Skip to Content

5º Curso

VIAXE A CORUÑA

A_Coruña

O martes 21 de maio de 2024 o alumnado de 5º e 6º de Educación primaria desfrutaron dunha emocionante visita aos museos da cidade de A Couña. A nosa excursión incluíu paradas en Domus, Acuario e Casa de las Ciencias. Durante a visita, os estudantes puideron aprender sobre a historia da humanidade en Domus, explorar a vida mariña no Acuario e descubrir os misterios da ciencia na Casa de las Ciencias e desfrutar do Planetario. Foi un día cheo de diversión e aprendizaxe para todos os participantes."

 Galeria

LUISA VILLALTA.KAHOOT.

k_LuisaVillalta


Ao longo da semana o CEIP Plurilingüe Manuel Sueiro traballou e homenaxeou a Luisa Villalta. O xoves 16 de maio deseñamos un xogo a través de Kahoot para seguir recordando a Luisa Villalta. Neste caso a actividade consistiu en organizar grupos heteroxéneos de diversas aulas do colexio onde a inclusión, a atención á diversidade, colaboración e compañeirismo presidiron dita actividade.

O día remato bailando e cantando todos xuntos a súa biografía musical elaborada polo CEIP Chans de Bembrive

https://youtu.be/RXB-BKbkqDE

Galeria

VI Concurso Escolar de carteis relacionados coa Doazón e os Transplantes. A VIDA AGROMA POR TI

 vida_agroma

A VIDA AGROMA POR TI

A implicación da comunidade educativa do Sueiro nas causas máis xustas esténdese no tempo: Colaboramos en recollida de alimentos, xoguetes, roupa; participamos en campañas promovidas por UNICEF e SAVE THE CHILDREN.

E demos un paso máis ao participar no VI Concurso Escolar de Carteis relacionados coa DOAZÓN e os TRANSPLANTES organizado pola Coordinación Autonómica de Transplantes (ADOS).

Tivemos acceso a recursos educativos na seguinte ligazón:
https://www.sergas.es/Doazon-e-Transplantes/Proxecto-Salvavidas-Primaria?idioma=ga

Os alumnos/as de 5º Educación Primaria decidiron participar cun cartel pondo en valor a doazón e o posterior transplante de corazón porque  entenden que este órgano é o motor da nosa vida. Non hai maior xesto de xenerosidade que doar VIDA.

O primeiro paso foi a elaboración dun “colaxe” sobre un debuxo dun corazón. Esta técnica minuciosa de busca do papel axeitado, o recortado en pequenos cachos e a colocación de cada un deses pequenos papeis, representa a paciencia que precisan os  doentes á espera dun corazón e tamén a calma e a tranquilidade das persoas que coa súa xenerosidade doan ese órgano nun intre tan doloroso.

No segundo paso do traballo, cubriron o colaxe con flores de papel. Con elas pretenden amosar a esperanza dunha nova vida para as persoas receptoras do órgano.

E por último decidiron o título: “A vida agroma por ti”. Se un gromo anuncia a chegada da primavera en flores e árbores, o corazón doado representa ese anuncio dunha nova oportunidade de vida. E o remate da frase, “... por ti”  fai referencia á xenerosidade da persoa e familiares doantes.

Fomos felices coa nosa participación pero aínda máis coa nova de que o noso cartel foi o gañador desta edición.

PARABÉNS AOS CORAZÓNS XENEROSOS!

vida_galeria

O DESTINO DE KAMEKO

kamko

O Club de lectura de 5º de curso de Educación Primaria do CEIP Plurilingüe Manuel Sueiro, elixiu como sexto libro “O destino de Kameko” de Abel Alves da editorial Aira.
    O libro foi traballado no mes de maio de 2024. Con este libro intentamos iniciar ao alumnado no mundo co cómic en galego e nunha temática como é o mundo oriental, como é Xapón que tanta curiosidade lle produce. O destino de Kameko  conta a historia de Chiharu é unha moza orfa salvada da morte por unha misteriosa guerreira. Ao longo de libro xurdiran incógnitas como Quen é esa nena que leva sempre unha tartaruga no alto da cocorota? Por que quere apreixala o máis desapiadado asasino do imperio?

