Música

Taller de ecopercusión

Xa que este ano non podemos ter a clase de música na nosa aula, e as clases de música son dun xeito moi distinto a anos anteriores; os días 16 e 17 de marzo, o alumnado de 5º e 6º participou nun taller de ecopercusión (percusión con materiais de reciclaxe), ao aire libre e con todas as medidas de seguridade a cargo do profesor de percusión Didier Díaz. 

Parece ser que fixeron un pouco de ruído, pero despois dos primeiros compases de ensaio soaban estupendamente e foron a envexa de todo o colexio.

Aquí vos queda unha pequena mostra de como se desenvolveu a actividade.

Recompilación "Xogos populares con música"

A quí vos deixamos a recompilación da actividade conxunta que vos propuxemos de Educación Física e Música "Xogos populares con música".
Moitas grazas por todas as aportacións. Continuaremos o curso que ven.
 

Silla de la reina (Música - Ed. Física)

entrevista do sábado vai a cargo dun compi de 5ºA, que nos trae un xogo no que podemos participar todos e todas, sendo posible xogar a calquera idade, só teremos que modificar un pouco os papeis que desenvolvemos...

 

Seguro que moitos e moitas de vos xa o coñeciades, pero teño un vídeo con unha canción que varía un pouco da enviada por José Manuel.

 

Desfrutade moito da fin de semana!!!!

 

#euficonacasa

 

#euquedonacasa

 

Xogo coas mans (Música - Ed. Física)

Na entrada de hoxe Hugo tráenos a entrevista que lle fixo a súa avoa, coñecedes este xogo?

Hugo móstranos tres versións do mesmo xogo. Esperámos que vos gustaran.

 

 

Encontramos este vídeo en youtube onde podemos ver un exemplo de como se xoga, pero seguro que vos coñecedes outra variante, eu lembro de sentarme no colo de miña avoa para que me contara a historia dos dedos e do ovo.

 

Xa estamos a rematar a semana!!! Desfrutade moito do que queda dela!!!

 

#euficonacasa

 

#euquedonacasa

Pase Misí - Don Perico (Música - Ed. Física)

Hoxe comparten entrada!!
SergioMario (PASE MISÍ, PASE MISÁ) e Inara (PASA PERICO).
ous xogos que se diferencian no nome e na canción pero que teñen moito en común.
 
Eu coñecía o “Pase Misí” 
Pero encontrei un vídeo de “Pasa Perico”.
 

Esperamos que esteades a aprender moitos xogos novos e que nos enviedes moitas máis entrevistas!
 
Desfrutade moito da tarde!!!!!
 
Sede responsables.
 
#euficonacasa
 
#euquedonacasa

As palmas (Música - Ed. Física)

Hoxe vamos traballar un pouco de coordinación, Iker propón o xogo que eu coñezo como “CHOCOLATE”, pero ten moitas máis denominacións, só precisades unha parella e moitas ganas de rir, podedes aumentar a velocidade de execución, o número de participantes, podendo ser un  trío,  grupos de catro, cinco…

 

En este vídeo explícanvos como son os pasos para iniciarvos en “chocolate”, espero que o practiquedes moito.

 

Coñecedes algún outro xogo destas características?, existen moitas variantescombinacións cancións, estades a tempo para enviarnos as vosas propostas, so tedes que cubrir a ficha de recollida de “xogos cantados” e enviárnola, pode vir acompañada de un vídeo!!!
 
Esperamos que desfrutedes moito do día!!!!
 
#euficonacasa
#euquedonacasa

Zapatilla por detrás (Música - Ed. Física)

Comezamos a semana, e temos que iniciala con enerxía e moitas ganas de pasalo ben, a proposta para hoxe é de Rodrigo que nos explica un xogo que creo que moitos e moitas coñecedes, neste caso, poderemos xogar, sempre que gardemos a distancia de seguridade, polo que teremos un corro moi grande.

Só precisamos unha zapatilla, que lle poderemos roubar a un ou unha xogadora, ou substituíla por calquera obxecto. Encontrei este vídeo en youtube, pero hai moitos máis, onde varía a canción ou algunha outra norma do xogo.

Esperamos que vos gustara a proposta de hoxe e que nos sigades enviando moitos máis “xogos cantados”.

 
#euficonacasa
#euquedonacasa

 

 

Saltar a goma (Música - Ed. Física)

Hoxe toca practicar o salto, Mateo e Pablo propóñennos unha actividade de saltar a goma que lles ensinaron súas nais, existen moitas cancións para este xogo, seguro que coñecedes algunha que nos poidades ensinar, ou podedes preguntar.

Coñecedes aos protagonistas do vídeo?

Desfrutade moito da proposta de hoxe, só precisades unha goma (que podemos comprar en calquera mercería), e moitas ganas de xogar, para practicar podemos empregar dúas cadeiras para os extremos e así podemos repetir todas as veces que queiramos.

