Skip to Content

Biblioteca

Celebración do Día das bibliotecas escolares

Nun emocionante acto que reuniu ao alumnado, profesorado e persoas afeccionadas á lectura, a Biblioteca do CEIP Plurilingüe Manuel Sueiro celebrou con éxito o pasado 25 de outubro o Día das Bibliotecas Escolares. Este día converteuse nun día inesquecible para fomentar a lectura e o amor polos libros entre os nenos e nenas do noso cole.

A nosa biblioteca transformouse nun auténtico paraíso literario para celebrar este día tan especial. Os alumnos e alumnas de 6º de Ed. Primaria vestiron os traxes dos seus personaxes literarios favoritos, desde Harry Potter ata os protagonistas dos contos clásicos, dando vida ás historias que lles gustan. O ambiente estaba cheo de maxia e aventura, e a ilusión polos libros estaba no aire.

As actividades comezaron a primeira hora da mañá cunha coa representación da obra titulada “Superleo e os personaxes máxicos” na que dunha forma lúdica e divertida ían inculcando nos nenos e nenas formación de usuarios.

Ademais, a biblioteca ofreceu unha ampla selección de novos libros que pasaron a encher as Mochilas viaxeiras que o alumnado de todo o centro levará por quendas para ler nas súas casas.

A xornada culminou cun concurso no que as persoas protagonistas da obra ían facendo preguntas ao público infantil sobre diversos aspectos do funcionamento da biblioteca.

A celebración do Día da Biblioteca Escolar no CEIPP Manuel Sueiro non só promoveu a importancia da lectura, senón que reforzou o vínculo entre a comunidade escolar e a biblioteca. Este evento deixou unha impresión duradeira no corazón e na mente dos alumnado, inspirándoos a continuar a súa viaxe literaria e explorar novos mundos a través dos libros.

A biblioteca do CEIPP Manuel Sueiro segue a desempeñar un papel fundamental na educación dos nenos e nenas, e eventos como este subliñan a súa aposta polo fomento da lectura e a aprendizaxe permanente.

Día do Libro 2023

Nesta entrada reflectimos as novas sobre as actividades realizadas para o Día do libro 2023 no noso centro.

  • Vídeo libro de Cando leo, realizado polo alumnado do noso cole.

  • Presentación do Día do libro 2023.

  • Obradoiro da área de música.

  • Xogos de música e expresión corporal

  • Apadriñamento lector

  • Traballos de aula na semana do Día do libro

 

Canción "De ellos aprendí"

Visita á biblioteca de Super Leo

O día 24 de outubro, o noso compañeiro de lecturas e actividades na biblioteca do cole, LEO, decidiu que despois de tantos anos axudando e guiándonos polo mundo das Bibliotecas Escolares, xa era tempo de marchar e deixar o posto noutras mans.

O mesmo LEO nomeou ao seu sucesor, SUPERLEO, un superheroe ou superheroína, cadaquén que elixa. O sucesor amosou por LEO moito agarimo, o mesmo que todos/as os/as que estabamos na biblioteca.

E se alguén pensaba que LEO ía pasar os seus días de ben merecido descanso sen facer nada, ..., trabucouse!

Xa montou un Club de Lectura, algo distinto dos que temos en marcha no cole. No club de LEO só hai dous membros: LEO  e a súa e nosa benquerida e sempre lembrada ABUELA MIMÍ.

Cantas risas botarán os dous elixindo libros novos ou volvendo a ler os vellos libros de sempre. E estamos seguros que por un buratiño disfrutarán ollando as actividades e as novidades da biblioteca escolar do CEIP Plurilingüe Manuel Sueiro.

Moitos bicos para os tres, e a nosa das mellores benvidas a SUPERLEO.

Día das Bibliotecas 2022

Ao longo de todo o mes de outubro realizamos diversas actividades para celebrar o Día das bibliotecas.

Entre elas, destacamos as seguintes:

  • Visita á Biblioteca provincial de todo o alumnado do centro.

  • Formación de usuarios e usuarias da nosa biblioteca.

  • O novo alumnado do centro visitou a biblioteca.

  • Entrega dos novos pases de lectura e carnés de biblioteca.

  • Visita de Super Leo, a nosa nova mascota.

  • Posta en marcha da Mochila viaxeira.
  • Posta en marcha dos Libros que van e veñen.
  • Lecturas nos recantos da biblioteca.

  • Contacontos no recanto de lectura.
  • Para rematar, cantamos todos xuntos a canción de "De ellos aprendí" de David Rees.

 

Día das bibliotecas 2021

O 26 de outubro celebramos o Día das bibliotecas coa realización das seguintes actividades:

Preme para ver a Galería de imaxes

 

Día das bibliotecas 2020

Ao longo da última semana de outubro celebramos nas nosas aulas o Día das bibliotecas cos recursos facilitados polo equipo de biblioteca no genially de máis abaixo.

Como ven sendo tradición, aproveitamos a data para entregar os carnés aos 26 novos lectores que temos no centro este curso.

