blogue deflor.cachada

Os días 8 de novembro  e 14 de marzo, o equipo CdC 2º, realizou unha actividade de recollida de lixo en praia Barraña da man da Asociación Chelonia, logo de que nos deran unha charla explicativa e enmarcada dentro do seu proxecto "Mares Circulares", proxecto de limpeza de costas e fondos mariños.

Datos da 1a recollida: Dos 71kg de lixo que se recolleron, o 66% foron residuos plásticos procedentes da pesca. 

Datos da 2a recollida: 27 bolsas, dos 71,61 kg que se recolleron o 58,01% foron residuos plásticos. Nesta saída reclasificamos os residuos plásticos, dos 41,54 kg de plástico, o 20,88 kg foron topes das bateas acadando uns 1388 fragmentos nuns 700m de praia percorridos.

 Adxuntamos gráficos cos datos das recollidas.

 O alumnado de 2° asumiu o reto de facer funcionar unha máquina de movemento perpetuo e así violar as leis da termodinámica. Fixemos deseño e construción da maqueta da máquina en cartón coa idea de continuar no 2° trimestre en madeira. Conseguirémola facer funcionar indefinidamente?. Estade atentos.

Durante o confinamento, os experimentos do CdC continuaron de diversos xeitos. Un deles, o máis práctico, foi o das alumnas de 2º: construír distintos instrumentos meteorolóxicos que lles permitisen medir magnitudes físicas como a presión, temperatura, humidade e velocidade do vento, creando así a súa propia estación meteorolóxica caseira.

Velaquí o traballo dos distintos experimentos que fixeron: termómetro, anemómetro, higrómetro e barómetro.