#euficonacasa

#euquedonacasa

Corro da pataca (Música - Ed. Física)

Para hoxe Pablo proponos o xogo do “Corro da pataca”.

 

En este vídeo que encontrei en Youtube, coa mesma cancións propoñen variantes, como vedes podemos inventar diferentes maneiras de desprazarnos.

Seguimos aumentando a nosa colección de XOGOS CANTADOS para mañá xa temos unha proposta nova, esperamos que vos guste!

 #euficonacasa

#euquedonacasa

 

Don Federico (Música - Ed. Física)

Olaaa!!! Hoxe toca un pouco de coordinación óculo-manual, potenciando a coordinación e a memoria,  Clara preséntanos un xogo de palmas “Don Federico”, espero que vos guste e o practiquedes, é moi entretido, existen moitas variantes con respecto a letra e podemos realizar cambios nos movementos, xogar por parellas, tríos, grupos de catro, cinco,… xa sabedes que podemos modificar e complicar as actividades todo o que queiramos.

Buscando en Youtube encontrei este vídeo que se parece moito o que nos propón Clara na súa entrevista, podedes encontrar moitos máis…

Estamos desexando poder vervos no colepracticando e 
mostrándonos todo o aprendido estes días na casa.
#euficonacasa
#euquedonacasa

Pita cega (Música - Ed. Física)

Comezamos a semana e comezamos xuño!!!

 

Esta fin de semana chegaron moitos “xogos cantados”, pero estamos seguras de que quedan moitos máis por descubrir… esperamos que nos enviedes todos os que coñezades ou vos poidan ensinar, as fichas de recollida poden vir acompañadas por vídeos ou gravacións de voz.

 

Aitor propón que hoxe xoguemos a “galiña cega”, un xogo onde precisamos moito sentido da orientación, oído, tacto,… podemos practicalo en calquera lugar, só precisamos un pano para tapar os ollos, moitas ganas de divertirnos e compañeiros/as para xogar, non vos esquezades de retirar obxectos cos que poidades tropezar.

Encontrei este vídeo para acompañar a explicación de Aitor.

#euficonacasa

#euquedonacasa

 

Roda roda (Música e Ed. Física)

Xa me chegou o primeiro xogo cantado, é de Pedro e de Daniel, eu non coñecía a “Roda roda” e vos?

Tamén nos envían un exemplo de execución.

Está xenial!!!! un xogo novo para comezar as recollida de "xogos cantados".

 

Esperamos as vosas entrevistas, vídeos, explicacións,....


#euficonacasa

#euquedonacasa

Xogos+cancións (Ed Física + Música)

Hoxe traio unha nova actividade para todos e todas!!!!!!!
 
Esta proposta empezámola o venres pasado, presentando unha tarefa na que tiñades que escoitar unha pista musical e contestar unhas preguntas, xa tedes a primeira parte feita?
 
Pois vamos a pola seguinte parte…
buscar xogos que estean acompañados de cancións, recitativos rítmicos, adiviñas, ladaíñas,… existe moitos e moi variados, podendo ser xogos de palmasde cordade gomade botar a sortes,… temos moitas categorías. Nesta tarefa, teredes que facer unha entrevista similar a que fixemos cos ”xogos e xoguetes”, pode vir acompañada dun vídeo no que saídes practicando o xogo, explicando como se xoga e xogando,… preséntovos algúns exemplos que encontrei en internet, pero seguro que aparece algún que non está catalogado, se a súa finalidade é xogar, pasalo ben e ten canción, ritmo ou música, tamén vale.
 
Déixovos algúns exemplos:
 
Canción de corda
 
 
Canción de goma

 

Xogo de palmas

 

Xogo con canción

 

Botar a sortes

 

O modelo de entrevista axúntovolo en pdf, odt e formato word, xa sabedes que podedes enviarmo cuberto directamente no ordenado, en foto, ou coas preguntas en outra folla.
 
Estamos moi ilusionadas a profe Merchi e eu por esta nova actividade esperamos que vos guste e poidamos coñecer moitos xogos novos.
profetamaraef@gmail.com
 
#euficonacasa
#euquedonacasa

Educación Física e Música: Xogos populares con cancións

Ola rapaces? Como ides levando a coarentena agora que xa podedes saír? Por se queredes traballar un pouquiño máis  deixámosvos unha nova proposta?
Á profe de Educación Física, Tamara;  e máis a min ocorréusenos que podiamos recoller xogos populares que implican movemento ou acción ao mesmo tempo que se acompañan de cancións, recitativos rítmicos, adiviñas, ladaíñas (serie longa e ininterrompida de cousas, nomes, palabras etc., que se suceden ou se mencionan ordenadamente.)...
Para que o entendades propoñémosvos comezar cun xogo que deberiades coñecer. 
Escoitade a pista musical: Recoñecedes a canción? Como xogamos con esta canción? Recordades o título?... contestade e mandade as respostas escribindo o voso nome e curso. 
A ver cantos o acertades! Sorte!!!