Actividade 1: Lectura
    Lectura colectiva en voz alta.
Actividade 2: Análise das personaxes
    A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen centrado na violencia de xénero dentro do seo dunha familia.
Actividade 3: Traballo de contidos da área de lingua
    O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.
Actividade 4: Ilustración
    O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.
Actividade 5: Elaboración da guía de lectura.
    O alumado realizou dixitalmente a guía de lectura deste libro.
Actividade 6: Elaboración do audiolibro.
    O alumado realizou dixitalmente o audiolibro.

Audio_Kameko

Actividade 7: Concurso sobre o libro.
    O alumado realizou por grupos o concurso sobre a compresión do libro.
Actividade 8: Kahoot.
    O alumado realizou individualmente a compresión do libro a través do Kahoot.

EN GALEGO:

K_kameko_galegohttps://kahoot.it/solo/?quizId=d2898715-a4c1-42f6-ad0c-6618018e4915


EN CASTELÁN:

K_kameko_castelan https://kahoot.it/solo/?quizId=9fc4fe41-f728-4789-89c1-2f2a30b51ae6 

Actividade 9: Conclusión/valores
    Despois da lectura fixemos un mapa conceptual sobre os valores que se poden extraer da historia.
https://www.edu.xunta.gal/centros/ceipmanuelsueiro/node/2503

CLUB LECTURA. 5º EDUCACIÓN PRIMARIA.

Club_lectura_5

O Club de Lectura do 5º Ciclo continúa coa seu interese pola lectura durante o Curso 2023/2024
O Club de Lectura de 5º de Educación Primaria, neste curso decidiu identificarse como os Sueriños experimentando unha notable madurez durante o curso académico 2023/2024.
Durante este ano escolar, o club explorou unha variedade de libros cativadores, abordando temas que espertaron a curiosidade e o interese centrados nos temas relativos aos ODS 2030. Os títulos traballados incluíron unha selección diversa que podedes consultar máis abaixo.
Un dos aspectos máis destacados foi a continuación e o éxito dos concursos de animación á lectura, organizados como actividade final despois da lectura de cada un dos libros seleccionados. Estes concursos non só incentivaron a comprensión e o goce coa lectura, senón que tamén fomentaron a participación activa e a creatividade entre o alumnado.
Ademais, como parte das actividades do club, incorporouse a gravación de lecturas (Audiolibros) de algúns dos libros utilizando o programa Audacity. Esta iniciativa non só mellorou as habilidades de lectura en voz alta do alumnado, senón que tamén contribuíu significativamente a elevar o nivel lector de todos os participantes así como o acceso do alumnado á lectura atendendo así a atención a diversidade dos seus e súas compañeiros e compañeiras de colexio.
En resumo, o Club de Lectura de 5º de Educación Primaria éi unha experiencia enriquecedora e exitosa para todos os implicados. A combinación de actividades innovadoras, concursos emocionantes e unha coidadosa selección de lecturas contribuíu a fomentar o amor pola lectura e o desenvolvemento integral do alumnado.
A continuación, encontraredes unha lista dalgunhas das actividades realizadas este ano no club:

 Skywalker

 

delfines

hombres

segredos

nena

Kameko

prado

audiolibros

DOBRAXE NA ESCOLA

dobraxe

O 14 de maio o alumnado de 5º e 6º de Ed. Primaria participou no obradoiro de “Dobraxe na escola” que organizou a concellería de educación do noso Concello no Auditorio.

Da man dos actores e dobradores profesionais Suso Pando e Manuel Pombal achegámonos á técnica da dobraxe, concretamente á das películas de animación para coñecer esta máxica e innovadora ferramenta que foi quen de captar a atención, do alumnado, sobre aspectos básicos na comunicación oral, como cadencia, ritmo ou intención.

