Aproveitando os raios de sol e que onte foi o día do libro, fixemos un apadriñamento lector! Tivemos unha xornada de convivencia onde os nenos e nenas máis pequenas escoitaron un conto da man dos e das maiores. Ao rematar, cada grupo/parella fixeron un debuxo sobre o conto que acababan de escoitar. Como nos gustou estar todos e todas xuntas!

Dádelle o play para coñecer os contos!

SAÍDA CULTURAL A APÍPOLIS 

O alumnado de 1º e Infantil a través duns obradoiros en Apípolis coñecen o labor das abellas e necesidade de

protexelas para coidar a biodiversidade da nosa contorna. 

CONTACONTOS EN FAMILIA

Como apoio ao Plan Anual de Lectura unha das actividades das que máis disfruta o noso alumnado

é dos CONTACONTOS.

QUE BEN O PASAMOS!!!!

Este pasado venres 8 de marzo visitou o colexio David Rodríguez, autor de "Superavoa", que fixo a delicia dos nenos e nenas de 1º e 2º de primaria. Deixámovos unha pequena mostra do que aconteceu.

MULLERES TRABALLADORAS

Continúa os enlaces para saber máis

Esta semana, co gallo da celebración do

 Día Internacional da Muller, 

na aula de 1º tivemos as visitas de:

Marisa, bisavoa de Matilda e Nico,

a farmacéutica Patricia Pazó,

nai de Daniel de 1°

e a visita de Beatriz,

peixeira da Praza de Abastos de Marín.

 Continúa os enlaces para saber máis

Despois de pasar uns días gozando do entroido, chegamos ao cole e atopámonos cunha sorpresa...temos patio novo de infantil!

Levábamos unhas semanas desexando que estivese acabado para ver o resultado e a espera mereceu a pena! 

Hoxe por fin o tempo nos deu unha tregua para poder desfrutar del!

Deixámosvos unhas fotiños para que vexades a sorte que temos deste novo cambio e o chulo que quedou.

Que ben senta o verde!

Hoxe trouxemos as nosas mellores galas para participar no concurso de disfraces! De unha en unha pasamos pola alfombra vermella para lucir o noso disfraz ante todo o colexio e algúns ata o acompañaron dunhas moi boas interpretacións!

Aquí vos deixamos o vídeo do desfile e outro con algunhas fotos que realizamos ao longo do concurso. Non puidemos ter mellor presentadora...A teacher María!

O xurado, composto por:

• Dani (compañeiro de 6º)
• Montse (mestra de música)
• María (presidenta da ANPA)
• Laura (mestra de Audición e Linguaxe)
• Sabela (compañeira de 6º)

Non o tiveron nada fácil para elixir aos gañadores e gañadoras

Agora...toca esperar ata mañá para coñecer quen son!

Esta semana celebramos o día da paz representando o noso río Lameira nun mural que enchemos con barcos, paxaros e peixes con mensaxes de paz. Tamén cantamos varias canción: “It’s time to change” de Juanes e “Help!” dos The Beatles coa Teacher María e “Que canten los niños” de José Luis Perales coa profe Montse. 

Aquí tendes as magníficas actuacións e algunhas imaxes do mural!

Achégase o momento de elixir cole para o próximo curso. Por iso, dende o noso centro, elaboramos un vídeo para todas aquelas familias que nos queiran coñecer. Agardamos que vos guste!

Vinde a aprender con nós!

Este ano os nenos e nenas de Infantil e Primeiro de Primaria elaboraron unhas postais moi chulas para felicitar o Nadal aos compañeiros e compañeiras da Escola Infantil O Grupo. A súa vez os alumnos e alumnas de 3º e 4º comezaron un intercambio de postais cos nenos e nenas de 3º do CEIP Plurilingüe do Carballal. Escribíronlle mensaxes tanto en Galego como en Inglés. 

Elaboralas foi moi divertido, pero recibir unha postal de parte dos outros nenos e nenas fíxonos moita ilusión!

Onte no CEIP Sequelo tivemos unha morea de cousas. Comezamos a mañá escoitando panxoliñas da man da profe Inés e moitos dos nenos e nenas do cole. Ao rematar, puidemos coñecer aos finalistas e gañadores e gañadoras do concurso de postais que dende o cole facemos cada ano.

