2014/15

Un ano máis a aposta do IES Arcebispo Xelmírez II por promocionar o Deporte entre o noso alumnado, coa fin de contribuir ao desenvolvemento dunha xuventude activa e saudable, viuse compensado por un novo galardón no eido deportivo. Na 37 edición da carreira pedestre popular, organizada polo xornal El Correo Gallego, o noso centro acadou un honroso 4º lugar na clasificación. Algúns dos nosos alumnos e alumnas estiveron entre os mellores clasificados.

A alumna Raquel González Tojo, primeira clasificada do centro, recollendo o seu premio.

O alumnado de 4º da ESO participa, dentro do Plan de Acción Titorial, nos obradoiros do Programa ALEIDA que Igaxes 3 desenvolve no Concello de Santiago dende o ano 2009. Durante os meses de novembro e decembro traballarase a Prevención de Drogodependencias. Facer prevención é o obxectivo prioritario deste obradoiros, a fin de contribuir a evitar a inadapatación e o fracaso escolar que pode conducir, no futuro, á exclusión e á conflictividade social.

O alumnado de 2º de Bacharalato asistiu a reprepresentación teatral da obra de William Shakespeare no Salón Teatro. Na organización da saída participaron os Departamentos de Lingua Castelá e Literatura (como ctividade complementaria na materia Literatura Universal) e Lingua Galega e Literatura.  As Profesoras Ana Mosquera e Felicia Estévez, responsables da organización contaron coa colaboración da profesora Concha Moure.

Na procura de novos espazos educativos, a profesora Carmen Varela de Bioloxía e Xeoloxía, ofereceu ao alumnado de 2º da ESO un Roteiro Botánico pola Alameda de Compostela. Este espazo recreativo de enorme interese histórico, artístico e ambiental, é o xardín máis antigo da cidade. Ten a súa orixe no século XVI, nun terreos cedidos polo conde de Altamira como zona de esparcimento e recreo. Co paso do tempo , o primitivo xardín palaciego foise enriquecendo cunha flora ornamental de unhas noventa especies diferentes, moitas delas singulares, que se multiplicaron ata formar una masa arbórea e arbustiva de máis de mil cincocentos individuos, algún deles centenarios. O alumnado aprendeu a identificar, admirar, respectar e valorar moitas destas especies, que continuará a estudar nas aulas. (3 e 4 de outubro de 2014)