A resolución da convocatoria do FONDO SOLIDARIO de libros de texto para Educación SECUNDARIA será:

 -      Día 11 de xullo: publicación das listaxes provisionais de admitidos/as.

-                   Días 12 e 13 de xullo: presentación de reclamacións.

-                  Día 18 de xullo: publicación da listaxe definitiva de admitidos/as.

        Día 6 de setembro (de 12.30 a 14.30h.) e 7 de setembro (de 10 a 13h) : recollida de libros para o alumnado que se examine en setembro.

-                  Día 13 de setembro : publicación da adxudicación definitiva.

        Día 15 de setembro: Comezo das clases e entrega de libros ao alumnado.

Para a recollida de vales de material, consultar no colexio a principios de xullo.

Estimadas  familias:

Informámoslles que os próximos días 19 e 20 de xuño levaremos a cabo a recollida dos libros de texto de 3º, 4º, 5º e 6º de Primaria  recibidos do  fondo solidario no curso 2016 / 2017.

Cada alumno e alumna entregaralle os libros ao seu Titor ou Titora quen  se encargará de rexistrar a súa devolución.

Pregámoslle que  poñan especial coidado sobre todo naqueles libros que teñen 3 volúmenes,  un  para cada trimestre, posto que  afalta de devolución será causa de exclusión da participación no fondo solidario e das axudas para adquirir libros de texto e material escolar no curso 2017/18.

 A resolución da convocatoria para o próximo curso será:

 -      Día 11 de xullo: publicación das listaxes provisionais de admitidos/as no fondo solidario (3º, 4º, 5º, 6).

-      Día 12 e 13 de xullo: presentación de reclamacións.

-      Día 18 de xullo: publicación da listaxe definitiva.

-      Día 4 e 5 de setembro entrega de libros no Centro en horario de 10:00 a 14:00.

Para a recollida dos vales para adquirir os libros de texto de 1º e 2º de primaria e os  vales de material, consultar no colexio a principios de xullo.

LIBROS DA ANPA

• Datas recollida de libros do curso 2016/2017

                           23 de xuño de 12:00 - 13:00

                           27 de xuño de 12:00 - 13:00 e de 17:00 - 18:00

• Entrega libros do curso 2017/2018, SÓ PRIMARIA, OS DA ESO ENTRÉGANSE EN SETEMBRO.

                           27 de xullo de 17:00 - 18:00

A Presidenta da Anpa.

Prezadas familias:

Os días 20 e 21 de xuño está convocada unha folga xeral de carácter indefinido no sector de transporte de viaxeiros por estrada (martes e mércores de cada semana).

O transporte escolar ten a consideración de servizo mínimo de obrigado cumprimento polo que non debería influír no noso alumnado. De todas formas, non se descarta a posibilidade de que haxa algún problema ca saída dos autobuses dos garaxes, retardando a recollida do alumnado nas paradas, obrigando a facer algún cambio ou impedindo a realización dalgunha das rutas.

Desde a secretaría técnica da Consellería pídennos que comuniquemos esta circunstancia para ocasionarlles as menores molestias posibles. Para máis información, poden consultar a propia páxina páxina da Consellería.

A Asociación de Nais e Pais de Alumnos teñen o gusto de invitalos ao Festival de Fin de Curso que se celebrará o vindeirodomingo 11 de Xuño, cas seguintes actividades:

11:00 Representación teatral a cargo do grupo de Teatro do colexio (Sala de Audiovisuais).

11:45 Exhibición do grupo de atletismo ( Polideportivo).

12:15 Exhibición dos grupos de baile e patinaxe (Polideportivo).

13:15 Actuación da Banda Municipal de Touro.

13:30 Degustación de pratos elaborados polos grupos de minichefs (Patio Cuberto) .

Ao rematar as actividades desfrutaremos duns pinchos para todos os presentes.

DURANTE TODA A MAÑÁ PASARANSE VIDEOS DAS ACTIVIDADES CELEBRADAS NO PRESENTE CURSO.

ESTE ANO NON HABERÁ SERVICIO DE AUTOBÚS

NOTA INFORMATIVA AVALIACIÓN INDIVIDUALIZADA 3º PRIMARIA

Con motivo da celebración no noso Centro do ano de Isaac Díaz Pardo convidamos a toda a Comunidade Educativa, veciños e persoas interesadas a visitala con entrada libre do 22 de maio ao 9 de xuño en horario de 10:00 a 16:00.

O martes 30 de maio ás 11:45 poderán desfrutar dunha visita guiada polo profesor do centro Daniel Asorey.

Convocatoria do fondo solidario de libros de texto, axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2017/18

MODELO SOLICITUDE  ANEXO I

Estimadas familias:

 Informamos que os vindeiros días 30 e 31 de maio realizarase a avaliación individualizada de 3º curso de educación primaria  que terá carácter informativo e orientador e avaliará a competencia en comunicación lingüística e a competencia matemática. Estas probas aplicaranse  a todo o alumnado que asista ao centro ese día.Teñen máis información no DOG do 5 de maio do 2017.

Tal e como informamos na circular repartida ao alumnado, foinos comunicado desde a Xefatura Territorial de Educación a suspensión do transporte escolar por alerta laranxa de neve entre as 12 horas do día 22 e as 12 horas do día 23 de marzo que afectará ás zonas de predición meteorolóxica do Interior da Coruña (na que se sitúa o Concello de Touro). Para aclarar un pouco máis, agora mesmo, a situación é a seguinte:

• Non se suspenden as clases nin o mércores 22 nin o xoves 23.

• O mércores día 22: O transporte escolar recollerá ao alumnado nas paradas no horario habitual e levarao ao centro, pero non o devolverá ás casas á saída de clase. As familias deciden a asistencia ou non a clase dos seus fillos e fillas, pero se asisten teñen que pasar a recollelos no centro á saída da escola.

• Xoves día 23: O servizo de transporte non recollerá ao alumnado nas paradas para levalo ao centro , pero si o devolverá ás súas casas , unha vez que rematen as clases, a todo o alumnado que asista ao centro.

• Suspéndense as actividades no exterior das instalacións dos centros escolares durante o período de alerta.

Para máis información poden consultar no portal educativo da consellería premendo aquí.

Se houbese algunha outra novidade comunicarémola por este medio.

O equipo directivo.