Na hora do patio, tivemos unha sorpresa...Chegou Papá Noel! Os nenos e nenas de Infantil e primeiro non dubidaron en entregarlles a súa carta. Logo de xogar un pouquiño no patio, chegaron as actuacións! Os diferentes cursos foron cantando e interpretando cancións de nadal tanto en galego, coa axuda da profe Montse, como en inglés, coa axuda da Teacher María. Xusto cando estabamos rematando, tivemos outra sorpresa...Apareceu o apalpador! Os nenos e nenas de terceiro puideron darlles uns debuxos moi bonitos que eles e elas mesmas lle fixeron. Por último, para rematar o día de festa, a ANPA preparounos chocolate con churros moi delicioso. Que sorte tivemos!

Para que vexades un pouquiño da mañá deixámosvos dous vídeos: un cheo de imaxes e outro con algunhas panxoliñas e actuacións da mañá para que nos escoitedes entoar as nosas voces e  vexades como movemos o esqueleto. 

Ao longo deste mes, tamén desfrutamos do tren de Nadal do Concello que nos levou polas rúas de Marín para ver que chulas e navideñas están. No vídeo tendes algunha fotiño!

Por último, este ano o noso cole cumpliu 50 anos! Por iso fixemos unha tarta moi grande, decoramos unhas velas moi chulas e pegámosllas. Por suposto, cantámoslle cumpleanos feliz. Parabéns CEIP Sequelo!

Moitas gracias á ANPA por decorar o cole tan chulo de nadal, por eses churros con chocolate tan ricos e por toda a súa implicación!

Tamén agradecer a Papá Noel e ao apalpador por vir un ratiño ao noso cole e poder vivir un momento máxico cheo de ilusión! 

BO NADAL!

Esta vez os nenos e nenas de 1º e 2º de Educación Primaria traénnos unhas receitas do outono con moi boa pinta. Animádesvos a probalas na casa?

Moitas grazas familias!

O pasado 28 de novembro tivemos “A trastenda dos contos”, un contacontos sobre o Día internacional da Eliminación da Violencia contra a Muller da man do CIM (Centro de Información á Muller) de Marín.

A actividade foi destinada para o alumnado de Educación Infantil, 1º, 2º e 3º de primaria. 

Que momento máis divertido pasamos!

Os nenos e nenas de 1º de EP puxéronse mans á obra para elaborar un conto para conmemorar o 25 de Novembro-Día Internacional da Eliminación da Violencia contra a Muller.

Aquí vos deixamos a historia feita e contada por eles e elas! Ademais, se queredes ver o conto, tamén podedes dar un paseo pola beira do río lameira.

Agardamos que vos guste!

PREVENCIÓN DE ENFERMIDADES DENTAIS

A través dunha charla dialogada co alumnado de 1º e 5º as profesionais de odontoloxía do centro de saúde de MARÍN axudan á prevención de enfermidades bucodentais á infancia.

 Compostaxe, Reciclaxe, Conservación...

O mércores 15 de novembro, os nenos e nenas de primeiro participaron na actividades "A tribo dos ecobechos", incluída no programa "Revitaliza".     

         Pasaron un tempo estupendo, aprendendo moito sobre a compostaxe.

continúa os enlaces para ver os vídeos

O Xogo da Miñoca é unha actividade pertencente

ao programa educativo Revitaliza

"Apúntate á compostaxe"

organizado pola Deputación de Pontevedra.

Receita de Bombóns

O alumnado de 1º de Primaria dedicou unhas clases

á elaboración e degustación de bombóns.

segue os enlaces

 O SEQUELO COCIÑA

 Quedaron con ganas de probar máis!

CUENTACUENTOS

El jueves 16 de noviembre, la mami de Daniel de 1º visitó nuestra biblioteca

para contar unos cuentos a toda la clase.

Compartió con nosotros:

"El monstruo Rosa" y "El libro enfadado"

sigue los enlaces para ver más

¡Qué suerte tenemos en 1º!

MUCHAS GRACIAS

O alumnado de 1º de primaria experimentou hoxe coa programación de robots utilizando o kit de LEGO WeDo. Tiveron que seguir catro pasos:

1. Construír un caracol utilizando a tablet onde figuraban as instrucións,

2. Conectar o robot á tablet mediante bluetooth

3. Escribir a programación utilizando bloques

4. Comprobar que funciona!

E podemos dicir que o pasaron moi pero que moi ben!! Descubriron que podían cambiar cores, escoller sons ou mesmo gravarse a si mesmos para incluír as súas voces na programación.

O venres 3 de febreiro o alumnado de 1º, 2º e 5º do CEIP Sequelo foi visitar o Lago de Castiñeiras e coa colaboración da Asociación Juan XXIII plantaron árbores. Ademais Gaspar Bernárdez, inxeñeiro de montes faloulles da vexetación e animais que alí podemos atopar. Foi unha mañán moi entretida onde aprendemos moito.