Secretaria
Reapertura do prazo de admisión de alumnado
No DOG do 6 de maio, publícase o Acordo sobre o restablecemento do proceso de admisión de alumnado. Para a realización e seguimento deste acordo a dirección do centro informa do seguinte:
- O novo prazo de entrega de solicitudes será do 11 ao 18 de maio ambos inclusive, en horario de 10 a 13h na secretaría do colexio.
- A presentación pode ser telemáticamente a traves da web admisionalumnado
- A presentación de documentación acreditativa do baremo será ata o 26 de maio. (Recoméndase entregala do 11 ao 18 de maio)
- Publicación de listaxes provisionais de alumnado admitido e non admitido o 8 de xuño.
- Reclamacións do 9 ao 11 de xuño en horario de 10 a 13h na secretaría do colexio.
- Publicación das listaxes definitivas antes do 26 de xuño.
- Formalización da matrícula en secretaría: do 1 ao 10 de xullo
NORMAS BÁSICAS DE ACCESO AO COLEXIO
- Na medida do posible, unha única persoa para realizar a xestión en secretaría.
- Seguir indicacións na entrada, e manter distancia de seguridade con outras persoas que se atopen no recinto.
NOTA IMPORTANTE: O colexio abre o luns 11, exclusivamente e co persoal imprescindible para atender este proceso de admisión de alumnado. Para o resto de consultas ou trámites, por favor, utilizar o teléfono 981133029 ou o correo electrónico: ceip.fernandez.latorre@edu.xunta.gal
Información para o 3º trimestre.
No seguinte cadro aportamos a información da que dispoñemos, a día 30 de abril, sobre os asuntos que consideramos de especial interese para as familias e o alumnado.
AVALIACIÓN: O profesorado establecerá os criterios e procedementos de avaliación e promoción, tendo en conta principalmente os resultados e aprendizaxes da 1ª e 2ª avaliación e tamén valorando na medida do posible o traballo desenvolvido nesta 3ª avaliación. |
PROMOCIÓN: A norma xeral será a promoción de nivel ou etapa, e a repetición seguirá sendo unha medida excepcional. Os/as titores-as elaborarán a final do curso, un informe de cada alumno-a, coas aprendizaxes imprescindibles non adquiridas para ser incorporadas na programación do vindeiro curso |
REGRESO AS AULAS: Dende A Consellería de Educación non teñen unha data prevista. O alumnado volverá ou non ás aulas, dependendo da evolución positiva da pandemia e das recomendacións e instruccións da Consellería de Sanidade. |
RECOLLIDA DE MATERIAIS: Ata que os colexios poidan abrir ao público non podemos entregar libros nin material escolar. Únicamente prestamos ordenadores a familias que o solicitaron a través do titor-a. |
FINAL DE CURSO: A Consellería mantén as datas previstas na orde que regula o calendario escolar. Polo tanto as actividades lectivas terminarán o 19 de xuño coa entrega das notas. |
ADMISIÓN DE ALUMNADO: Sigue interrumpido o proceso. Se todo evoluciona favorablemente, estaría previsto a mediados de maio reiniciar o proceso, coa posible apertura dos colexios. |
BECAS COMEDOR: Dependen do Concello de A Coruña. Tamén están en suspenso. Avisaremos na web e por abalar móbil cando abra o prazo de solicitude. Enlace. |
AXUDAS DE LIBROS E MATERIAL 20/21: Estas dependen da Xunta e solicítanse no centro ou electrónicamente. A convocatoria todavía non está publicada. Agardamos que sexa a partir de mediados de maio. |
COMUNICACIÓNS: Coa dirección do colexio no 981133029 en horario de mañá en días laborables. En calquera momento no enderezo ceip.fernandez.latorre@edu.xunta.gal. Para contactar co profesorado, a través dos medios indicados por eles no apartado de cada curso na páxina web. Recomendamos ter a aplicación Abalar Móbil descargada nos vosos teléfonos intelixentes, para poder recibir información actualizada do centro e do profesorado. |
Iniciamos o 3º trimestre
Estimadas familias, esperamos que estedes ben ou o mellor posible despois dun mes de confinamento nas casas. Sabemos que esta a ser duro pra a maioría, pero tamén sabemos por moitas das vosas mensaxes e contribucións que o estades superando con ilusión, creatividade e moito cariño. Queremos pediros que sigades así agora que comezamos o último tramo do curso, e pedimos a vosa imprescimdible colaboración co profesorado, para o seguimento de actividades e tarefas.