A técnica de dobraxe fai que os nenos e as nenas traballen aspectos tan importantes como a concentración, a empatía e a colaboración en equipo; ao tempo que os motiva a divertirse na nosa lingua.

Ao principio, os monitores fixeron un xogo dramático no que nos contaron todos os pasos da creación dunha película, desde a elaboración do guión ata a dobraxe. A continuación, ensaiamos un fragmento de Bob Esponxa, aprendendo a encaixar as nosas propias voces nas bocas dos personaxes. Para rematar, fixemos de dobradores e dobradoras, lendo o guión facilitado, ensaiamos, para gravar a continuación a dobraxe.

dobraxe

A porta secreta do museo do Prado

“La puerta secreta del museo del Prado” foi o libro que nos acompañou durante todo o curso no club de lectura, eso si, con outras lecturas polo medio: Somos quen de ler varias historias ao mesmo tempo e de facer un alto no camiño lector para retomalo de novo.

Alá polo mes de outubro, achegámonos a este libro, pero non dun xeito calquera. Lembramos as andanzas doutros compañeiros/as uns cantos cursos atrás, en proxectos arredor do Museo del Prado:

Chegado o mes de novembro, descubrimos que a ciencia tamén estaba nos segredos do Museo del Prado: Espertaron os nosos sentidos coa lectura do libro do que estamos a falar.

E, como é ben sabido que no noso cole todos somos iguais e diferentes, no Club de Lectura “Sueiriños”, demos un paso adiante para que todos e todas podamos desfrutar dunha boa lectura.

Por eso, e grazas aos recursos didácticos a prol da diversidade do alumnado no proxecto “Prado inclusivo”, accedemos aos seguintes materiais:

E chega o remate final: Gravamos un audio libro de “La puerta secreta del Museo del Prado”. Non foi o libro enteiro: Na nosa teima de que todos e todas coas nosas diferencias desfrutemos da lectura, un resumo foi suficiente para que ninguén quede sen descubrir cal é ...

“A PORTA SECRETA DO MUSEO DO PRADO”.

Carreira solidaria do CEIP Plurilingüe Manuel Sueiro

Carreira Solidaria no Sueiro: Un Éxito de Participación e Solidariedade!

O pasado 9 de maio, as instalacións de atletismo da Universidade de Ourense foron testemuñas dun evento especial e cheo de entusiasmo: a segunda edición da Carreira Solidaria do Sueiro. Esta actividade, que o ano pasado recibiu unha cálida acollida, volveu este ano con aínda máis forza e propósito.

Nesta ocasión, a carreira non só foi un momento para promover a actividade física e o traballo en equipo, senón tamén para apoiar causas solidarias de importancia global. Xunto con Save the Children, este ano unímonos a UNICEF e o seu programa "Cada Pinga Conta", que busca concienciar sobre os dereitos fundamentais da infancia.

O evento contou cunha participación extraordinaria: todo o alumnado do centro sumouse con entusiasmo, xunto con moitos familiares que se uniron para mostrar o seu apoio. Foi un momento emocionante ver a nenos, nenas, pais e nais correndo xuntos por unha causa significativa.

Durante a carreira, respirábase un ambiente de alegría e solidariedade. Os participantes non só gozaron do deporte, senón que tamén compartiron valores de empatía e compromiso social. Cada paso dado representou un acto de xenerosidade e conciencia cara aos dereitos da infancia en todo o mundo.

Desde o Colexio, queremos agradecer a todas as persoas participantes, colaboradores/as e patrocinadores/as que fixeron posible este evento. Grazas ao seu apoio e compromiso, estamos contribuíndo activamente a crear un mundo máis xusto e equitativo para todos os nenos e nenas.

Esperamos con entusiasmo volver a organizar máis actividades solidarias que fortalezan os nosos lazos como comunidade e nos inspiren a seguir traballando por un mundo mellor!


