A semanado 5 ao 9 de febreiro empezaremos coa celebración do Entroido. Temos na entrada do colexio a figura do Meco, que nós imos chamar Dona Meca, e que nos dará indicacións que como vir vestidos cada día da semana.Pedimos que na medida do posible as rapazas e rapaces veñan ao centro vestidos segundo ordene Dona Meca.

O Fondo Galego de Garantía Agraria da Consellería de medio rural distribuirá froita no noso Centro, a través do noso provedor.

Servirase froita fresca no recreo a todo o alumnado do Centro, en periodos de dez días lectivos consecutivos:

•  Do 22 de xaneiro ao 2 de febreiro
•  Do 21 de maio oa 1 de xuño.

Achegamos a ligazón para que as familias do alumnado participante na actividade de inmersión lingüística “English Week” 2017 que foi concedida ao Centro cumprimenten a enquisa de satisfacción:

ENQUISA

Data límite para cubrir a enquisa: venres 19 de xaneiro de 2018.

As datas e horas nas que terán lugar os exames de setembro recóllense no seguinte enlace:

"Un ano máis, as nais e os pais fixéronnos un fermoso galano. Tiña o agasallo a forma de doces que compartiron as nenas e os nenos. Con todo, detrás desas deliciosas larpeiradas, hai moito tempo e traballo dedicado ao ben común, ao que é de todas e todos, á nosa escola. Grazas a todas e a todos os que fixestes posible que inzasen as castañas no noso patio ou que medrasen os doces nos sorrisos do alumnado." (Daniel Asorey)

O 16/10/2017 a Consellería de Educación remitenos a seguinte información:

• INSTRUCCIÓNS
• BRIEFING
• FORMULARIO DE INSCRICIÓN

O CPI Fonte-Díaz foi seleccionado para participar na English Week, actividade de inmersión lingüística en lingua Inglesa que organiza a Conselleria de Educación e Ordenación Universitaria.

O alumnado de 6º de Educación Primaria disfrutará dunha semana de convivencia con actividades de carácter cultural impartidas por monitores e profesorado nativo.

Están dispoñibles para a súa recollida no Centro os vales para a adquisición de libros para os cursos de 1º e 2º de Primaria e os vales para a adquisición de material para todos os cursos.

Do 3 ao 13 de xullo o Centro permanecerá aberto de 10:00 a 13:30. A partir desa data estará aberto os martes co mesmo horario.

Para calquera urxencia chamar ao telf. 717715294

 O Claustro de profesores, o Consello Escolar, e a ANPA do CPI Fonte Díaz de Touro, queren manifestar o seu rexeitamento á forma de proceder da Consellería de Educación ao adoptar de forma unilateral o peche e traslado de ensinanzas de varios centros educativos, O CPI Tomás de Lemos de Ribadavia, o CPI Monte Caxado en As Pontes, o CPI da Ribeira en Porriño e o CEIP Emilio Navasqüés de Outes, mostrando unha falta de respecto e consideración á comunidade educativa deses centros: alumnado, profesorado, familias e persoal non docente.

Desde a comunidade educativa de Fonte Díaz entendemos que calquera decisión deste tipo debe ser informada e negociada cos representantes do profesorado e demais traballadores dos centros e cos representantes de pais e nais do alumnado.

Queremos mostrar a nosa solidariedade e apoio á comunidade educativa destes centros e desexar que a problemática se resolva da mellor maneira posible. 

No seguinte enlace figura o calendario de exames para o mes de setembro.