Dende a dirección do colexio queremos informaros dalgunhas noticias e medidas que poden ser de interese a partir de agora:
- Como será a 3ª avaliación?. Esperamos instruccións a partir do mércores ou xoves. Estaredes puntualmente informados.
- Cando volveremos ao Colexio?. Non temos ningunha información oficial sobre este asunto. Nin datas, nin como o faremos.
- Como estamos a comunicarnos? Principalmente polos correos electrónicos aportados por titores-as, tamén Abalar Móbil, este sitio web, Edixgal en 5º e 6ºEP e outros recursos como videoconferencias ou teléfonos. Cando teñades dúbidas sempre podedes contactar co colexio no enderezo ceip.fernandez.latorre@edu.xunta.gal ou en horario de mañá en días lectivos no 981133029.
- Onde están as tarefas ou propostas didácticas?. Principalmente na web do colexio nos apartados de cada curso e/ou especialidade, coa excepción de 5º e 6ºEP que traballan na plataforma Edixgal. Tamén a Aula Virtual e algún blog persoal que atoparedes sempre na web do cole.
- Alumnado con problemas de falta de ordenador e/ou internet. Somos coñecedores da maioría das familias con este problema. A partir deste martes 14 procuraremos darlles unha solución co préstamo de equipos. Tamén o Concello acaba de sacar un programa no que pretende levar as tarefas ás familias. Estaremos en contacto con eles para traballar coordinadamente.
- Departamento de Orientación. Encabezado por Luis Seijas, quero informaros que sigue totalmente activo e colaborando nas necesidades de reforzo e apoio do alumnado de NEAE e NEE e tamén disposto a resolver as vosas dúbidas ou consultas. Deixo enlace as súas indicacións e recomendacións.
- Comidas para alumnado becado. Poden obter diariamente o seu menú. Toda a información aquí.
- Actividades extraescolares on line. No seguinte blog tedes toda a información de como participar nos diferentes retos e actividades propostas polos monitores-as de extraescolares.
Moito ánimo en nome de todo o claustro e demáis persoal do colexio.
Novidades. Información importante!
A Consellería de Educación trasladounos información importante, logo da reunión de onte mércores 25/3/20 coa Ministra de Educación. Unha vez analizadas as medidas adoptadas, a dirección do colexio quere poñer en coñecemento das familias a seguinte información:
- Haberá informe de resultados da 2ª avaliación, na que utilizaremos todo o material de seguimento e observación do alumnado ata o 12 de marzo.
- A publicación das notas desta 2ª avaliación será a través de Abalar Móbil o mércores 1 de abril.
- A ampliación do estado de alarma significa que, polo menos, ata o 14 de abril seguirá sen haber clases.
- O profesorado continuará enviando e planificando tarefas para o alumnado ata o 3 de abril, inicio da semana santa.
- Este curso NON se realizará a proba de avaliación diagnóstica en 3ºEP nin en 6ºEP.
- O luns 30 de marzo, unha empresa especializada contratada polo Concello, desinfectará o colexio.
Para finalizar, quero agradecer a alumnado- familias - profesorado a colaboración e o esforzo común para manter a actividade lectiva neste escenario excepcional, do que desexamos todos-as sair canto antes. Moito ánimo!!!
Paralización do proceso de admisión
Según o RD 463/2020 de 14 de marzo, onde indica a paralización de procedementos administrativos quero informar que o proceso de admisión queda paralizado tanto na modalidade presencial como telemática. Volverá a reanudarse cando iniciemos de novo as clases, previsiblemente durante unha semana máis. Por suposto todas as solicitudes presentadas ata o momento están validadas e formarán parte do proceso cando este se reanude.
Novas medidas adoptadas no colexio pola crise do coronavirus.
Estimadas familias.