VÍDEOS DAS DIFERENTES CARREIRAS


HORA DE LER. 5º EDUCACIÓN PRIMARIA.

hora

HORA DE LEER:
A  hora de ler realízase todos os días, de 12:00 a 12:20 horas e a súa configuración está deseñada polo titor José Manuel Rego García (3 sesións) e por Mª Pilar Iglesias Gómez (2 sesións).
No curso escolar 2023/2024, a hora de ler, realizouse todos os días en horario de 12:00 a 12:30 horas, tendo como obxectivo espertar e realzar o gusto e o pracer por ler en tempos de lecer a través do Club de lectura Leo e releo con Leo.
https://www.edu.xunta.gal/centros/ceipmanuelsueiro/taxonomy/term/246
Obxectivos:
•    Desenvolver o hábito lector.
•    Traballar as competencias clave, principalmente: Comunicación Lingüística, Aprender a aprender, Conciencia e expresións culturais e Social e cívica.
•    Compartir as nosas lecturas con outras persoas.
•    Promover a lectura como fonte de diversión e aprendizaxe.
•    Mellorar a través da lectura, o vocabulario, a comprensión lectora e a expresión oral e escrita.
•    Coñecemento de persoas escritoras e obras literarias galegas.
•    Fomentar o traballo en equipo a través da biblioteca escolar.
Actividades.
•    Ler o conto en distintas versións (lectura en voz alta e en voz baixa)
•    Dramatizar algún episodio do conto.
•    Colorear debuxos do conto.
•    Escoitar o conto.
•    Traballaremos coa prensa analizando noticias. Miraremos, asemade, como a mesma noticia pode ser interpretada de diferentes xeitos dependendo da persoa que a lea.
•    Traballar teatro.
Temporalización.
Na hora de ler, que se realizou todos os días  utilizáronse os seguintes libros:

1º trimestre: libro común a todos os nenos e nenas.

•    LIBRO 1º: “Mi nombre es Skywalker” de Agustín Fernández Paz da editorial SM.
O libro foi traballado nos meses de setembro e outubro do curso escolar 2023/2024 centrado na invisibilidade da xente pobre. https://www.edu.xunta.gal/centros/ceipmanuelsueiro/node/2338
•    LIBRO 2º: “Delfines amigos” de Mary Pope Osborne da editorial Sm. 
O libro foi traballado en outubro e novembro do curso escolar 2023/2024 contando a importancia do medio ambiente, a lectura dos libros e as bibliotecas. https://www.edu.xunta.gal/centros/ceipmanuelsueiro/node/2357
•    LIBRO 3º: “Los hombres no pegan” de Beatriz Monco e Mabel Pierola da editorial Bellaterra.  
O libro foi traballado no mes de novembro do curso escolar 2023/2024 e conta a historia dunha familia na que observan a existencia da violencia de xénero na casa dun amigo. https://www.edu.xunta.gal/centros/ceipmanuelsueiro/node/2385

2º trimestre: libro común a todos os nenos e nenas.

•    LIBRO 4º: “Segredos Soterrados” de Alba de Evan e Xabier Domínguez da editorial Xerias.
O libro foi traballado nos meses de xaneiro e febreiro e conta a historia de Lois que viaxa coa súa familia a pasar outro verán en Ribadeo. https://www.edu.xunta.gal/centros/ceipmanuelsueiro/node/2386

•    LIBRO 5º: A nena do vestido de flores de Manuel Fontemoura da editorial Aira.
O libro foi traballado nos meses de febreiro, marzo e abril e conta a historia de Dania unha nena TEA.
https://www.edu.xunta.gal/centros/ceipmanuelsueiro/node/2454

3º trimestre: libro común a todos os nenos e nenas.

•    LIBRO 6º: O destino de Kameko de Abel Alves da editorial Aira.

O libro foi traballado no mes de maio de 2024. Con este libro intentamos iniciar ao alumnado no mundo co cómic en galego e nunha temática como é o mundo oriental, como é Xapón que tanta curiosidade lle produce.

•    LIBRO 7º: La puerta secreta del mueso del Prado escrito por José María Plaza e editado pola Editorial EDEBÉ.

O libro foi traballado ao longo de todo o curso 2023/2024. Con este libro intentamos iniciar ao alumnado dos museos, cocretamente no do Museo do Prado.

https://www.edu.xunta.gal/centros/ceipmanuelsueiro/node/2493

 

hora

PROXECTO DOCUMENTAL INTEGRADO. 5º EDUCACIÓN PRIMARIA.

pdi

O curso escolar 2023/2024, a aula de O grupo 5º de Educación Primaria traballou o ODS 16 que se centra en: "Promover sociedades xustas, pacíficas e inclusivas ". A paz, a transparencia, a rendición de contas e o estado de dereito son elementos esenciais para lograr un desenvolvemento sostible. Entre os principais obxectivos do Obxectivo 16 están para garantir o acceso en igualdade de condicións á xustiza, a toma de decisións inclusiva, participativa e representativa e o acceso público á información, así como o establecemento de institucións eficaces, responsables e transparentes e a adopción de leis e políticas non discriminatorias. a favor do desenvolvemento sostible.
Para a realización do Proxecto Documental Integral durante todo o curso escolar 2023/2024 usáronse diversos materiais entre os que se encontrar os seguintes:
•    ¡Nata y chocolate invencibles!. Alcia Borras Sanjurjo. Ed. Anaya.
•    Alzar la voz. Ana Alonso. Ed. Anaya
•    Un girasol en Kiev. Ana Alonso. Ed. Anaya.
•    Aún te quedan ratones por cazar. Blanca Álvarez. Ed. Anaya.
•    Chicas alrescate. Bruce Lansky. Ed. Anaya.
•    El árbol de la mujer dragón y otros cuentos. Ana María Shua. Ed. Anaya.
O porqué deste traballo integrado resúmese nas seguintes liñas centradas nas súas vantaxes tales como:
•    Aumenta a motivación. O alumnado alcanza unhas necesidades de rango superior.
•    Os membros dun equipo de traballo teñen a oportunidade de aplicar os seus coñecementos e competencias, e ser recoñecidos por iso, mesturando fortalezas complementarias.
•    Maior compromiso mellorando o desempeño.
•    Máis ideas.
•    Máis creatividade e a aprendizaxe.
•    Mellora a comunicación e reduce a tensión.
•    Mellores resultados, aumentando a eficiencia e a produtividade.

Obxectivo xeral:
Ser capaz de coñecer, identificar e propor modificacións no modelo actual para garantir o acceso en igualdade de condicións á xustiza, a toma de decisións inclusiva, participativa e representativa e o acceso público á información, así como o establecemento de institucións eficaces, responsables e transparentes e a adopción de leis e políticas non discriminatorias. a favor do desenvolvemento sostible.

Obxectivos específicos:

1.    Coñecer e valorar a importancia do acceso en igualdade de condicións á xustiza,
2.    Coñecer e valorar a importancia do acceso a toma de decisións inclusiva, participativa e representativa.
3.    Coñecer e valorar a importancia do acceso a información.
4.    Coñecer e valorar a importancia do establecemento de institucións eficaces, responsables e transparentes
5.    Valorar a importancia e a adopción de leis e políticas non discriminatorias. a favor do desenvolvemento sostible.
6.    Recoñecer e identificar as propias emocións en distintas situacións.
7.    Coñecer e practicar a empatía como instrumento para mellorar a convivencia cos demais.
8.    Tomar conciencia do valor que teñen os elementos da natureza e do planeta.
9.    Comprender o papel que temos en coidar o medio ambiente que nos rodea e no resto do mundo.
10.    Promover a nosa capacidade como defensoras e defensores do medio ambiente.
11.    Desenvolver unha posición crítica e participativa con respectoas leis e políticas non discriminatorias.
12.    Aprender sobre o papel das mulleres, novas e comunidades ao redor do mundo na defensa do medio ambiente.
13.    Promover accións de mobilización e incidencia polo coidado do medio ambiente nas nosas contornas educativas e comunitarias

Contidos:
1.    A xustiza. Igualdade.
2.    A toma de decisión: inclusividade, participación e representatividade.
3.    A información: acceso a información pública. 
4.    Institución internacionais: a eficacia, responsabilidade e transparencia.
5.    Leis e políticas internacionais e nacionais: non discriminatorias e a favor do desenvolvemento sostible.
6.    Diferentes emocións: tenrura, amor, odio, ira, irritación,...
7.    Papel da muller na defensa do medio ambiente.

