6º Primaria

Episodio 3: Os Adeuses

A xeración 2015-2021, que no futuro será lembrada como a xeración da mascarilla, déixannos as súas impresións do seu paso polo noso centro. No minuto 9:58 as tomas falsas

Episodio I: Os comezos

No 2015 un grupo de ousados rapaces atrévense a traspasar as portas do CEP Sequelo....

A Figueira de Newton

Animación feita con Scratch, idea orixinal de Breixo Vidal e narrado por el mesmo e Daniel Pastoriza Pidre. Unha versión nova do descubrimento da Gravidade por Newton

20 Razóns para falar galego

Os alumnos de 6º B aportan cadansúa razón para falar galego ou cando menos para non esquecerse da lingua que creamos os habitantes deste pequeno recuncho arriba e a dereita da Península Ibérica.

Entrevista á Profe Mar

Entrevista moi interesante a que realizaron os alumnos de 6º á profe Mar, centrada na súa próxima despedida do colexio, pero esta vez dende a visión que temos os mestres de tódolos alumnos que ao longo dos anos pasaron polo noso centro. 

E logo Zoe que nos conta unha divertida anécdota.

Premios Muralla de Lugo de Redacción

Logo de moitas participacións sen conseguir outro resultado (que xa dabondo é) que os rapaces se interesasen por un dos monumentos máis interesantes do noso rico patrimonio, este ano volvimos té-la sorte de contar con outro finalista nos premios.  Dende Lugo mandounos esta fotografía. Parabéns Xoel Sequeiros.

LÉ GALEGO

Mellor explicado non podía estar:  se les galego, se te emocionas coa cultura propia da lingua, acabarás usándoa.

CADERNO DE BITÁCORA

Froito do Taller de Escritura que tódolos anos levamos a cabo en Sexto, este ano coa colaboración moi especial de poetas como Helena Villar Janeiro ou Antonio García Teijeiro xurde este Caderno de Bitácora que recolle moitos dos traballos dos nenos, todo aderezado con cadanseu Haiku (5-7-5)

 

Maio Xeitoso

Entre todo o traballo que levamos feito este ano, sempre se nos quedan cousas no tinteiro, como foi o caso deste Maio Xeitoso. Pero...nunca é tarde para amosar o talento dos nosos rapaces.

ENTREVISTA A XELA ARIAS

As rapazas de 6º A viaxaron no tempo, a finais dos 80, para entrevistar case que en directo a Xela Arias e co material que sacaron, elaboraron esta fermosa "Entrevista Literaria".

 

Maquetas de Maio

O ano pasado fomos quen de facelo, este ano seguro que tamén. Participa connosco na elaboración dunha pequena maqueta dun maio.  Cando a teñas rematada, entrégalla ao teu titor e poderala ver exposta na semana do 1º de Maio no Museo Torres. Aquí tedes exemplos do que se fixo o ano pasado

Sentidiño no comedor escolar

O noso comedor da man da monitora Paula convertido nun recuncho non só destinado a alimentar o corpo, senón tamén o espírito. Cada día estes rapaces sorpréndennos pola súa creatividade.

ACCIÓN POÉTICA EN VIOLETA

Para o 8 de Marzo os rapaces de 6º decidiron organizar a súa propia Acción Poética, desta vez de acordo do día cambiando a estructura da acción, que polo xeral soe ser nun fondo branco. Non podía ser doutra cor que violeta e sobre ese fondo crearon frases de futuro para o día de hoxe, enchéndoas de contido porque eles realmente cren nelas.

Os 1000 e 1 disfraces de Mortadeltino

Aproveitando a idea dun dos pais do noso centro que sabe moito disto, do Entroido, e que nos deu o comezo e o final, recreamos aqueles cambios de disfraz que nos tebeos facía Mortadelo, desta vez na súa versión de o Hio, Mortadeltino. Un Mortadeltino que nos deixa unha mensaxe acorde co que estamos pasando:  "Disfrazate pero seguriño, usa sempre a máscara"

O Testamento do Burro

Nos Entroidos máis tradicionais o Entroido remata morrendo non se antes facer testamento. O día de seu é o Martes de Entroido, ese día en lugares como en Laza, a xentes fan un remedo de testamento, onde con moita retranca se comentan as incidencias máis destacas que o ano deixou e se reparten as posesións do burro. O burro nas culturas máis primitivas é a representación simbólica do inverno, co seu lento camiñar, ese mesmo inverno que está para acabar co Entroido.

Falabamos da presencia deste testamento nos Entroidos máis tradicionais, o de Marín non o é, xa hai moito, pero nalgún momento debeu de selo, porque a primeira estrofa deste testamento que elaboraron os rapaces, foi recollida en Marín, hai moito moito tempo durante un enterro da sardiña. A partir desa primeira estrofa e grazas a unha paxina que topamos en internet onde aparecía un amplo léxico de utensilios relacionados co burro, fomos elaborando na clase o testamento deste burro ao que puxeron nome e apelidos, "Eustakio Chirico", que de tanto comer e beber morreu e rematou co Entroido.

XVII Obradoiro da Filloa

Como cada ano por estas datas dende hai 17 acode a vós, o noso obradoiro, que tradicionalmente viña, sendo unha festa rachada, onde se fomentaba unha das facetas de todo bo Obradoiro que se prece, a degustación. Este ano por mor das restriccións pandémicas o Obradoiro cobra máis sentido de seu pois os rapaces amósannos o que antes non víamos, a preparación.

Un clásico do Noso Mini Chef, "Cociña con Roi Rodiño", desta vez elabora as Chulas de Entroido...

HMMM! RICO, RICO E CON FUNDAMENTO 

Da man de Rubén Argibay Pidre chegan as primeiras e deliciosas filloas deste Entroido.

 

 

Moitos outros se atreveron a meterse na cociña para deixarnos o seu peculiar estilo de facer as filloas. Chega a quenda de tres dos mellores reposteiros que temos no colexio:  Breixo Vidal Salgueiro , Roberto Armada Aneiros e Xoel Sequeiros Paz.

Houbo tamén, quen, como Candelá Bermúdez Santiago se animou a facelas por primeira vez. 

 

Filloas si, pero co recheo que máis lle gusta a Irene

 

Con perruca verde, con perruca laranxa e ata sen ela Unai Neira Rosales cociñou estas apetitosas filloas.

Outros dos postres que non poden faltar nesta época son as ORELLAS, que desta vez nos trae o reputado mestre de cociña Daniel Quintana Domínguez. Un postre de bigotes!!

Máis orelliñas, ou orellazas segundo se mire....As de Elba Pintos Omil.

E para rematar a "Piece de Resistance" do Chef Sanjorge, LACÓN CON GRELOS

 

ANIMÁDEVOS A COMPARTIR AS VOSAS LARPEIRADAS

Chef Mini: Biscoito de castañas (IV)

Ao noso programa de cociña seguen chegando distintos pratos, inda que repetidos, cada un ten o toque especial dos nosos Chefs Mini, neste caso o de Laura Arribas López de 6º

 

Que sabemos das Esponxas de Mar?

Sara Fernández Blanco recopilou toda esta interesante información dun animal moi curioso, as esponxas de Mar.

 

Que sabemos das Baleas Francas?

Pois de primeiras non moito, salvo que son mamíferos mariños moi grandes e non moito máis; pero os noso alumnos de 6º foron investigar e algo máis no camiño aprenderon.

 

IV Concurso de Relato Curto Marín Conta

Tres dos catro da foto son alumnos do noso centro.

O Ateneo Santa Cecilia fixo entrega dos premios do 'IV Concurso de Relato Curto Marín Conta'  por mor do día das Letras Galegas, nun acto condicionado polas medidas anticoronavirus. Os premiados do noso centro foron Breixo Vidal Salgueiro (primeiro premio), Carla Vilela Fernández (segundo) e Roberto Armada Aneiuros (accésit) que recolleron o agasallo e diploma acreditativo de mans do presidente da entidade Lois G. Dopazo.

 

Parabéns a todos!!

.

 

Distribuir contido

 

Pincha na mascota da Biblioteca e acede ao Blog externo

Radio Sequelo

O Sequelo na prensa

Liga Fútbol Sala

1) Clasificación. *

2) Xornadas. *

3) Equipos. *

4) Noticias. *

* Fai clic enriba de cada categoría e abrirache unha nova fiestra.