Logo da publicación do RD 463/2020 e de recibir instruccións da Xunta de Galicia, renovamos algunha das medidas adoptadas:
- A partir do luns 16, e ata novo aviso, quedan suspendidas as actividades lectivas no colexio. Tamén suspéndense os servizos de madrugadores, comedor e actividades extraescolares
- O acceso ao colexio neste periodo estará restrinxido ao Equipo Directivo para cuestións de urxencia coas administracións autonómica, estatal e local. As consultas ou trámites co centro deben realizarse preferentemente a través do correo electrónico.
- TAREFAS. As titoras-es publicarán na web do colexio, no apartado da súa aula, tarefas e recomendacións para o alumnado. De igual xeito, Abalar Móbil poderá ser utilizado para calquera tipo de comunicación.
- EDIXGAL. O alumnado de 5º e 6ºEP seguirá recibindo tarefas e actividades a través da plataforma EVA.
- As xuntas da 2ª Avaliación quedan aprazadas ou suspendidas, en función da duración das medidas excepcionais.
Estas medidas poden cambiar na medida que recibamos novas instruccións das autoridades educativas e/ou gubernamentales, así que pedimos que estedes atentos-as ás mensaxes pola web e abalar móbil.
Moito ánimo para todas-os, e vémonos pronto!.
A Coruña, 15 de marzo de 2020.
O Director
Pablo Rey Vázquez
CIRCULAR EN PDF (do 13 de marzo)
Información actualizada sobre a crise do coronavirus
Cando recibamos instruccións por parte da Consellería de Educación seguiremos aportando máis información.
O Director ( A Coruña 12 de marzo de 2020 - 18,10h)
------------------------------------------------------------------------------------------------------------------------------------------------------------------------------------------------------
O mércores 11 de marzo a Conselleira de Educación indicou en reunión o seguinte respecto á situación do coronavirus nos colexios;
Que a situación en Galicia está en nivel de "contención". A incidencia é baixa en comparación con outras zonas. Diariamente reúnense cos expertos sanitarios para facer seguimento da situación. As medidas tomadas na actualidade e as futuras, o serán sempre baixo criterios de responsabilidade, profesionalidade dos expertos en sanidade e proporcionalidade das mesmas.
As recomendacións seguen a ser as mesmas dende o inicio e as fomentaremos dende as aulas. Por último pedimos as familias que no caso de que algún alumno-a teña síntomas febriles non veña ao colexio ata a súa desaparición.
Agradecemos a vosa colaboración, entendemos a preocupación existente pero queremos mandar un mensaxe de calma e tranquilidade. Asi mesmo, continuaremos aportando nova información cando sexa necesario a través de Abalar Móbil e da web do colexio.
----------------------------------------------------------------------------------------------------------------------------------------------------------------------------------------------------------------------
Dende a dirección xeral de saúde publica da Consellería de Sanidade nos fan chegar información relativa ao coronavirus (COVID-19) que resulta de interese para os centros educativos, así como as seguintes recomendacións.
RECOMENDACIÓNS DA CONSELLERÍA DE SANIDADE
Admisión de alumnado 2020-2021
- SOLICITUDE (ATA O 23 DE MARZO)
- INSTRUCCIÓNS E VACANTES
- CRITERIOS DE VALORACIÓN
- HORARIO DE SECRETARÍA
- MAPA DE ZONAS DOS COLEXIOS DE A CORUÑA
- RÚAS E NÚMEROS DA AREA DE INFLUENCIA DO COLEXIO
- SORTEO LETRAS DE PRIORIDADE
- ASIGNAMOS 1 PUNTO AOS QUE SOLICITAN CENTRO PÚBLICO EN 1ª OPCIÓN
- XORNADA DE PORTAS ABERTAS O LUNS 09 DE MARZO ÁS 18H
Comezo das obras de mellora da pista polideportiva cuberta
A partir do día 3 de decembro a pista polideportiva cuberta estará pechada para realizar obras de mellora e acondicionamento na mesma, que incluirán reparacións no firme e unha nova capa de pintura en toda a superficie. A duración da obra, se o tempo acompaña, será de tres semanas aproximadamente. Trátase dunha actuación que, por diferentes motivos non se puido executar no verán, e de non facerse agora corremos o risco de perdela, xa que a paga o Concello con cargo aos presupostos de 2019.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »