Ábrese o proceso de admisión para novo alumnado no centro no curso 21-22

Prazo:  Presentará a solicitude de admisión o alumnado de novo ingreso que queira solicitar praza neste centro. A solicitude será única e o prazo de presentación será do 1 ao 22 de marzo.

Presentación de solicitudes:

1.- De forma electrónica:

- As solicitudes de admisión  cúbrense mediante o formulario normalizado a través da aplicación de xestión do proceso admisionalumnado (https://www.edu.xunta.es/admisionalumnado) e entrégase no centro.

- Pódese cubrir na aplicación anterior e presentala en SEDE ELECTRÓNICA.

2.- De forma presencial: na secretaría do centro indicado como primeira opción.

Documentación a entregar:           

-   Solicitude de admisión: formulario normalizado (ED550B) dispoñible na secretaría do centro, na aplicación admisionalumnado (https://www.edu.xunta.es/admisionalumnado) e na páxina web do centro.

-         Fotocopia do libro de familia onde figure o alumno/a.

-         D.N.I da persoa solicitante e dos membros computables da unidade familiar, cando deneguen a consulta telemática de datos.

-         Certificado de empadroamento no caso de solicitar servizos complementarios.

-         Convenio regulador ou resolución xudicial de separación ou divorcio, de darse o caso.

-         No caso de alumnado con necesidades específicas de apoio, documentación que acredite as circunstancias alegadas.

            A solicitude terá que estar asinada por calquera das/os titulares da patria potestade ou representantes legais. No caso de separación ou divorcio será necesaria a sinatura de ambos/as proxenitores/as, agás que a patria potestade estea atribuída a un deles. En ambos casos, será necesario presentar xunto coa solicitude de admisión a resolución xudicial correspondente para o seu cotexo polo centro educativo.

            No suposto de alumnado afectado por violencia de xénero non será esixible o previsto no parágrafo anterior.

Publicación de admitidos/as:

- Listaxe provisional de admitidos e non admitidos: publicarase unica e exclusivamente no taboleiro do interior do centro e tamén a través da aplicación admisionalumnado, antes do 26 de abril. Poderase formular reclamación no prazo de 5 días hábiles contados a partir do seguinte ao da súa publicación.

- Listaxe definitiva: 18 de maio.

• Lista de vacantes
• Formulario ED550B
• Normativa e manuais

O pasado venres 13 de novembro,  publicouse no DOG a ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, secundaria obrigatoria e educación especial en centros docentes públicos.

O alumnado destinatario será:

•  Alumnado matriculado en educación primaria ou secundaria que fose beneficiario da axuda para mercar material escolar no curso 2020/21 (vale de 50€) (NON TEN QUE FACER NINGUNHA SOLICITUDE).

• Alumnado matriculado en educación primaria que non fose beneficiario da dita axuda pero que cumpra algunha das seguintes condicións  (nestes casos terá que presentar solicitude):

• Pertenza a familias con renda per cápita igual ou inferior a 6000€ (tense en conta o exercicio fiscal 2018)
• Estea matriculado/a en educación especial,
• Alumnado suxeito a tutela ou garda da Xunta de Galicia
• Alumnado cunha discapacidade igual ou superior ao 65%

A solicitude será única para todos os fillos/as que estean no mesmo centro docente e deberá entregarse presencialmente no colexio no prazo de 10 días hábiles contados a partir do seguinte á publicación no DOG  (do 16 ao 27 de novembro) xunto coa documentación que se sinala na Orde.

 Ligazón á orde

 Ligazón ao impreso de solicitude

Impreso de autodeclaración

Informamos que, unha vez rematado o prazo de solicitude de fondolibros e rexistradas as matrículas, podemos anticipar a publicación das listaxes provisionais de fondo solidario e os vales para adquisición de material e libros de texto.

• Poden consultar as listaxes no taboleiro da entrada do colexio e recoller os vales en secretaría.

• Horario de atención ao público: de luns a venres de 10 h a 13:00 h.