Criterios de avaliación.
1.    Coñece e valora a importancia do acceso en igualdade de condicións á xustiza,
2.    Coñece e valora a importancia do acceso a toma de decisións inclusiva, participativa e representativa.
3.    Coñece e valora a importancia do acceso a información.
4.    Coñece e valora a importancia do establecemento de institucións eficaces, responsables e transparentes
5.    Valora a importancia e a adopción de leis e políticas non discriminatorias. a favor do desenvolvemento sostible.
6.    Recoñece e identifica as propias emocións en distintas situacións.
7.    Coñece e practica a empatía como instrumento para mellorar a convivencia cos demais.
8.    Toma conciencia do valor que teñen os elementos da natureza e do planeta.
9.    Comprende o papel que temos en coidar o medio ambiente que nos rodea e no resto do mundo.
10.    Promove a nosa capacidade como defensoras e defensores do medio ambiente.
11.    Desenvolve unha posición crítica e participativa con respectoas leis e políticas non discriminatorias.
12.    Aprende sobre o papel das mulleres, novas e comunidades ao redor do mundo na defensa do medio ambiente.
13.    Promove accións de mobilización e incidencia polo coidado do medio ambiente nas nosas contornas educativas e comunitarias

Indicadores de logro ou desempeño.
1.    Coñece o acceso do acceso á xustiza en España e o compara con outros países do mundo. 
2.    Coñece a toma de decisións de organizacións como UNICEF, OTAN e a UE si son inclusivas, participativas e representativas.
3.    Coñece e valora a importancia do acceso a información veraz e de calidade na internet. 
4.    Coñece o funcionamento de institucións eficaces, responsables e transparentes en España.
5.    Valora a importancia de leis e políticas non discriminatorias. a favor do desenvolvemento sostible propostas por España para o desenvolvemento da Axenda 2030.
6.    Recoñece e identifica as propias emocións en distintas situacións.
7.    Coñece e practica a empatía como instrumento para mellorar a convivencia cos demais.
8.    Comprende o papel que temos en coidar o medio ambiente que nos rodea e no resto do mundo.
9.    Promove a nosa capacidade como defensoras e defensores do medio ambiente.
10.    Desenvolve unha posición crítica e participativa con respecto as leis e políticas non discriminatorias.
11.    Aprende sobre o papel das mulleres, novas e comunidades ao redor do mundo na defensa do medio ambiente.
12.    Promove accións de mobilización e incidencia polo coidado do medio ambiente nas nosas contornas educativas e comunitarias

Contribución ás competencias clave e transversais e competencias claves da unión europea:
O desenvolvemento deste Proxecto Documental Integrado contribuirá ao desenvolvemento do conxunto das competencias claves definidas no marco normativo, contribuíndo as seguintes:  comunicación lingüística; competencia matemática e competencias básicas en ciencia e tecnoloxía; competencia dixital; aprender a aprender; competencias sociais e cívicas; sentido de iniciativa e espírito emprendedor e conciencia e expresións culturais. En especial destacar as competencias sociais e cívicas xa que llos diferentes coñecementos que desenvolveremos e a aplicación dos mesmos por parte dos alumnos na súa vida diaria, dotándolles das estratexias necesarias para unha mellora da convivencia cos demais e con iso un mellor desenvolvemento social e persoal nos diferentes aspectos da súa vida; aprender a aprender e sentido de iniciativa e espírito emprendedor.  

