Maio 2019
Manzaneda 2019 (Chegar e encher)
Enviado por josean o Mar, 14/05/2019 - 09:49Foi chegar, merendar e ao pouco xa estaban os rapaces (e os mestres) en acción. Á tardiña tiro con Arco e parque multiaventuras....
E de noitiña, a esperada sesión Disco
Sobrevivimos á primeira noite e agora sendeirismo, imos parecer os Walking Dead. Seguiremos informando esta tarde e noite. Estade atentos
Chegamos a Manzaneda 2019
Enviado por josean o Lun, 13/05/2019 - 16:46Logo de parar nas Burgas, a tomar as augas, e comer en Castro Caldelas chegamos con ben a Estación de Cabeza de Manzaneda, á hora prevista, 16:30
Estade atentos a máis informativos
Foto diante da catedral de Ourense
Seica o tren que nos leva pola beira do Miño...
Contos cooperativos. Día do Libro 2019.
Enviado por Anónimo o Dom, 12/05/2019 - 11:29Así quedaron os "Contos cooperativos" que fixestes por encargo da mascota Birlo polo Día do Libro 2019.
"A frauta traveseira". Aitana Reboredo, 2º curso.
Enviado por Anónimo o Sáb, 11/05/2019 - 12:59VII EDICIÓN DO CERTAME DE RELATO CURTO
Enviado por josean o Ven, 10/05/2019 - 18:37Todos son uns auténticos campións. Todos pasaron polo noso taller de escritura creativa e todos realizaron un estupendos textos. Logo, 6 deles (os axeonllados) tiveron a sorte de seren elixidos finalistas entre os 53 nenos e nenas da provincia de Pontevedra neste certame. Somos o colexio con maior representación entre os finalistas do certame, certame que xa gañamos dúas veces.
O importante non son os 6, nin é gañar, é conseguir que os nosos alumnos sexan quen de imaxinar mundos alternativos, de darlle unha reviravolta á realidade, porque iso o imaxinar, tamén se aprende, e eles e outros moitos que non están no noso centro aprendérono. Sorte Ana Barrera....
A festa do Maio no Colexio
Enviado por josean o Xov, 09/05/2019 - 15:54Logo de estar onde tiñamos que estar o 1º de Maio para todos aqueles que por algún motivo non nos puideron oír cantar o propio día, o día 2 repetimos no colexio.
Khan Academy, aprende matemáticas ao teu ritmo
Enviado por xose o Xov, 09/05/2019 - 10:39O matemático e enxeñeiro estadounidense Salman Khan foi galardonado co Premio Princesa de Asturias de Cooperación Internacional 2019. Khan é o creador da Khan Academy, una web gratuita que permite que nenos e adolescentes de todo o mundo aprendan matemáticas e ciencias ao seu ritmo, con vídeos e exercicios.
Chegou o maio
Enviado por josean o Mér, 08/05/2019 - 01:48E seguindo o costume de tódolos anos, fomos cantar o maio polas rúas de Marín, costume que se remonta aos bisavós dos bisavós dos nosos bisavós, nunha cadea infinita que nos non queremos rachar.
Ai ven o maio
Enviado por josean o Mér, 08/05/2019 - 00:55E chegou ao Sequelo. Se case douscentos anos antes nun relato que se conserva en Pontevedra os rapaces fuxían da escola durante dous días para facer o maio; agora van a ela para facelo. O noso centro consciente da importancia de transmitir en condicións a nosa cultura completou todo o proceso da elaboración do maio e nel colaboramos todos: pais, mestres e sobre todo alumnos que son o chave para que esta festa do renacemento da natureza perdure na nosa vila.