SEGUNDA SESIÓN DO OBRADOIRO Di K Non NA UTE DE TEIXEIRO
A segunda sesión do Obradoiro de prevención de drogodependencia Di K Non, realizouse na UTE do centro Penitenciario de Teixeiro. Alí se desplazaron 32 alumnos, seleccionados por sorteo, acompañados pola orientadora Cruz Présas e profesores do centro. Nesta sesión os membros da comunidade educativa, situáronse nun contexto de privación de liberdade para comprender as consecuencias do consumo e/ou uso de drogas. Algunhas destas sustancias adictivas(alcol, tabaco...), non están moi alonxadas dos entornos do alumnado e esa familiaridade dificulta o exercicio da capacidade de reflexión crítica para tomar decisións persoais responsables.
Se a primeira sesión do obradoiro –desenvolvida no instituto- foi moi interesante, a segunda moito máis, de acordo coa valoración realizada tanto polos alumnos como polos profesores que os acompañaron que consideran que cumpriu de forma eficaz a totalidade dos obxectivos que se pretendían acadar:
• Participar de forma activa nas diferentes tarefas(os alumnos foron protagonistas das súas propias reflexións e conclusións).
• Participar como grupo cohesionado nas asembleas en pequeno grupo.
• Tomar contacto con persoas que pensaban e sentían como os nosos alumnos, que neste momento síntense vítimas das drogas.
• Valorar o custo emocional-social que supón sair das drogas.
• Recibir información en vivo e en directo sobre as consecuencias do uso das drogas por persoas arrepentidas de tomar esa alternativa na súa vida.
• Ser quen de analizar conceptos como:amigo, liberdade,familia,sentimentos,emocións, culpabilidade.
• Aclarar crencias erróneas sobre o uso das drogas .
• Recoñecer situacións que me presionan a tomar decisións inapropiadas na miña vida. Como dicir k non.
• Tratar de potenciar unha reflexión crítica nos adultos tanto a nivel individual como institucional : Que estamos facendo mal? Podemos presentar as institucións outras formas de relación entre xóvenes “ Ocio nocturno saudable para xóvenes”.
Versión para impresora