Música dende a casa (37): Aixa Vilas de 5º A interpreta "Habanera de Carmen"

Aixa de 5ºA, está aprendendo a tocar o piano, e como podedes comprobar xa toca así de ben. Mandounos esta peza da ópera Carmen do Bizet coñecida como "Habanera". Moitas grazas Aixa por compartir a túa arte con todos nós. 
Noraboa Aixa!!! E sigue así de ben!!! 
 
 
E agora un pouco de cultura musical
A peza que nos interpreta Aixa coñecida popularmente como "Habanera de Carmen" é un aria  que pertence á ópera Carmen, que compuxo Georges Bizet, no ano 1875. 
Pero "Habanera de Carmen" non é o seu auténtico título. Saberiades dicir cal é en realiade o título desta "Habanera".
Seguro que clicando nos enlaces o atopades, e tamén aprendedes un pouco máis do compositor Bizet e a súa obra.
Espero as vosas respostas no correo mglealgonzalez@gmail.com

Música dende a casa (36): 2020 Ano dedicado a Beethoven

Con isto da pandemia provocada polo COVID-19 e o posterior confinamento para poder contela, tivemos tanta cousas na cabeza que casi se nos esquece que este ano 2020 está dedicado a Beethoven, xa que se celebra o 250 aniversario do seu nacemento en 1770 en Bonn (Alemania).
Déixovos este mural interactivo por se queredes saber algo máis da súa música e a súa vida. Un pouco de cultura musical para pasar un rato relaxados, que podedes compartir toda a familia.
Visitade o blog da clase de música "Descubrindo a Música" para máis explicacións do que podedes facer.
 

Os maios 2020: Recompilación de actividades relacionadas cos maios.

Este ano a "Festa dos Maios" foi ben distinta de outros anos, non houbo maios físicos pero si moitos "maios virtuais" e moitas coplas que facían referencia á situación que estamos a vivir. 
Desde o colexio lanzamos a proposta "Levántate Maio Marín 2020 Sequelo" e tivo unha gran aceptación como podedes comprobar neste recompilación de todos os traballos que mandastes.
Noraboa a todos fixéstelo moi ben!
 

Música dende a casa (33): Coplas de Pedro de 4ºB

Pedro de 4ºB e a súa familia tiveron a súa particular celebración do 1 de maio, fixeron este maio e cantaron todos xuntos estas coplas. Moi boa idea! Xa que non podemos saír, nin ter unha celebración dos maios nas rúas, nada nos impide celebralo na casa. Parabéns e moitas grazas por compartir con nós a vosa pequena festa!

Música dende a casa (32): Versión do poema "O maio" promovida polo Consello da Cultura Galega.

“O maio” é un dos poemas máis coñecidos de Curros Enríquez e no que o poeta evoca unha primavera de liberdade e xustiza. Neste Primeiro de Maio tan diferente, o Consello da Cultura Galega (CCG) promoveu un proxecto celebrativo que xunta este poema reivindicativo de Curros coas novas voces da música galega. O resultado é un vídeo musical que fusiona rumba con influencias da música tropical para dar a benvida ao mes de maio e, de paso, celebrar a vida cun alento solidario. Haberá mil primaveras máis!
“O maio” é un poema moi coñecido de Curros Enríquez que se insire do seu poemario “Aires da miña terra”, que cumpre no mes de xuño 140 anos da súa primeira edición. Estas peza xa forma parte do imaxinario popular grazas á versión musical que fixo Luís Emilio Batallán en 1975, á que agora sumamos estoutra proposta actualizada.
Deíxámosvos as dúas versións podedes opinar sobre elas (Qué vos parece cada unha? Cal vos gusta máis? Coñeciades a máis antiga? Coñecíana os vosos pais? etc...). Facede os comentarios na sección "comentarios", tamén nos correos sequelonacasa@gmail.com   e mglealgonzalez@gmail.com recordade poñer o nome e o curso.
 

Versión de Luis Emilio Batallán

Música dende a casa (31): Coplas de Aixa de 5ºA

Casi no primeiro de maio chégannos as coplas de Aixa de 5ºA, como din as túas coplas este ano o maio é desde internet. Moi ben Aixa! Noraboa! E moitísimas grazas pola túa participación!
 
Distribuir contido

 

Pincha na mascota da Biblioteca e acede ao Blog externo

Radio Sequelo

O Sequelo na prensa

Liga Fútbol Sala

1) Clasificación. *

2) Xornadas. *

3) Equipos. *

4) Noticias. *

* Fai clic enriba de cada categoría e abrirache unha nova fiestra.