Asemade, tamén comezamos a traballar coas mochilas viaxeiras co alumnado de Ed. Primaria e cos Libros que van e veñen co alumnado de Ed. Infantil.

Nesta ocasión, por mor do COVID, só fixemos unha actividade grupal que consistiu nun contacontos adaptado do libro "Violeta quere ser vampiro" de Ramón Veiga, repre polo alumnado de sexto curso para toda a comunidade educativa en varias sesións.

 

 

Día da biblioteca 2019

O 24 de outubro celebramos no noso cole o Día das bibliotecas escolares. Como en anos anteriores, aproveitamos esta data para presentar o PDI deste curso á comunidade educativa. Este curso académico o título escollido é "Incrible? Non!... está nas túas mans" co que pretendemos fomentar e favorecer a igualdade e a diversidade desde todo o traballo realizado desde a Biblioteca.

Cada grupo encargouse de presentar o que van a traballar nas súas aulas ao longo deste ano en relación á temática proposta. 

  • Alumnado de Ed. Infantil. Traballarán a coeducación e a igualdade de xénero a través do conto "Rosa caramelo" no cal a elefanta Margarita reivindica a igualdade de xénero para os nenos e nenas.
  • Alumnado de 1º de Ed. Primaria. Empregarán o conto de "Todo o mundo" para traballar a igualdade, xa que aínda que todos somos diferentes no noso interior podemos afirmar que todos somos iguais.
  • Alumnado de 2º de Ed. primaria. "Mercedes quere ser bombeira" é un conto para nenos e nenas que deben ler os adultos. Ensinaremos e aprenderemos a ser homes e a ser mulleres, a ser iguais e a ser diferentes á vez que transmitimos e configuramos as nosas filias e as nosas fobias. A igualdade entre os xéneros non é só unha postura ética e cívica, senón unha imperiosa necesidade nas nosas vidas e as nosas sociedades, é unha esixencia humana.
  • Alumnado de 3º e 4º de Ed. primaria. Presentaron a súa aportación ao PDI do centro que versará sobre as distintas profesións facendo fincapé nos estereotipos de xénero que a sociedade ten sobre as mesmas.
  • Alumnado de 5º e 6º de Ed. Primaria. Fixeron unha presentación da temática que traballarán "Cidadanía, igualdade e integración" por medio de linguaxe de signos.
  • Alumnado de Inglés. GOLDEN RULES. A participación da área de inglés no PDI do centro será a través das GOLDEN RULES. Eses comportamentos cotiás que fan que a nosa relación cos demais sexa o máis positiva e respectuosa cara aos outros. Saudar, desculparse, dar as grazas, compartir, …, Golden rules para o noso día a día. E o máis importante, … SMILE, PLEASE!

O alumnado de 4º de Ed. Primaria, tamén representou un teatriño de monicreques titulado " A cachiporra máxica" para recordarnos que a celebración do Samaín xa está "aí".

Para rematar, o alumnado de 5º de Ed. Primaria representou unha obra de teatro que eles mesmos elaboraron e titulada "A nosa biblioteca", co fin de iniciar a formación de usuarios do novo alumnado do noso centro aos que lles foi entregado o seu carné de biblioteca.

 

Día das bibliotecas 2018

Título do programa

O  24 de outubro, celebrmos no cole o Día das bibliotecas Escolares. O alumnado de cada curso presentou ante os seus compañeiros e compañeiras o traballo que van  a desenvolver ao longo deste ano dentro do PDI "Pasaxeiros Con destino Dinamarca... Última chamada" co que pretendemos traballar o modelo de organización da nosa biblioteca por medio da CDU ao tempo que pescudamos información sobre este fermoso país.

Os proxectos presentados foron os seguintes:

  • "A Sirenita". Alumnado de Ed. Infantil.
  • "O parrulo feo". 1º Ed. Primaria.
  • "Contos de Christian Andersen". 2º Ed. Primaria.
  • "O soltadiño de chumbo". 3º Ed. Primaria.
  • "Biografía de Christian Andersen". 4º Ed. Primaria.
  • "Os Wikingos en Dinamarca". 5º Ed. Primaria.
  • "Dinamarca: O país máis feliz do mundo". 6º Ed. Primaria.
  • "Crenzas relixiosas en Dinamarca". Ed. Relixiosa.
  • "O Xardín dos deuses". Aula de apoio e 2º e 4º de Ed. Primaria.

Presentación do PDI.
Trailler do PDI.
"O xardín dos deuses".

 

Día do libro 2018

Este ano, o Día do libro celebrámolo xunto co alumnado do CIFP Portovelo, nunha xornada de convivencia entre os dous centros, a carón da sobreira senlleira do barrio das Lagoas.

O noso alumnado interpretou a canción "Un libro" de Paco Nogueiras.

 

O alumnado de Ed. infantil representou unha obriña teatral titulada "Quen anda no Universo".

 

O alumnado do CIFP Portovelo realizou lecturas escollidas dos seus autores favoritas.

Distribuir contido


by Dr. Radut