Secretaria
Cambios de data en Fondolibros e vales
As listaxes provisionáis de alumnado beneficiario do préstamo de libros de 3º e 4ºEP as publicaremos o 2 de xullo, e as definitivas o 9 de xullo. As listaxes poderán consultarse únicamente no taboleiro na entrada do colexio. As datas de entrega serán as previstas en setembro.
A entrega de vales para adquisición de libros de texto para 1º e 2ºEP e/ou material escolar (de 1ºEP a 6ºEP), será entre o luns 6 de xullo e o venres 10 de xullo en horario de 9,45h a 12h na secretaría do colexio.
Estes cambios están motivados por alteraciones nas aplicacións informáticas nas que xestionamos toda esta documentación, debido á situación creada de retrasos nos trámites administrativos pola crise do coronavirus.
Listaxes definitivas de admisión
Hoxe 22 de xuño procedemos á publicación das listaxes definitivas de alumnado admitido e non admitido para o vindeiro curso 20/21. (non sufriron variacións sobre as provisionáis)
Podedes consultar as listaxes no taboleiro na entrada do colexio, e tamén con chave 365 e/ou certificado electrónico na aplicación admisión de alumnado.
PARA OS ADMITIDOS: Tedes que formalizar a matrícula na secretaría do centro entre o 1 e o 10 de xullo (horario de 9,45h a 12h). A documentación a presentar é a seguinte:
- Impreso de matrícula debidamente cumplimentado (pódese recoller tamén en conserxería)
- Enquisa de uso da língua galega tamén cuberto. (pódese recoller tamén en conserxería)
- Catro fotografías tamaño carné.
- Fotocopia da tarxeta sanitaria
- Fotocopia do libro de vacinas ou certificado médico.
PARA OS NON ADMITIDOS: A comisión de escolarización asignará praza nalgún dos centros solicitados, se teñen vacantes. No caso contrario asignará un colexio que teña vacantes e que esté o máis cerca posible ao domicilio ou centro de traballo alegado. Deberíades de recibir o aviso do colexio finalmente asignado antes do 1 de xullo.
Libros de Texto no curso 2020-21
Publicamos a nova listaxe de libros para o vindeiro curso. Hay cambios nos cursos de infantil e 1ºEP, pero sobre todo no curso de 3ºEP no que cambiamos case todos os libros despois de seis anos cos mesmos.
Advertimos a todas as familias que garden os libros do presente curso que teñan sen utilizar, xa que é probable que algúns se utilizen no inicio do curso
(Clic na imaxe para acceder á listaxe)
ADMISIÓN 20/21: Listaxes provisionáis
Dende hoxe venres 5 de xuño (a partires das 12h), podedes consultar as listaxes provisionáis de admitidos e non admitidos para o curso 2020-2021. Seguindo instruccións da Consellería de Educación, este curso NON podemos publicar as listaxes na web por temas de protección de datos.
Como podedes consultalas? :
- PRESENCIALMENTE: Acudindo ao colexio, as tedes no taboleiro, na entrada principal. (de 9,30h a 14h)
- TELEMÁTICAMENTE: Única e exclusivamente a través da aplicación admisionalumnado empregando a Chave365 ou certificado dixital.
- NON PODEMOS PROPORCIONAR INFORMACIÓN TELEFÓNICA SOBRE ESTES DATOS.
Ata o día 10 de xuño poderanse presentar reclamacións na secretaría do colexio.
As listaxes definitivas as publicaremos previsiblemente o 22 de xuño. O prazo para formalizar a matrícula será do 1 ao 10 de xullo.
Entrega de materiais e outras informacións.
Estimadas familias, xa podemos confirmar que non haberá regreso ás aulas do alumnado de infantil e primaria neste curso. O venres 19 de xuño finalizarán as actividades lectivas, e ademáis recibiredes as avaliacións de final de curso a través de Abalar Móbil, así como a circular de final de curso con importante información. Lembrade tamén, que ata o 19 de xuño podedes entregar as vosas solicitudes para acceder as axudas de libros e material escolar para o vindeiro curso, ben telemáticamente ou na secretaría do colexio en horario de 9,45 a 12h.
ENTREGA DE MATERIAL ESCOLAR E LIBROS DO ALUMNADO.
Neste longo periodo de tempo de restriccións, algunhas familias solicitáchedes a posibilidade de recoller materiais das aulas. Agora, coa entrada de Galicia na fase 2 de desescalada, xa estará permitido que o profesorado acuda ao colexio a realizar algunhas tarefas como a de entrega de materiais. Por isto, entre o martes 26 e o venres 29 de maio, as familias que o necesitedes poderedes recoller o que consideredes imprescindible e necesario para terminar este curso, respectando o día e hora asignados na seguinte táboa, e tendo en conta que haberá unha nova entrega final de todo o material e libros do alumnado na última semana de xuño, onde ademáis os libros e ordenadores en préstamo terán que ser devoltos.