Número de sesións: unha por semana.
Temporalización:  durante todo o curso en sesións de 50 minutos cada unha.
Metodoloxía: traballouse a través dunha metodoloxía activa e do descubrimento guiado, para que o alumno sexa capaz de construír as súas propias aprendizaxes de maneira autónoma. Apoiarémonos na maioría das actividades de soporte dixital, priorizando en todo momento o traballo a través da comunicación oral, axustándonos ás características do alumnado.
    O PDI, “Todos xuntos melloramos o noso mundo”, desenvolveuse en dúas fases.
A primeira das fases, durante os dous primeiros trimestres facendo referencia a como atopamos o noso mundo e as diversas accións que vai realizando a sociedade, unhas que axudan a mellorar o noso planeta e outras que son necesarias melloralas. As actividades realizadas ao longo da primeira fase que permitiron ao alumnado de 5º de Educación Primaria ver como se atopa o noso mundo foron:
1º) Outubro : presentación do PDI de 5º de Ed. Primaria para o curso escolar 203/2024. (Día das bibliotecas escolares). https://www.edu.xunta.gal/centros/ceipmanuelsueiro/node/2277
2º) Día da alimentación. Co lema “Fame cero” (semana do 19 a 21 de outubro).
https://www.edu.xunta.gal/centros/ceipmanuelsueiro/node/2271
3º) Mes da ciencia. Como a ciencia mellora a calidade de vida e o coidado do planeta (mes de novembro). https://www.edu.xunta.gal/centros/ceipmanuelsueiro/node/2333
 4º) Dereitos da infancia. (20 de novembro). https://www.edu.xunta.gal/centros/ceipmanuelsueiro/node/2322
5º) PLAN Director (21 de novembro). https://www.edu.xunta.gal/centros/ceipmanuelsueiro/node/2332
6º) Reflexión sobre o libro “Mi nombre es Skywalker”.  https://www.edu.xunta.gal/centros/ceipmanuelsueiro/node/2338
7º) Reflexión sobre o libro “Los hombres no pegan”.  

hombres
https://www.edu.xunta.gal/centros/ceipmanuelsueiro/node/2385


8º) Reflexión sobre o libro “Delfines amigos”.  

delfines
https://www.edu.xunta.gal/centros/ceipmanuelsueiro/node/2384

A segunda das fases, comezou no mes de febreiro de 2024. O alumando partiu da frase do libro Guerra e paz “Pese a todo lo malo que hay en la vida, la humanidad va dejando atrás, poco a poco, lo peor que ella arrastra”
9º) Semana da prensa (6 ao 10 de marzo) Buscando noticias relacionadas sociedades xustas, pacíficas e inclusivas. O alumnado puido observar cales son as diferenzas entre as sociedades occidentais, orientais e países nos que aínda son gobernadas por ditadores.  

semana
https://newspapermap.com/#41.05102,-6.18765,5z

https://www.edu.xunta.gal/centros/ceipmanuelsueiro/node/2486

10º) A seguinte actividade centrouse na investigación propiamente dita do PDI establecendo cales son as ideas que teñen que tratar. Para o cal utilizamos a técnica de lapis ao centro recollendo as seguintes ideas que deben investigar.
Idea 1: que entendemos por sociedades xustas, pacíficas e inclusivas?
Idea 2: de onde ven o termo inclusivo?
Idea 3: a inclusión e o mesmo que integración?
Idea 4: que son os Obxectivos de Desenvolvemento Sostible?
Idea 5: alternativas ao desenvolvemento sostible.
Idea 6: un planeta con sociedades xustas, pacíficas e inclusivas..
Idea 7: países xustos, pacíficos e inclusivos.
Idea 8: España é un país, xusto pacífico e inclusivo?
Idea 9: obxectivos de España para alcanzar o ODS 16 e ser un país máis xusto, pacífico e inclusivo.
Unha vez centradas cales son as ideas que son obxecto de investigación o alumnado reunido en grupo decidiron como repartir o traballo e as características do mesmo. O reparto foi o seguinte:

