Froito do Taller de Escritura que tódolos anos levamos a cabo en Sexto, este ano coa colaboración moi especial de poetas como Helena Villar Janeiro ou Antonio García Teijeiro xurde este Caderno de Bitácora que recolle moitos dos traballos dos nenos, todo aderezado con cadanseu Haiku (5-7-5)

TRUQUE MATRUQUE (Marcos Acuña) púxolle música aos contos. Ofreceunos hoxe o seu espectáculo "Unha Terra chea de..." en tres sesións, no exterior. Deste xeito rematan as actividades da Semana das Letras Galegas 2021.

Namentras un pobo cante na súa lingua esta permanecerá viva.

Este ano o CEP Sequelo celebra o Día das Letras Galegas organizando unha serie de actividades culturais para ensalzar a figura da poeta homenaxeada, XELA ARIAS.

Dada a situación de pandemia e o protocolo existente, as principais actividades vanse levar a cabo no exterior respectando os grupos burbulla e, por suposto, uso da máscara, distancia persoal e  hixiene de mans.

    Clicando no seguinte arquivo poderá acceder ao PROGRAMA.

Ola alumnas e alumnos!

Aquí vos deixamos o resultado final de tódolos traballos sobre a bandeira e o escudo de Galicia, unha das propostas que nos deixou a profesora Inés co gallo de conmemorar o "Día das Letras Galegas".

Queremos agradecer a vosa participación! Unha forte aperta!

Os alumnos de 5º A traen moitas máis visións da personaxe, Ricardo Carvalho Calero retratado coa maestría da que só son quen os nenos e nenas do Sequelo.

Os nenos de 4º estivemos coñecendo un pouco a vida e obra do autor das letras galegas do 2020 Ricardo Carvalho Calero e fixemos a biografía, caricaturas e un rap como homenaxe. Pincha nos enlaces se queres ler a biografía, ver as caricaturas, ler a letra do rap ou ver os nenos rapeando.

                                                   UNS ARTISTAS!!!

Tanto de xeito "artesanal" como ao xeito 2.0 os alumnos de 5º animáronse a deixarnos algunhas das súas recreacións da figura de Carvalho Calero, de máis mozo e de vello. 

Clara Lamas Seijo de 5º A, caracterizada para a ocasión, deixanos este marabilloso poema que Álvaro Cunqueiro trobou ao estilo das nosas cantigas medievais

Esperemos que non sexa verdade o título do poema de Carvalho Calero, inda que o seu significado fose moi outro. Breixo, Carlota, Laura e Alexandra logo de traballar este soneto do autor, recítanno para todos.

Ángel Sorbet de 6ºB, tamén se suma á celebración do Día das Letras Galegas 2020, recitando este poema de Carballo Calero que nos enviuo hoxe mesmo. Moitas grazas Ángel.

Os rapaces e rapazas

de quinto A

un poema do homenaxeado

foron recitar.

Lembrando a súa infancia no Ferrol

antes da morte da súa nai...

(preme no botón de subtítulos do vídeo se non o entendes ben)

Marín inda garda recunchos de Marín, recunchos que descubren os alumnos de 5º a través da poesía de Celso Emilio Ferreiro, porque....

"Vivir non é preciso, navegar si" 

Moi agradecidos ás familias, que en canto puideron saír cos rapaces, se botaron a navegar Marín.

A plataforma QUEREMOS GALEGO proponnos celebrar o Día das Letras Galegas amosando cartaces do debuxante Luis Davila dende os balcóns ou as fiestras. Nas ligazóns que aparecen embaixo podes descargar os cartaces para imprimilos ou pintalos.

Cartaz Luís Davila, a cor, mosaico (imprimir en 4 folios)

Cartaz Luís Davila, para pintar, mosaico (imprimir en 4 folios)

Cartaz Luis Davila para pintar A3

Hai uns aniños Ángel Estévez Pazos viñera polo colexio para falarnos do Entroido Tradicional no seu San Tomé natal. Un aniño máis tarde sacara este fermoso libro do que Elva Pintos Omil, tamén con orixes familiares en San Tomé, nos deixa esta "Roda do Lume". A palabra poética sopla con máis forza no lugar onde se imaxinou.

Como ela mesma di como cabeceira de presentación, Elena Gallego é periodista en tempos de crises e domadora de dragóns en mundos literarios. A saga DRAGAL, editada en galego por Edicións Xerais de Galicia, está sendo traducida a distintas linguas e saltará moi logo ás pantallas de cine e distintos soportes multimedia. "Dragal. A herdanza do dragón", que nos presenta neste vídeo, foi o primeiro libro da serie. Foi finalista no IV Premio Fundación Caixagalicia en 2009. No 2019 vén de publicar a última entrega da serie, Dragal V. O segredo do dragón". GRACIAS, ELENA, POR CELEBRAR CON NÓS O DÍA DAS LETRAS GALEGAS.

Dende o CEP Sequelo seguimos festexando ó polivalente Ricardo Carballo Calero ó que este ano se lle adica o "Dia das Letras Galegas".

Esta vez a nosa homenaxe aparece en forma de agasallo. A profesora Inés elaborou os recursos educativos que vos presentamos a continuación co obxectivo de que a vida e obra do autor poida chegar ó noso alumnado dun xeito doado, ameno e de calidade. Prestade moita atención ás ilustracións e mesmo podedes tentar reproducilas! 

O primeiro dos agasallos é unha pequena biografía do autor que remata coa poesía "Anxo de Terra" que agocha un interesante segredo...quen será Benito Soto.

 O segundo agasallo "As pitas baixo a choiva" que xa está a traballar o alumnado mais cativo do CEP Sequelo é un relato breve que narra unha anécdota do autor. Foi publicado na revista Lar en 1952.

 O último dos agasallos é un repaso pola nosa simboloxía a través dun interesante titorial sobre a elaboración da bandeira e escudo de Galicia. A quen lle sairá mellor?

Pensades que a Ricardo Carballo Calero lle houbesen gustado os nosos agasallos?

Unha aperta!

Grazas á Alonso(1º) e Laura(5º) e aos seus pais Soraya e Alberto por este agasallo musical que nos ofrecen para celebrar a festa das LETRAS GALEGAS 2020.

Alexandre de 6ºB mándanos un pouco de información sobre Carballo Calero, rematando co recitado do poema "O trevo das catro follas".