Contido popular
| Título | Resumo | ||||||||||
|---|---|---|---|---|---|---|---|---|---|---|---|
| Feliz 200 cumpleanos Museo do Prado |
¡ FELIZ 200 CUMPLEANOS MUSEO DO PRADO ! O 19 de novembro de 2019 o MUSEO DEL PRADO está de aniversario. PARABÉNS! Non se cómpren 200 anos todos os días. Desde o CEIP MANUEL SUEIRO queremos enviarlle un bico enorme, desexando que sega coa súa labor moitos anos máis. Hai xa dous cursos que desenvolvemos un proxecto documental integrado na área de plástica no plan de seccións bilingües dedicado ao museo, “My home, our home, the Prado Museum”. Os/as que hoxe te felicitamos xa medramos un chisco, pero non esquecemos aquela aventura polos seus corredores e salas. Tamén seguimos agradecendo as achegas para o noso proxecto facilitadas pola área de educación do Museo. Para que lembredes o noso traballo poñemos á vosa disposición o enlace do produto final daquel proxecto. E tamén un proxecto anterior no curso 2015/2016 dedicado á obra de Robert Campin “Santa Bárbara”, que formou parte dun proxecto no programa das Meteoescolas.
BICOS E APERTAS NO TEU ANIVERSARIO |
||||||||||
| Leanne Rivera |
Leanne Rivera naceu en Cuba, na provincia de Santiago de Cuba, no ano 1979. De profesión é estilista, pero a súa paixón é escribir poesía. De nena, xa lle gustaba escribir relatos curtos, poemas e frases. Na actualidade, procura escribir todos os días, aínda que só sexa unha liña e procura anotar todo o que lle pasa pola cabeza, letras que se xuntan, liñas que van crecendo e que se fan poesía dando acougo á súa alma. Ao longo da súa vida, ten participado en numerosos recitais de poesía. Ten unha páxina web, co nome de Lúa Negra, onde se publican parte dos seus poemas. En Facebook pódese seguir na seguinte ligazón...
RECURSOS PARA TRABALLAR NA AULA |
||||||||||
| Orlas do curso 2018/2019 |
Orlas do alumnado que rematou etapa educativa no curso 2018/2019:
Alumnado de 6º de Ed. Primaria |
||||||||||
| Exposición de calacús 2016 |
O xoves 27 de outubro celebramos no centro a festa do Samaín, coa entrega de diplomas a todos os participantes na exposición de calacús que tivo lugar, nos corredores do colexio, ao longo de toda a semana. Hai que destacar o espectacular nivel dos traballos presentados e a elevada porcentaxe de participación da comunidade educativa nesta tradicional festa do noso centro. Na galería de imaxes podedes observar as verdadeiras obras de arte que nos achegastes... ...moitos parabéns a todas e todos!! Imaxe con realidade aumentada (Pasos a seguir) |
||||||||||
| Celebración do magosto 2018 |
O 8 de novembro celebramos a festa do magosto na pista polideportiva do noso centro, pois as condicións metereorolóxicas nos marcaron, como obrigatorios, os recantos a empregar. Este ano, contamos coa presenza do alumnado do CIFP Portovelo como colaboradores especiais para animar a xornada con xogos ambientados no magosto. Pasárono xenial, tanto os nosos veciños como alumnado do noso centro. Unha vez rematados os xogos, recuperamos forzas a base dun menú con produtos típicos desta festa: chourizos asados e preñados, empanada, lacón, bica de Trives e castañas. Para finalizar a celebración movemos o esqueleto ao ritmo da música que lle iamos pedindo ao noso DJ. Na seguinte galería de imaxes podedes ver o ben que o pasamos. |
||||||||||
| Auxiliar de conversa en inglés |
Participou activamente na presentación do PDI deste curso"Mergúllate nun mar de números" ao alumnado dándolle as explicacións precisas sobre o significado da decoración da entrada da biblioteca. |
||||||||||
| Presentación do programa Meteoescolas |
O alumnado de 6º curso distribuíuse en dous grupos para realizar unhas sesións informativas, dirixidas a todo o alumnado do centro, e dar a coñecer o traballo que están a desenvolver no proxecto de Meteoescolas en colaboración con outros centros de Galicia. Un grupo traballou co alumnado de Ed. Infantil e Primeiro Ciclo de Ed. Primaria e o outro co resto do alumnado do centro. A primeira sesión formativa foi dirixida aos máis cativos do centro. Os encargados deste traballo empregaron como medio de exposición a representación dunha obra teatral que tivo como fío condutor o libro de "Bos días árbore! As estacións", publicada por edicións Sálvora. Os espectadores gozaron enormemente coa fabulosa interpretación dos artistas de 6º curso e coas súas recitaxes dos diferentes poemas relacionados coa meteoroloxía. A segunda sesión informativa tivo un carácter moito máis académico. Informouse ao alumnado do centro do proceso que se está a seguir para a recollida de datos meteorolóxicos e de como interpretar un mapa do tempo dos que aparecen na web de Meteogalicia. A exposición de contidos tamén estivo acompañada coa lectura de varios poemas relacionados con diferentes meteoros. Como remate destas dúas sesións informouse en que ían consistir as dúas actividades/concurso destinadas a toda a comunidade educativa:
