con motivo da celebración do Día da Muller Traballadora este 8 de marzo, o alumnado de Literatura Universal de 1º de Bacharelato ten realizado unha exposición na que indagan na historia da Muller Traballadora dende a súa Representación en Arte e Textos. A exposición está organizada coa coordinación do Departamento de Lengua Castellana do noso IES.

Compartimos o álbum con algunhas fotografías da exposición. Pulsade na imaxe desta interesante mostra e gozade das fotos

 

"BULULÚ" do IES Lamas, gañador do certame de teatro intercentros 2013

O grupo de teatro “BULULÚ” integrado por alumnado de 3º e 4º da ESO  e 1º de bach do IES Lamas de Abade e do IES Pontepedriña, gañou o XVIII Certame de teatro intercentros coa obra "A Catedral", que se erixiu en gañadora da súa categoría tras a votación dos asistentes ás representacións que tiveron lugar nos IES Xelmírez e Rosalía de Castro e na Facultade de Ciencias da Educación.

"A Catedral" trata dun grupo de peregrinos de orixe francesa que recorre un camiño imaxinario que en realidade é unha viaxe no tempo. As personaxes convértense en testemuñas privilexiadas de tres momentos puntuais e transcendentais na historia do elemento patrimonial máis importante da cidade, a Catedral.

O grupo de teatro púxose en marcha este curso e foron as profesoras de Lingua castelá do centro as impulsoras desta actividade que tivo unha gran acollida entre o alumnado.

A comunidade educativa do Lamas felicita aos integrantes de “BULULÚ”; alumnado e profesoras, polo seu traballo e polo seu éxito.

Parabéns.

Theme by Danetsoft and Danang Probo Sayekti inspired by Maksimer