“Todos xuntos melloramos o noso mundo”,
Temas    Responsables    Temas    Responsables
Idea 1: que entendemos por sociedades xustas, pacíficas e inclusivas?    Sara Álvarez    Idea 7: países xustos, pacíficos e inclusivos.     Francisco e Hamed
Idea 2: de onde ven o termo inclusivo?    Myrom.     Idea 8: España é un país, xusto pacífico e inclusivo?     Desiré e Jordana
Idea 3: a inclusión e o mesmo que integración?    Valeria    Idea 9: obxectivos de España para alcanzar o ODS 16 e ser un país máis xusto, pacífico e inclusivo.     Yara, Tiago e Mateo
Idea 4: que son os Obxectivos de Desenvolvemento Sostible?    Valery     ÍNDICE    Jeray e Tiago
Idea 5: alternativas ao desenvolvemento sostible.    Anais    PORTADA    Sara Arias.
Idea 6: un planeta con sociedades xustas, pacíficas e inclusivas.    Sara Arias e Jeray       
Aspectos común do traballo:
•    Letra: Celtic. Tamaño 12. Título 16 en negrita. Separación 1,5 entre liñas.
•    Cada un dos apartados deberá estar redactado en galego e cunha fotografía, ben feita polo alumno/a ou que se obteña da internet libre de uso. Esta foto deberá conducir a un enlace dun vídeo relativo a temáticas explicada.
 
11º) A seguinte actividade centrouse na aplicación práctica do PDI centrándose no exemplo da Comunidade Galega e a súa organización e aspectos participativos na súa xestión e organización. Saída escolar ao Parlamento e Xunta de Galicia. https://www.edu.xunta.gal/centros/ceipmanuelsueiro/node/2442
12º) A última das actividades centrouse na confección da investigación en formato pdf respectando as normas e indicacións establecidas.   

AVALIACIÓN:
Será continua, baseada na observación diaria, mediante a recollida de datos segundo un rexistro de ítems. Para avaliar o resultado utilizaremos a seguinte táboa de dobre entrada, sendo avaliada por cada un dos alumnos/as e polo docente. A táboa indícase os seguintes aspectos (SI (S), NON (N), Mellorable (Me).
Avaliación profesorado: cos indicadores Si, Non, Mellorable.
A experiencia resultou satisfactoria?           
Cal foi o sentir do alumnado?           
Os nenos/as foron protagonistas?           
Participaron as familias?           
O alumnado expuxo  o seu proxecto?           
Foi axeitada a temporalización?           
Acadáronse os obxectivos específicos propostos?           
As actividades resultaron atractivas?           
Os recursos proporcionados pola biblioteca foron os axeitados?           
A metodoloxía de aprendizaxe por proxectos resulta ben?           
Desenvolvemos os obxectivos iniciais?           
O proxecto aplicase a vida cotiá do alumnado?           

Avaliación do alumnado: cos indicadores Si, Non, Mellorable.
A experiencia resultouche satisfactoria?           
Te consideraches que fuches o protagonista da actividade?           
A túa familia axudouche a entender os libros?           
Fuches quen de expoñer o proxecto ante os teus compañeiros/as?           
Deuche tempo a ler cada un dos libros?           
Fuches capaz de resolver os problemas que se lle presentaban a cada un dos personaxes?           
Gustáronche os libros?           
Serías capaz de aplicar o que aprendiches para conseguir novos amigos/as?           
Gustouche a maneira de traballar os contos a través do diálogo e o intercambio cos compañeiros/as?           
Resultouche interesante o que liches nos libros?           

Como conclusión, destacar que cando as persoas dialogan e saben escoitar e poñerse no lugar dos outros, é indiscutible os resultados melloran así como a convivencia e relación cos demais. A valoración do traballo foi en aumento ata o punto de pasar, dunha estratexia de motivación e de resolución de problemas, a darlles capacidade para tomar decisións, planificar e conducir os mesmos procesos dos que son protagonistas.

Distribuir contido


by Dr. Radut