• LIBROS EDUCACIÓN INFANTIL

• LIBROS EDUCACIÓN PRIMARIA

• LIBROS EDUCACIÓN SECUNDARIA

 FONDOLIBROS. DEVOLUCIÓN LIBROS e RESOLUCIÓN DA CONVOCATORIA PARA O CURSO 2020/2021

 Estimadas  familias:

 Informamos que os próximos días  17 e 18  de xuño levaremos a cabo a recollida dos libros de texto de 3º, 4º, 5º e 6º de Primaria  recibidos do  Fondolibrosno curso 2019/2020.

 Un membro de cada familia acudirá ao centro e entregaralle os libros á Titora do seu fillo/a que estará na aula e que será quen se encargue de rexistrar a súa devolución. Para evitar aglomeracións recolleremos: o mércores 17 de xuño os libros de 3º e 4º e xoves 18, os de 5º e 6º.

 Pregámoslle que  poñan especial coidado sobre todo naqueles libros que teñen 3 volumes,  un  para cada trimestre, posto que  a  falta de devolución será causa de exclusión da participación no fondo solidario para o vindeiro curso  2020/2021.

 A resolución da convocatoria para o próximo curso será:

 -          19 de xuño: remata o prazo para a solicitude Fondolibros.

 -          10 de xullo: publicación da listaxe provisional de admitidos/as e excluídos/as  única e exclusivamente no taboleiro de anuncios situado no interior da entrada do colexio.

 -          13 e 14 de xullo: presentación de reclamacións.

 -          17 de xullo: publicación da listaxe definitiva.

 -          3 e 4 de setembro: entrega de libros no Centro en horario de 10:00 a 13:00.

Debido ás circunstancias actuais motivadas polo COVID-19, correspóndelle ao centro establecer o sistema e a fórmula máis axeitada para que o alumnado ou as familias acudan ao centro para facer os diversos trámites. Establecendo unhas quendas para a entrega da documentación.

A axudas asignaranse en función da renda per cápita correspondente ao exercicio fiscal 2018, que debe ser igual ou inferior a 10.000€, sendo requisito imprescindible ter devoltos os libros de texto do ano 2019/2020 (enviarase unha circular posterior cos días de recollida de libros). 

• Fondo solidario de libros de texto: para 3º, 4º, 5º e 6º de E. Primaria e 1º, 2º, 3º e 4º de Ed. Secundaria.

• Axuda para adquirir libros de texto: 1º e 2º de Ed. Primaria.

• Axudas para adquirir material escolar:de 1º de E. Primaria a 4ºESO. Renda per cápita inferior ou igual a 6.000 €

A solicitude, unha por familia, poderá realizarse no centro (especificamos quendas) e tamén de maneira telemática, accedendo á aplicación Fondo Libros e a través da  Sede Electrónica da Xunta de Galicia

Prazo de presentación de solicitudes, en horario de 10 a 13 horas:

• Desde o dia 25 de maio ata o 29 de maio: 1º, 2º e 3º de Primaria
  

• Desde o día 1 de xuño ata o 5 de xuño: 4º, 5º e 6º de Primaria
  

• Desde o dia 8 de xuño ata o 12 de xuño: 1ºESO e 4ºESO

• Desde o dia 15 de xuño ata o 19 de xuño: 2ºESO e 3ºESO

Documentación a presentar:

• Anexos  I e II(descargar aquí) ou recoller no centro.
  
• Libro de familia (orixinal e copia) sempre que autoricen a consulta telemática de datos.

Para máis información poden consultar a orde na seguinte ligazón: https://www.edu.xunta.gal/portal/fondolibros

 Recibidas por parte da Consellería as instrucións para o desenvolvemento do terceiro trimestre, destacamos:

• Actividades do terceiro trimestre:

• Na terceira avaliación o alumnado terá que realizar actividades telemáticas, tal e como se viñan realizando ata agora, que serán de entrega obrigatoria.

• As actividades serán de reforzo ou ampliación dos contidos dados nos dous primeiros trimestres e de recuperación no caso de alumnado que teña algún deles suspensos.

• Cada alumno/a terá que estar atento/a á forma particular que ten o profesorado das distintas materias de comunicarse con el.

• Avaliación:

• A avaliación final será en base ás notas obtidas na 1ª e 2ª avaliación e ás actividades de recuperación e reforzo realizadas na 3ª, que sempre beneficiarán ao alumno/a.

