Skip to Content

AFA

Chocolatada de despedida

Peche do 1º trimestre con Sabor a Chocolate e Diversión

Un ano máis, o último día de clases do trimestre e, pola súa banda, do ano 2023, foi unha festa de ledicia e sabores no noso colexio, grazas á iniciativa AFA Limiar. Co obxectivo de despedir este período educativo cun toque doce e festivo, todos os membros da comunidade educativa foron convidados a gozar dunha deliciosa degustación de chocolate con churros no comedor.

O ambiente festivo impregnou o colexio mentres o seductor aroma do chocolate e dos churros recén preparados encheron o aire, creando unha sensación acolledora e festiva que se estendeu a todos os presentes.

A galería de imaxes recolle a esencia da xornada: risas, sorrisos e a pura expresión de felicidade nos rostros do noso alumnado. Dende os máis pequenos ata os maiores, todos se mergullou na experiencia, deleitándose co exquisito sabor do chocolate quente e dos churros.

A AFA Limiar, como sempre, demostrou o seu compromiso coa creación de momentos especiais que reforzan os lazos comunitarios e xeran recordos inesquecibles. Esta iniciativa puxo o peche do cuadrimestre.

A dirección e todo o persoal educativo agradecen a AFA Limiar a súa dedicación e esforzo para facer deste evento un peche inesquecible. O chocolate con churros non só alimentaba o corpo senón tamén o espírito, lembrando que a unidade e a festa son fundamentais na nosa comunidade educativa.

O colexio despide este cuadrimestre e o ano con agradecemento polos momentos compartidos, de crecemento académico e persoal, e coa certeza de que o 2024 nos traerá novas oportunidades para seguir construíndo un entorno educativo enriquecedor e cheo de alegría.

Boas festas e próspero ano novo para toda a comunidade educativa!!

Actividades 2023/24

Fin de curso AFA Limiar

Ola a todas as familias:

A AFA Limiar do Manuel Sueiro queremos convidarvos á festa de fin de curso que se celebrará o vindeiro martes día 20 de Xuño no centro a partir das 16:00 horas.

Gustaríanos convidarvos a colaborar aportando algo de merenda para compartir: froita, doces caseiros, bocadillos ou o que vos apeteza (evitando snacks, chucherías e bebidas azucaradas)

Temos a sorte de ser un centro multicultural e estaría xenial poder probar comidas doutros lugares do mundo. En canto á bebida, pedimos que cada nena e cada neno leve a súa propia botelliña de auga, así aforramos plástico e coidamos do noso planeta.

Na festa haberá as seguintes actividades:

  • 16:00- 16:15: Actuacións de Teatro e Danza (aula de psicomotricidade).
  • 16:30-17:30: Xogos tradicionais (polideportivo).
  • 17:30- 18:00: Merenda comunitaria.
  • 18:00: sorteos, música e festa da auga (se o tempo o permite).

En canto a organización das rifas e da festa da auga, comunicarémosvolo na maior brevidade posible.

Tamén necesitaremos axuda para carrexar os xogos tradicionais, dende a Plaza Daniel González ata o centro.


RIFAS PARA O SORTEO


Teatro de Nadal

O grupo de teatro "Los teatrillos", formado polo alumnado de extraescolares de teatro do cole, representou para todo o alumnado do centro, en dúas sesións, a obra "Unha canción de Nadal" que estiveron a preparar ao longo deste primeiro trimestre e que nos mostrou o de xeito moi divertido unha historia moi particular sobre Grinch.

Fixérono xenial!!

 

Chocolatada de Nadal 2022

O último día de clase, para despedir o trimestre e o ano 2022, a AFA Limiar do noso cole convidou a todos os membros da comunidade educativa á degustación de chocolate con churros no comedor.

Non hai máis que ver a galería de imaxes para ver o ben que o pasaron os nosos alumnos e alumnas desta actividade.

Obradoiros de Nadal da AFA

O 22 de decembro, tres membros da AFA Limiar desprazáronse ao noso centro para realizar diferentes actividades relacionadas coas ciencias da natureza nas que o sol e as estrelas xogaron un papel central.

Lucía (nai de Xan de 4º de Ed. Infantil), Rubén (pai de Úrsula de 4º de Ed. Infantil) e David (pai de Zoe de 1º de Ed. Primaria e Maia de 3º de Ed. Primaria) realizaron tres obradoiros (1º obradoiro co alumnado de 1º, 2º e 3º de Ed. Primaria; 2º obradoiro co alumnado de Ed. Infantil e un 3º obradoiro co alumnado de 4º, 5º e 6º de Ed. Primaria) no que  sol e as estrelas foros os eixos das diversas historias que lles permitiron descubrir diferentes elementos do noso universo.

A actividade foi xenial... xa estamos agardando a que regresen outra vez a contarnos máis cousas extraordinarias do universo. 

Actividades extraescolares curso 2021/2022

Visita da Apalpadora

O 20 de decembro, grazas á colaboración e financiación da ANPA Limiar do noso cole, tivemos a sorte de contar coa presenza de A Apalpadora na biblioteca do noso centro.

Contoulle ao alumnado o precioso que é o lugar onde habita na serra de Courel, en que consiste o seu traballo de carboeira e como noutros tempos se pasaba fame en moitos lugares de Galicia, de aí que unha das súas costumes sexa a de apalparlle a barriguiña aos nenos e nenas galegas despois do solsticio de inverno para deixarlles unha presa de castañas mentres están a durmir teñan fame ou non teñan.

Como fomos moi bos ao longo deste ano, ao remate da súa visita, deixounos uns agasallos para cada un dos nenos e nenas do cole.

 

 

Visita dos Reis Magos de Oriente

Como colofón, ao traballo realizado neste primeiro trimestre de curso, tivemos o privilexio de contar na nosa biblioteca coa presenza dos tres Reis Magos de Oriente, grazas á colaboración da ANPA Limiar.

O alumnado tivo ocasión de achegarlle as súas peticións de agasallos para este Nadal e de departir con eles de todo aquilo que quixo.

Como agradecemento a súa visita, interpretámoslles varias panxoliñas que foron do seu agrado.

Todas as nenas e nenos recibiron un agasallo das súas maxestades. Agora, xa só falla que atendan as peticións que lles fixemos por escrito.

Distribuir contido


by Dr. Radut