IES Lamas de Abade

Visita á exposición "Castelao Maxistral"

Enviado por mma1 o Xov, 01/11/2018 - 11:04

O vindeiro 8 de novembro o alumnado de 2º de Bacharelato e de 4º da Eso visitará a exposición "Castelao Maxistral" da Cidade da Cultura de Galicia. A actividade xira arredor da exposición da obra 'A derradeira leición do mestre' e complétase con outras obras e actividades sobre o mundo escolar nos tempos da IIª República organizada baixo a supervisión de Miguel Anxo Seixas Seoane.

Se tes interese en saber máis da expo podes visitar os seguintes enlaces da Cidade da Cultura, Turismo de Santiago, Cultura de Galicia ou un artigo de opinión do profesor Galrcía Iglesias de El Correo Gallego

Xornadas Prácticas de Cosmética Hidrotermal

Enviado por mma1 o Xov, 01/11/2018 - 10:33

Start: 06/11/2018 09:00

Timezone: Europe/Madrid

Deixamos noticia nos nosos eventos de que o CS de Estética e Benestar participará nas Xornadas prácticas do módulo de Cosmética Hidrotermal no balneario de Cuntis o 6 de novembro de 2018 de 9:00 a 19:00. Aprendede e gozade da experiencia e do lugar.

Calendario

Premio no concurso "explícoche matemáticas 2.0"

Enviado por mma1 o Xov, 18/10/2018 - 13:19

Premio matemáticas Compartimos con gran ledicia a nova de que o noso antigo alumno de 4º da ESO Aarón Vilariño Figueiras ten sido designado como gañador na categoría A (2º ciclo da Eso, Bacharelato e ciclos de F.P) do concurso “Explícoche Matemáticas 2.0” na edición do ano 2018 sendo seleccionado entre 29 traballos da súa categoría.

Ler máis

Abalar móbil para as familias do noso Centro

Enviado por mma1 o Mar, 09/10/2018 - 12:18

Xefatura de estudos

A Xunta de Galicia, coa finalidade de aumentar o acercamento entre o profesorado e as familias, ofrece abalarMóbil. Trátase dunha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida.

AbalarMóbil é unha aplicación que se pode instalar tanto no teléfono móbil como nunha tablet, e que permite ás familias consultar a información de calquera dos seus fillos a través destes dispositivos.

A descarga desta aplicación faise dende Apple store (se o sistema operativo é IOS) ou dende Play Store (se o sistema operativo é Android).

Para máis información consulte os arquivos que se xuntan con esta información