Biblioteca

Novas relacionadas coa Biblioteca do Lamas de Abade

Espazo Carmen Laforet: Concursos de Debuxo, Textos Literarios e Fotografía

Nace no ano 2019 o "Espazo Carmen Laforet" coa intención de ofrecer ao alumnado un espazo no que amosar en público os seus traballos vinculados coa educación en igualdade cumprindo co "Plan de Igualdade" promovido e financiado pola Consellería de Educación e O.U. da Xunta de Galicia.

Neste marco a organización ten convocado a realización de varios concursos para amosar as capacidades do alumnado en relación co Debuxo, a Composición de Textos ou a Fotografía.

As bases de cada certame, e os prazos de entrega, podedes velos no álbum de fotos que xuntamos con esta nova e tamén no propio espazo "Carmen Laforet" na entrada da biblioteca do IES Lamas de Abade. 

Santiago Lopo nas "Conferencias na Biblio"

Santiago Lopo estará o martes 3 de decembro co alumnado de 1º de Bacharelato en horario de 10:35 a 11:25 no ciclo de "Conferencias na Biblioteca"

Lopo é un dos autores máis destacados da narrativa galega actual. Abonda con dicir que xa foi premiado na súa carreira co "Premio García Barros" e co "Xerais" coas obras "Hora Zulú" e "A arte de trobar". A gozar da experiencia!

    

Espazo Clara Campoamor na Biblioteca do Lamas de Abade

Un novo espazo na biblioteca: Espazo Clara Campoamor, que albergará libros e exposicións relacionadas con igualdade, o feminismo e a coeducación. Unha iniciativa do Club de Letras, xestionado pola profesora do Departamento de castelán, Ana Gil. Pulsade para ver o álbum deste coidado, inspirador e valiosísimo espazo que demanda parada e atención obrigada.  

Para máis información da Biblio

 

Suso de Toro no Lamas de Abade: "Imaxes e Palabras"

Falar de Suso de Toro é falar de Literatura Galega con maiúsculas, pero tamén destaca polos seus traballos en teatro, televisión, cinematografía, xornalismo e polo seu compromiso político. 

Por todo isto Suso de Toro será o convidado para unha charla na Biblioteca do Lamas o próximo 7 de novembro da que gozará o alumnado dos cursos de 1º e 2º de Bacharelato das materias de "narrativas cinematográficas" e "Cinema e Literatura galegos". A actividade está programada para comezar ás 12:00

Máis información e fotografías da actividade no Instagram da Biblioteca  

Conferencias na Biblioteca: "Economía Circular" con Francisco Méndez Gómez

 

 

 

O alumnado de 3º e 4º da ESO terá o vindeiro luns 4 de novembro unha interesante charla con Francisco Méndez Gómez sobre a "Economía circular". A actividade terá lugar na Biblioteca do Lamas xusto na hora despois do recreo (11:55 a 12:45)

Concurso novo logo da Biblio do Lamas

E pulsando na imaxe podes visitar xa o novo Instagram  da Biblio

Novas imaxes da inauguración da Biblioteca

O profesorado de Lingua Galega e Lengua Castellana veñen de compartir novas imaxes da fermosa inauguración da Biblioteca do Lamas de Abade o pasado día 23. 

Algunhas delas están publicadas no Instagram "adeGalego". Animádevos a pulsar en "seguir" e poderedes acceder sen problema a ver as fotografías pulsando nas iconas de Instagram da liña inferior:

 Lectura continuada 1       Lectura Continuada 2 

A outra posibilidade é a de voltar a consultar o noso álbum de google photos.

Non digades que non se vos ofrecen posibilidades :)

Theme by Danetsoft and Danang Probo Sayekti inspired by Maksimer