DÍA | DE 10 A 12H | DE 12 A 14H |
MARTES 26 | 1º EP | 4º EP |
MÉRCORES 27 | 2º EP | 3º EP |
XOVES 28 | 5 ANOS | 4 ANOS |
VENRES 29 | 5º EP | 6º EP E 3 ANOS |
PEDIMOS AOS QUE DECIDADES VIR AO COLEXIO A RECOLLER MATERIAIS, E/OU A ENTREGAR SOLICITUDES EN SECRETARÍA, QUE O FAGADES INDIVIDUALMENTE, CON MASCARILLA E MANTENDO A DISTANCIA SOCIAL DE 2 METROS CO RESTO DE PERSOAS.
Axudas para libros e material escolar no curso 20-21
Hoxe martes 19 de maio publícase no DOG a convocatoria anual para solicitar axudas para a compra de libros de texto, material escolar e/ou participar no préstamo solidario de fondolibros de cara ao vindeiro curso 2020/21. Estas axudas son exclusivamente para o alumnado que cursará estudos de Ed. Primaria ou Secundaria o vindeiro ano académico. O prazo comeza o 20 de maio e durará ata o 19 de xuño. Preferentemente realizarase a presentación de solicitudes por vía telemática. Tamén pode facerse presencialmente na secretaría do colexio en horario de 9,45h a 12h, respectando as medidas sanitarias en vigor, e as establecidas polo propio centro.
A continuación deixamos enlaces con información de interese para esta convocatoria.
CIRCULAR INFORMATIVA DO COLEXIO
ACCESO A APLICACIÓN FONDOLIBROS
Reapertura do prazo de admisión de alumnado
No DOG do 6 de maio, publícase o Acordo sobre o restablecemento do proceso de admisión de alumnado. Para a realización e seguimento deste acordo a dirección do centro informa do seguinte:
- O novo prazo de entrega de solicitudes será do 11 ao 18 de maio ambos inclusive, en horario de 10 a 13h na secretaría do colexio.
- A presentación pode ser telemáticamente a traves da web admisionalumnado
- A presentación de documentación acreditativa do baremo será ata o 26 de maio. (Recoméndase entregala do 11 ao 18 de maio)
- Publicación de listaxes provisionais de alumnado admitido e non admitido o 8 de xuño.
- Reclamacións do 9 ao 11 de xuño en horario de 10 a 13h na secretaría do colexio.
- Publicación das listaxes definitivas antes do 26 de xuño.
- Formalización da matrícula en secretaría: do 1 ao 10 de xullo
NORMAS BÁSICAS DE ACCESO AO COLEXIO
- Na medida do posible, unha única persoa para realizar a xestión en secretaría.
- Seguir indicacións na entrada, e manter distancia de seguridade con outras persoas que se atopen no recinto.
NOTA IMPORTANTE: O colexio abre o luns 11, exclusivamente e co persoal imprescindible para atender este proceso de admisión de alumnado. Para o resto de consultas ou trámites, por favor, utilizar o teléfono 981133029 ou o correo electrónico: ceip.fernandez.latorre@edu.xunta.gal
Información para o 3º trimestre.
No seguinte cadro aportamos a información da que dispoñemos, a día 30 de abril, sobre os asuntos que consideramos de especial interese para as familias e o alumnado.
AVALIACIÓN: O profesorado establecerá os criterios e procedementos de avaliación e promoción, tendo en conta principalmente os resultados e aprendizaxes da 1ª e 2ª avaliación e tamén valorando na medida do posible o traballo desenvolvido nesta 3ª avaliación. |
PROMOCIÓN: A norma xeral será a promoción de nivel ou etapa, e a repetición seguirá sendo unha medida excepcional. Os/as titores-as elaborarán a final do curso, un informe de cada alumno-a, coas aprendizaxes imprescindibles non adquiridas para ser incorporadas na programación do vindeiro curso |
REGRESO AS AULAS: Dende A Consellería de Educación non teñen unha data prevista. O alumnado volverá ou non ás aulas, dependendo da evolución positiva da pandemia e das recomendacións e instruccións da Consellería de Sanidade. |
RECOLLIDA DE MATERIAIS: Ata que os colexios poidan abrir ao público non podemos entregar libros nin material escolar. Únicamente prestamos ordenadores a familias que o solicitaron a través do titor-a. |
FINAL DE CURSO: A Consellería mantén as datas previstas na orde que regula o calendario escolar. Polo tanto as actividades lectivas terminarán o 19 de xuño coa entrega das notas. |
ADMISIÓN DE ALUMNADO: Sigue interrumpido o proceso. Se todo evoluciona favorablemente, estaría previsto a mediados de maio reiniciar o proceso, coa posible apertura dos colexios. |
BECAS COMEDOR: Dependen do Concello de A Coruña. Tamén están en suspenso. Avisaremos na web e por abalar móbil cando abra o prazo de solicitude. Enlace. |
AXUDAS DE LIBROS E MATERIAL 20/21: Estas dependen da Xunta e solicítanse no centro ou electrónicamente. A convocatoria todavía non está publicada. Agardamos que sexa a partir de mediados de maio. |
COMUNICACIÓNS: Coa dirección do colexio no 981133029 en horario de mañá en días laborables. En calquera momento no enderezo ceip.fernandez.latorre@edu.xunta.gal. Para contactar co profesorado, a través dos medios indicados por eles no apartado de cada curso na páxina web. Recomendamos ter a aplicación Abalar Móbil descargada nos vosos teléfonos intelixentes, para poder recibir información actualizada do centro e do profesorado. |
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »