5º Primaria

Recollida de Patrimonio Inmaterial Ponte nas Ondas

Este ano imos participar dende a Radio Tuxiña co Proxecto Ponte nas Ondas no Certame “As imaxes do patrimonio” destinado aos centros educativos da Eurorrexión Galicia-Norte de Portugal constitúe un exemplo de transmisión do patrimonio cultural inmaterial ás novas xeracións realizada a través da escola que serve de ponte entre as familias, comunidades portadoras, e o ensino formal.

Importante que as fotos que nos traiades SEXAN ORIXINAIS e de antes dos anos 70. 

Como temos alumnado de distintas orixes, invitámolos tamén a que nos traian fotos do patrimonio cultural do seu país de orixe.

Como exemplo do que se pretende que sexa esta recolleita, deixámosvos o que fixo Darío Pereira Omil de 5º, cunha foto que lle cedeu o seu avó.

Man non está só (17 de Marzo día do Cómic)

A finais de Febreiro a Asociación marinense "Non estamos sós" co gallo de visibilizar a situación dos nenos e nenas con enfermidades raras, no cartaz que editaron aparecía un boneco que nos gustou moito. Houbo, os menos, que se decantaron por dicir que era un axolote; a maioría falou dun Pokemon emparentado con Charmander.

O boneco como dixen pareceunos atractivo, e como en quinto estabamos traballando co Cómic clásico español, pois a iso se puxeron os alumnos coa personaxe.  De seguida nos decatamos que necesitaba un nome e como a súa cara semellan dúas mans, o nome veu só.

Que día mellor co día Mundial do Cómic, entón para publicar as historias de Man.

 

O Sequelo Cociña...edición entroido!

Esta vez o Sequelo cociña tocoulles aos nenas e nenos de 5º EP que estiveron mans á obra durante todo o entroido! Mirade canto traballaron e que receitas máis ricas nos presentan.     

 

 

Aquí tendes un vídeo con diferentes receitas de como facer filloas

 

 

 

 

 

Neste podedes coñecer unha gran variedade de receitas

 

 

 

 

Por último, facer mención á receita de Issam que nos presenta unha sobremesa un tanto diferente: unha receita marroquí!

 

 

 

 

 

Moitas gracias a todos e a todas pola vosa colaboración!

Entrevista á profe Laura Rial

Sophie, María, Alba, Ainhara, Diego Soaxe, María e Leire entrevistan á profe Laura e descubren o motivo que a levou a querer ser mestra.

Multimetro

Na mesa de ferramentas que o proxecto de Polos Creativos nos aportou, viña este aparatiño, e grazas a que o noso conserxe sabe un chisco de eléctronica guiounos para comprender dúas ou tres cousiñas da súa útilidade e os nenos de 5º de seguida o aplicaron ao traballo con circuitos.

Booktube nº 1 : Policán

Incríble cando menos o traballo que inaugura o noso canal de Booktube.  Moi ben interiorizada toda a estrutura que ten que ter un bo youtubers:  mirando sempre á cámara, unha presentación da persoa, do autor, do ilustrador, recomendando porque deberían lelo, resumindo brevemente o texto e as súas personaxes e cunha utilización do fondo moi coidada. E por suposto unha despedida en condicións. Espectacular o comezo

Curiosidades Animais (II)

Un pouco de efecto aparecer, outro pouco de esvaecer, cortar, mover separar e un moito de autoduck foron os trucos necesarios para crear este podcast por medio do Audacity.  Moitos dos nosos alumnos non o conseguiron, outros quedaron a medio camiño con uns pouquiños erros pero xa hai algúns coma este, que conseguiron editar o programa de radio dun xeito moi digno. En pouco todos van facelo asi, dos erros e con sacos de paciencia e como se aprende.

Xogo de preguntas Scratch

Preme na bandeira e intenta contestar axeitadamente estas preguntas que sobre o tema que están estudando che deixa Issam e Mateo de 5º

 

Circuitos de Papel

A partir do material que se nos subministrou por medio da nosa participación nos polos creativos os nosos alumnos profundizaron no coñecemento dos circuitos con novos elementos coma as Leds, o cobre adhesivo.....e rápidamente logo de rematar a tarxeta de exemplo aplícarono na realización do adorno dun dos murais que sobre as anguías realizaron.  Incluso a maiores idearon un interruptor de papel para o circuito.

A partir da proba o novo circuito ideado polos alumnos

Traballamos a Banda Deseñada con Vázquez (II)

A Avoíña Paz era un dos tantos personaxes que creou Manuel Vázquez para Editorial Bruguera e que tiña como característica especial que o 80% das súas historias tiñan lugar no bosque, onde ademais vivía un lobo feroz que se enfrontaba á feroz avoíña.

Dentro do noso  proxecto do río, Que é o que tenta facerlle entender ás rás a Avoíña Paz?

Traballamos a Banda Deseñada con Alfons Figueras

Dentro dos autores máis clásicos do mundo do cómic español Alfons Figueras, que como Conti e Vázquez traballaron para a Editorial Bruguera, crea un estilo diferente cun estilo propio cheo dun humor subrrealista en personaxes como Topolino, o último heroe, Aspirino e Colodión, Cine Locuras ou en historietas curtas coma esta "Aquí está don Gaspar", marcada pola ausencia de diálogos.

Placas Makey Makey

Placas Makey Makey proporcionadas polo proxecto Digicraft no que estamos inscritos, un pouco de Plastilina Play Doh proporcionada polas compañeiras de infantil, outro pouco de cartón e a habilidade para programar en Scratch de Roberto, Diego Soaxe, Diego Vilela, Issam. Álvaro e Alonso, máis a capacidade para interpretar deste último, deron coma resultado estes singulares instrumentos.

Curiosidades animais

En Ciencias Naturais os alumnos de 5º estivemos traballando o tema dos animais e como estabamos mergullados no Proxecto Documental sobre o río Lameira, aprendimos algunhas cousas curiosas sobre a anguía, o animal que eliximos, pero ademais aprendimos estoutras cousas sobre outros animais. Curiosidades en Radio Tuxiña

 

Traballamos a Banda Deseñada con Conti

Conti, outro dos mestres xurdidos nos anos 40 na barcelonesa editorial Bruguera que durante 40 anos foi o núcleo ao redor do cal xiraba o mundo da potente historieta cómica xuvenil e infantil en España, que surtía semanalmente as estanterías dos nosos kioscos e librerías cunha manchea de revistas.

Así reinterpretou un dos nosos alumnos o seu personaxe "O Tío Magdaleno".

Traballamos a Banda Deseñada con Vázquez

Este ano, á Rede de Bibliotecas Escolares de Galicia decidiu centrar o seu traballo ao redor dun xeito de contar tan antigo como o home, a Banda Deseñada.  Noutrora a Banda Deseñada tivo unha forte presenza en España con dous importantes focos en Valencia e Barcelona, no que se refire á historieta de humor.  Da "escola Bruguera" con sede en Barcelona xurdiron importantes mestres coma Manuel Vázquez co que traballaron os nosos alumnos nun dos seus personaxes menos coñecidos, este Azufriño que ía sementando o mal polo mundo.

Dímoslles tódalas viñetas menos a da resolución da historia e curiosamente este alumno chegou a un final semellante ao que nos anos 50 lle dera o autor. Moi interesante ese achado das sombras sinalando na última viñeta

Facemos un cursor Makey

Unhas simples frechas construídas con cartulina e forradas con papel de aluminio fixeron que por medio das placas Makey Makey coas que nos dotou a nosa participación no Proxecto Digicraft e unha sinxela programación en Scratch, se convertisen nas frechas do cursor.

Concurso de disfraces

Hoxe trouxemos as nosas mellores galas para participar no concurso de disfraces! De unha en unha pasamos pola alfombra vermella para lucir o noso disfraz ante todo o colexio e algúns ata o acompañaron dunhas moi boas interpretacións!

Aquí vos deixamos o vídeo do desfile e outro con algunhas fotos que realizamos ao longo do concurso. Non puidemos ter mellor presentadora...A teacher María!

 

 

 

 

O xurado, composto por:

  • Dani (compañeiro de 6º)
  • Montse (mestra de música)
  • María (presidenta da ANPA)
  • Laura (mestra de Audición e Linguaxe)
  • Sabela (compañeira de 6º)

 

 

Non o tiveron nada fácil para elixir aos gañadores e gañadoras

 

Agora...toca esperar ata mañá para coñecer quen son!

Entrevistas na beira: "O enterro da sardiña"

Dende polo menos 1882 vense celebrando en Marín o Enterro da Sardiña. O enterro da Sardiña é unha celebración que marca por toda España o final do Entroido urbán e que ten lugar o Mércores de Cinza, pero o Enterro en Marín ten unhas peculiaridades que o fan diferente. O pobo de Marín, mariñeiro, desde ás súas orixes soubo adaptalo á súa realidade, con ladanía e música de seu; música que aparece no podcast.

Quen máis sabe do Enterro é Celso Méndez Fraguas, por telo vivido dende que recomezou a súa andadura en 1976 e como os nenos de 5º querían saber do seu Enterro da Sardiña, quen mellor.

May be an image of 4 persoas, newsroom e texto

 

A Paz no CEIP Sequelo

Esta semana celebramos o día da paz representando o noso río Lameira nun mural que enchemos con barcos, paxaros e peixes con mensaxes de paz. Tamén cantamos varias canción: “It’s time to change” de Juanes e “Help!” dos The Beatles coa Teacher María e “Que canten los niños” de José Luis Perales coa profe Montse. 

 

 

 

 

Aquí tendes as magníficas actuacións e algunhas imaxes do mural!

O NOSO COLE!

Achégase o momento de elixir cole para o próximo curso. Por iso, dende o noso centro, elaboramos un vídeo para todas aquelas familias que nos queiran coñecer. Agardamos que vos guste!

 

 

 

 

 

Vinde a aprender con nós!

Distribuir contido

PDI 2023-2024

PLAMBE

Radio na Biblio

Froita na escola

Xadrez


Proxecto "Colexio do Benquerer"

PDI 2022-2023

"Protexo o meu planeta! Protéxome eu!"  PDI "Protexo o meu planeta! Protéxome eu!" 

PDI 2021-2022: Os inventos

Camiño Portugués

Camiño Portugués

Blog Aprendo Programando 2016/2017

Pais/Nais

Eventos

« Marzo 2024 »
LunMarMérXovVenSábDom
123
45678910
11121314151617
18192021222324
25262728293031

Iniciar sesión

Faite socio!

Pincha enriba do Xabarín para aceder á súa páxina

Portas Abertas Virtuais

  Visita guiada ao noso colexio

Punto Laranxa contra o acoso escolar

INFANTIL: Brincando no Sequelo

Visita o Blogue de Infantil cunha enchente de actividades

A mascota Tuxiña

Pincha na mascota da Biblioteca e acede ao Blog externo

Radio Sequelo

O Sequelo na prensa

Liga Fútbol Sala

1) Clasificación. *

2) Xornadas. *

3) Equipos. *

4) Noticias. *

* Fai clic enriba de cada categoría e abrirache unha nova fiestra.