Os alumnos de 1º leron As pitas baixo a choiva, de R. Carballo Calero e fixeron a súa versión da súa páxina favorita. Aquí vemos os traballos de Alba, Joel e Noelia. Tamén o de Álvaro en arquivo adxunto.

Mateo entrou na ligazón do Reino das Emocións e compuxo a súa propia historia que quere compartir con nós. Ben feito!

 

Soraya López, profesora de Música e nai de Alonso (1º) e Laura Arribas (5º) quere compartir con todos nós este divertido xogo musical. Animádevos a probalo!!!

Con moita imaxinación, reutilizando materiais que temos na casa e un pouco de cartulina podemos facer cousas moi "chuliñas". Mateo preséntanos as súas creacións. Noraboa, "artista"!

Podedes ver máis cousas dos nenos e nenas de primeiro curso no blog VERDEIROLES

A Álvaro, de 1º, gústalle estar cómodo na casa e lendo un bo libro. A súa lectura mellorou moito. Grazas, Álvaro, por compartir este conto.

Ola nenos e nenas de primeiro curso, Draco, o noso amigo do reino das emocións, enviounos unha mensaxe. (Pincha na imaxe para lela).

Tamén nos deixa un xogo para os que teñamos ordenador.  Consiste en facer unha tarxeta semellante á que vedes arriba, pero co voso toque persoal. A ver se sodes capaces de facer a vosa propia tarxeta con mensaxes positivas para animarnos a todos e todas.

Para xogar podemos escoller personaxes, escenarios, diálogos, obxectos e músicas, pulsando na casiña "Validar". Despois de escollelos todos pinchamos na casiña "Ver" e movemos os diversos elementos segundo queiramos. Finalmente pinchamos en "Descargar" e xa temos no noso ordenador o debuxo, que podedes envialo ao profe para subilo á web.

Ánimo

Na seguinte ligazón podes ver como Ainhara (1º) crea os seus personaxes de Halloween:

https://verdeiroles.blogspot.com/2020/03/ainhara-e-os-seus-personaxes.html

 Anímate, crea os teus personaxes ou as túas historias e compárteas.

Joel (1º curso) compuxo este poema para compartilo con todos nós.                             OS VIRUS NON PASAN

A Alba (1º) encántalle facer magdalenas; xa é casi unha experta. E seus pais están moi contentos de que lle guste e axude un pouco na casa. Quen dixo que os nenos de 6 ou 7 anos non podían facer nada na casa? Ademais, así váisenos pasando o tempo moito mellor. Ummm... Quen me dera probar unha desas ricas magdalenas!

Alonso aproveita que está na casa para ler. Hoxe regálanos o conto do Gaiteiro e o lobo.

Segue o blog de 1º e 2º no seguinte enderezo: verdeiroles.blogspot.com

Álvaro (1º curso)  e súa irmá Nora quixeron compartir con todos este magnífico traballo de Plástica. Grazas por compartir!

Xa temos o primeiro "Conto desde a casa", Diego Soage de 1º curso, "O galo Quirico".

A ver quen é o seguinte...

BLOG DE PRIMEIRO

O pasado venres, 31 de xaneiro visitaron o noso colexio os alumnos de Infantil da EEI O Grupo.  Logo de coñecer as distintas dependenccias do colexio compartiron cos rapaces de 1º unha interesante actividade.

Aproveitando que traballamos conxuntamente as adiviñas, na aula onde está situada a RADIO SEQUELO, e coa asistencia técnica dos alumnos de 5º, gravamos esta emisión de radio.

Foi inha experiencia moi enriquecedora e divertida.  Nunca esqueceremos a nosa primeira vez diante dos micros da radio.

Aos de 1º encántanos a froita. Hoxe tocou plátano, mañá tocará amorodo. Que ricos! A froita debe formar parte da nosa dieta diaria.

Esta semana encetou o concurso PILABOT. Trátase de recoller moitas pilas usadas. O colexio que máis xunte...P R E M I O ! As pilas teñen materiais moi contaminantes que fan necesario un tratamento diferenciado dos demais residuos. NON tires pilas no contedor do papel ou do plástico. Só se poden botar nos contedores de pilas.

  Nos primeiros días está tendo máis éxito do agardado.

O NADAL É MAXIA E ILUSIÓN Hoxe puidemos disfrutar da maxia grazas ao Mago Paco que, ademais, nos convidou a escribirlle a carta a Papá Noel.

Os alumnos de 1º decidimos mandarlle "un reto" aos nenos e nenas da EEI O GRUPO. Algúns de nós temos moi bos recordos dese cole. Pois ben, nós escollemos unha adiviña, mandámoslla por vídeo e eles teñen que adiviñala e enviarnos a nós a súa adiviña. Esta é a nosa. A ver se a acertas! CUCURRICO NON TEN OLLOS NIN CU NIN BICO, PERO OS FILLOS DE CUCURRICO TEÑEN OLLOS, CU E BICO.

Dentro do Plan PROXECTA, o programa ALIMÉNTATE BEN permítenos este ano repartir leite de balde aos nosos alumnos. O leite é un alimento moi importante para que os nenos poidan medrar sans e fortes. Ánimo a todos a que o proben e sigan tomando esta rica bebida, como fan os nenos/as de 1º que aparecen na imaxe.