Vídeo da clase informativa:
|
||||||||||
| Roberto Reséndiz Carmona |
O 20 de xaneiro tivemos a sorte de contar coa presenza, na nosa biblioteca, do poeta mexicano Roberto Reséndiz. Naceu en Zitácuano, Michoan México, no ano 1954. É director do Encontro Internacional de poetas e creador do Festival do Chongo Zamorano. Participou en diversos Festivais e Encontros de poetas en diversas cidades americanas e europeas. A súa obra foi publicada en varios países de todo o mundo, sendo traducidos os seus textos ao italiano, francés e sueco. Con el realizamos un dinámico obradoiro de poesía, no que fomos intercambiando fermosas lecturas de poemas feitos por el e por nós. Fixémoslle unha longa batería de preguntas moi persoais sobre a súa obra e os seus gustos, que el foi contestando amablemente ao longo de dúas horas. Así descubrimos que xa empezou a escribir desde moi cativo, aos sete anos, e que cando tiña 18 xa era un poeta consumado. Grazas á poesía é capaz de realizar incribles viaxes, tanto metaforicamente coma fisicamente e grazas a eles coñecer cidades e persoas de medio mundo. Vive na cidade mexicana de Zamora na que todos os anos organiza un festival de poesía reunindo a poetas amigos cos que visita as escolas para acercar a poesía aos cativos. En relación ao proxecto de meteoescolas que estamos a desenvolver no centro, dentro do PDI "ergullámonos nun mar de números" pregúntamoslle sobre como era o clima do seu pobo. Dixo que era unha das cousas que máis botaba de menos cando viaxaba fóra do seu país, e máis de viña a Galiza, xa que aquí é moito máis frío e húmedo. Comentounos que, aínda que naceu e viviu toda a vida en pobos do interior de México, lle gusta escribir á “Mar” porque a primeira vez que viu o mar quedou impresionado da súa grandeza. A Mar crea vida, del naceron os seres vivos. Da poesía dixo que o que máis lle gusta é a imaxe e a metáfora...é dicir, o que se pode dicir con outras palabras. Quedou abraiado a primeira vez que leu os poemas de amor de Pablo Neruda. Gústalle cantar e bailar, aínda que non sabe, pero sobre todo o rir e compartir... Os seus primeiros poemas foron publicados en xornais de Zamora no ano 1975. Empezou a escribir porque dábanlle medo as mulleres. Coa escritura dos seus pensamentos sentíase moito máis seguro. Por iso usaba a poesía para acercarse a elas. Coa escritura el perdeu o medo, por iso nos animou a escribir sempre que teñamos medo a algo. Asemade, comentounos que o importante é escribir, non importa no medio que se faga. El incluso chegou a facer poemas en mensaxes SMS de 150 carácteres. Animounos a escribir poesía e estará encantado de atopar, nun futuro próximo, a un de nós nalgunha das xuntanzas do Círculo poético de Ourense. Para comezar animounos a participar no concurso de poesía deste ano que convocou o Círculo poético. |
||||||||||
| XX Encontros de Teatro en Bande |
Un ano máis volvemos participar nos prestixiosos Encontros de teatro infantil amateur que tan ben organiza o Concello de Bande, en colaboración co CEIP Xoaquín Lorenzo Xocas de Bande, e que son todo un refente na comunidade educativa galega. Este ano, tivemos o previlexio de ser convidados a participar na sesión de apertura destas xornadas teatrais, acompañando ao alumnado de Bande e ao do CEIP dos Blancos. A obra que representamos foi a de "Néfele a raiña das nubes", da que é autora a nosa compañeira Camino de sexto curso. A obra é unha adaptación do conto co que resultara premiada no concurso "A ciencia que conta" da Fundación Barrié de la Maza. Como cabía de esperar, a representación resultou todo un éxito por parte de todos e todas os protagonistas. No vídeo que está máis abaixo podedes visionar o ben que o fixemos. A xornal de La Región deu información sobre a apertura destes encontros. Parabéns para todos e todas os alumnos de sexto curso!!