• O alumnado que teña algunha ou as dúas primeiras avaliacións suspensas terá que poñer especial interese na realización e entrega das actividades de recuperación que se lle propoñan, para así conseguir unha avaliación positiva.

• Promoción de curso e titulación:

• En Ed. Infantil e Primaria: a decisión será adoptada de forma colexiada tendo en conta os criterios de promoción e tomando especialmente en consideración a información e o criterio do profesorado titor.
• En Ed secundaria: Non hai un número de materias definidas, a decisión de promoción ou titulación será o resultado dunha decisión colexiada do profesorado que imparte clase no grupo en función das particularidades de cada alumno/a. Todo o alumnado que suspenda en xuño algunha materia debe presentarse á convocatoria de setembro. Se a promoción ao curso seguinte ten lugar con materias suspensas, o alumnado ten que cursalas no vindeiro curso 20-21 como materias pendentes seguindo os plans de recuperación que se lle indiquen.

Coa idea de que as familias teñan unha maneira rápida de saber cal é o medio que emprega o profesorado para comunicarse co alumnado no envío e recepción de tarefas, resolución de dúbidas, etc., engadimos a continuación dous arquivos nos que se recollen, por niveis e departamentos, as ferramentas empregadas a a tal fin polo profesorado.

• Educación Infantil e Educación Primaria
• Educación Secundaria Obrigatoria

Na seguinte ligazón teñen as instrucións completas enviadas pola Consellería: Instrucións_3_trimestre

IMPORTANTE

AXUDAS DE CARÁCTER DIRECTO ÁS FAMILIAS DO ALUMNADO USUARIO DE COMEDOR ESCOLAR DURANTE A SUSPENSIÓN DO SERVIZO DE COMEDOR COMO CONSECUENCIA DO COVID-19.

Beneficiarios das compensacións:

Poderán ser beneficiarias destas compensacións as familias con un ou máis fillas/os escolarizados en centros públicos xestionados pola Consellería que teñan a condición de comensais gratuítos ou pagadores dun euro nas relacións de comensais correspondentes ao 31 de xaneiro de 2020.

Importe das axudas:

2,50 € no casos de gratuidade total e 1,50 € nos casos de gratuidade que teñen a obriga de satisfacer un euro pola prestación do servizo.

Duración da axuda:

Compensará os días lectivos correspondentes aos primeiros 14 días naturais de suspensión da actividade educativa durante  primeira a e segunda prórroga de emerxencia sanitaria e alarma.

Eventualmente, contémplase un segundo libramento para o caso dunha ulterior prórroga do estado de alarma que se correspondería cos 14 días lectivos ata o 1 de maio de 2020 no caso de que finalmente se adoptase tal medida.

Solicitudes. Lugar e prazo de presentación

As solicitudes presentaranse obrigatoriamente por medios electrónicos a través do formulario normalizado disponible na sede electrónica da Xunta de Galicia, https://sede.xunta.gal para o que se necesita certificado dixital ou chave 365.

As familias que teñan dificultades para formalizar a solicitude por medios electrónicos poderán solicitar que o equipo directivo do centro educativo no que se escolarizan as súas fillas/os colaboren na formalización da solicitude. Neste caso deberán enviar un correo electrónico a cpi.fonte.diaz@edu.xunta.es cos seguintes datos:

·         DNI do pai ou nai:

·         Pagamento: gratuidade total ou abono de 1€

·         Nome do alumno/a:

·         Nome do pai/nai:

·         Número de conta bancaria na que recibirá o ingreso.

 O prazo de  presentación de solicitudes  comezará o día 31 de marzo e rematará o 6 de abril, ambos os dous incluídos.

Resolución e pagamento das axudas.

O prazo máximo para resolver será de 10 días dende o 6 de abril data na que remata o prazo de presentación de solicitudes.

O pagamento das compensacións realizarase logo da resolución das mesmas nun prazo máximo de 5 días.

En caso de dúbida poderán establecer contacto telefónico co equipo directivo no número.

634 521 753.

Máis información: Orde 27 de marzo 2020