|
||||||||||
| Lendas |
Asemade, tamén achegamos ligazóns a recursos que nos poden ser de utilidade para traballar na aula, estas lendas. Esperemos que sexan do voso agrado...
|
||||||||||
| Mellores lectores do 1º trimestre |
Leo dálle moitos parabéns aos mellores lectores do primeiro trimestre.
|
||||||||||
| Mariángeles Ibernón Valero |
Nace en Cehegín, Murcia, no ano 1967. Poeta, editora e xestora cultural. Comezou a escribir sendo moi nena, sentada á beira da súa nai enferma de cangro, enfermidade que marcou a súa vida xa que quedou orfa moi nova e perdeu una irmá. Autora do poemario “Susurrando palabras”, libro dedicado á súa irmá e que donou a beneficio da AECC; do libro de poemas infantís “Me dibujas un verso?”, poemario solidario cuxos fondos van destinados a un orfanato da India. A súas últimas publicacións son “69 huellas eróticas” e “Siempre es tiempo de cerezas”, este último dedicado ao seu pai. Deuse a coñecer na revista dixital “Acantilados de papel”. Despois foi fulgurante a súa incorporación ás letras en revistas e libriños anuais. Coordina na actualidade “Café con versos” en Murcia e a revista literaria “Con luz y poesía”. Tamén imparte obradoiros de poesía a nenos, “Saca el poeta que llevas dentro”, introducíndoos á imaxinería poética. Diariamente danos os bos días cun dos seus poemas, ela di que ao levantarse o seu primeiro pensamento é unha poesía.
MATERIAL PARA TRABALLAR EN CLASE |
||||||||||
| As mandas do meco |
Os mecos do Manuel Sueiro volveron tomar protagonismo na semana do entroido no cole. Todos os días publicaron puntalmente as súas mandas... ...non nos esquecemos de visitalos para poder cumprilas.
|
||||||||||
| Pensando a través de mitos |
Asemade, tamén achegamos ligazóns a recursos que nos poden ser de utilidade para traballar na aula, estas historias. Esperemos que sexan do voso agrado...
|
||||||||||
| Mochilas viaxeiras |
Este curso continuaron funcionando as mochilas viaxeiras para o alumnado de Ed. Primaria. Cada titor, coa axuda da coordinadora da bibliotea, encargouse de seleccionar os fondos que se incluían na mesma. Asemade, todas elas levan dentro un Libro viaxeiro que funciona a modo de bitácora, onde as familias e o alumnado poden reflectir as súas experiencias en relación ás lecturas realizadas. É unha maneira de conseguir que as familias axuden ao alumnado a mellorar o seu proceso lector e o gusto pola lectura en tempos de lecer. |
||||||||||
| Día dos corazóns |
O 14 de febreiro, coincidindo coa celebración do Día de San Valentín celebramos no cole o día dos corazóns. Os corazóns do Manuel Sueiro Que latexan cun mesmo son: O son dos Rainbow Hearts E do Amor Eterno O alumnado de 5º interpretou en inglés o "Rainbow Hearts" e o alumnado de 4º curso recitou o poema de Gustavo A. Becquer "Amor eterno".
|
||||||||||
| A Guarda |
Presentación sobre os lugares que visitaremos na saída do mércores 12 de xuño:
|
||||||||||
| Entrega de premio aos gañadores do concurso sobre a Constitución |
O día 6 de decembro, no Auditorio de Ourense, entregáronse os premios aos gañadores e gañadoras do concurso sobre a Constitución que se convoca tódolos anos. No noso centro, CEIP Manuel Sueiro, tivemos a sorte de contar con catro gañadores, como xa se informou fai uns días nesta páxina web. Noraboa a todos/as !
Aquí deixamos as obras mestras do noso alumnado! A continuación podedes ver as fotos que saíron no periódico La Región sobre o acto.
(Fonte: La Región)
(Fonte: La Región) |
||||||||||
| Música e cancións para Samaín |
Ideas musicais que nos poden ser de utilidade:
|
||||||||||
| Vídeos terroríficos |
Vídeos para ver no Samaín:
|
||||||||||
| Horario curso |
|
||||||||||
| Día da biblioteca |
O 24 de outubro, como non podía ser doutro modo, celebramos no noso centro o Día da Biblioteca dun xeito moi especial. O alumnado de 5º e 6º curso de Primaria representou na biblioteca unha obra teatral que nos recordou os PDIs (Proxecto Documental Integrado) que realizamos en anos anteriores i en que vai consistir o que imos realizar este curso: "Mergúllate nun mar de números". Para a presentación do proxecto contamos coa actuación estelar da galiña Turuleta, que será unha das protagonistas deste PDI. A continuación o alumnado de 1º curso de Ed. Primaria fixo entrega á Biblioteca dun libro de poemas realizado por eles durante o tempo destinado á Hora de ler. O título do libro é "O fafarrún" i esta baseado no poema orixinal de Gloria Sánchez. Asemade, presentaron á toda a comunidade educativa o estreno da curta que fixeron sobre o libro "O fafarrun". Moitos parabéns para estes "pequenos" grandes artistas!! A mestra responsable do EDL (Equipo de Dinamización Lingüística) presentounos a exposición sobre tradición oral galega, na que participou libremente a comunidade educativa, e que está nos corredores do centro para ser visitada. Fixemos entrega das mochilas viaxeiras aos respectivos titores para que o alumnado as leve as súas casas para compartir lectura, en tempo de lecer, coas súas familias. Outra das actividades realizadas foi a entrega do carné de biblioteca aos novos lectores do centro. Tamén agasallamos con carnés de Honra aos mestres en prácticas, á auxiliar de conversa de inglés e aos donantes de agasallos para a biblioteca.
Galería de imaxes das actividades realizadas
|
||||||||||
| XXXI Concurso da Constitución |
Moitos parabéns!! Asemade, tamén felicitamos ao resto do alumnado do centro que participou no concurso en base a excelente calidade dos traballos presentados. Se premedes na imaxe podedes ver algúns dos traballos...
Autor: Mario Aller O 6 de decembro tivo lugar a entrega dos premios aos mellores traballos no Auditorio Municipal.
Imaxe dos participantes do Faro de Vigo
|
||||||||||
| Estación meteorolóxica de Leo |
A finais de novembro, e grazas a colaboración de varios membros da comunidade educativa do cole, foi instalada a nova estación meteorolóxica do CEIP Manuel Sueiro. Dita estación está situada na zona norte do colexio nunha parte despexada do recinto para recoller coa mallor precisión posible os datos meteorolóxicos do noso barrio. Os rexistros que cada día indiquen os aparellos da estación, serán reflectidos na nosa web e na web oficial que Meteogalicia pon a disposición dos centros que participan no programa de Meteoescolas. De momento, a estación conta cun termómetro de máximas e mínimas e un pluviómetro.
|
||||||||||
| Finalistas no concurso "Ciencia que conta" |
A alumna do noso centro, Camino Alonso Fuente, foi finalista no concurso "Ciencia que conta" co seu traballo titulado "Néfele, a raiña das nubes" conto realizado como actividade de investigación creativa e orixinal, no proxecto de Meteoescolas. Se premedes no título podedes ler o conto orixinal, así como os do resto dos compañeiros.
Moitos parabéns!!! |
Este curso contamos cunha nova auxiliar de conversa en inglés chamada Miranda Melissa.
O venres 7 de outubro a poetisa Mariángeles Ibernón Valero visitou a nosa biblioteca grazas á colaboración do Círculo Poético Ourensán.
