1º Curso

Carreira Solidaria no Sueiro: Un Éxito de Participación e Solidariedade!

O pasado 9 de maio, as instalacións de atletismo da Universidade de Ourense foron testemuñas dun evento especial e cheo de entusiasmo: a segunda edición da Carreira Solidaria do Sueiro. Esta actividade, que o ano pasado recibiu unha cálida acollida, volveu este ano con aínda máis forza e propósito.

Nesta ocasión, a carreira non só foi un momento para promover a actividade física e o traballo en equipo, senón tamén para apoiar causas solidarias de importancia global. Xunto con Save the Children, este ano unímonos a UNICEF e o seu programa "Cada Pinga Conta", que busca concienciar sobre os dereitos fundamentais da infancia.

O evento contou cunha participación extraordinaria: todo o alumnado do centro sumouse con entusiasmo, xunto con moitos familiares que se uniron para mostrar o seu apoio. Foi un momento emocionante ver a nenos, nenas, pais e nais correndo xuntos por unha causa significativa.

Durante a carreira, respirábase un ambiente de alegría e solidariedade. Os participantes non só gozaron do deporte, senón que tamén compartiron valores de empatía e compromiso social. Cada paso dado representou un acto de xenerosidade e conciencia cara aos dereitos da infancia en todo o mundo.

Desde o Colexio, queremos agradecer a todas as persoas participantes, colaboradores/as e patrocinadores/as que fixeron posible este evento. Grazas ao seu apoio e compromiso, estamos contribuíndo activamente a crear un mundo máis xusto e equitativo para todos os nenos e nenas.

Esperamos con entusiasmo volver a organizar máis actividades solidarias que fortalezan os nosos lazos como comunidade e nos inspiren a seguir traballando por un mundo mellor!

VÍDEOS DAS DIFERENTES CARREIRAS

• Carreira de 4º Ed. Infantil
• Carreira de 5º Ed. Infantil
• Carreira de 6º Ed. Infantil
• Carreira de 1º de Ed. Primaria
• Carreira de 2º de Ed. Primaria
• Carreira de 3º de Ed. Primaria
• Carreira de 4º de Ed. Primaria
• Carreira de 5º de Ed. Primaria
• Carreira de 6º de Ed. Primaria

O 24 de xaneiro, nunha xornada divertida e educativa, o alumnado de Ed. Primaria do noso cole, tivo a oportunidade de mergullarse no fascinante mundo do coidado do medio ambiente grazas ao obradoiro levado a cabo na Aula de Psicomotricidade. A encargada de guialos nesta viaxe educativa foi Nuria, unha representante de Sogama, a Sociedade Galega do Medio Ambiente.
O obradoiro tivo como obxectivo principal ensinar aos nenos e nenas a importancia das "3 erres": Reducir, Reutilizar e Reciclar. Nuria, co seu entusiasmo contaxioso, logrou captar a atención dos cativos desde o primeiro momento, convertendo a actividade nunha experiencia inesquecíbel.
Os nenos e nenas participaron en dinámicas interactivas que lles permitiron comprender a necesidade de reducir o consumo de recursos, reutilizar obxectos en lugar de desbotar e reciclar para darlles unha nova vida. Cos materiais visuais e prácticos, foron descubrindo como cada quen pode contribuír ao coidado do noso  planeta.
Pero a aprendizaxe non se detivo aí. A parte máis emocionante do taller foi cando Nuria introduciu aos nenos no mundo máxico dos contedores. Descubriron as cores e símbolos que identifican a cada tipo de contedor e aprenderon cal é o lugar axeitado para depositar cada tipo de residuo.
Entendemos que é esencial que desde unha temperá idade os nenos e nenas adquiran conciencia ambiental. Queremos que se convertan en gardiáns do planeta, e este tipo de obradoiros permítelles comprender o seu papel crucial na preservación do medio ambiente.
A longo do curso o alumnado do CEIP Plurilingüe Manuel Sueiro seguiu afondado no estudo da reciclaxe sendo o seu último paso verter os residuos no contedor correspondente para que os camións do lixo os poidan reciclar.

Pola noite, cando a lúa alumea o camiño, o ladrón de palabras sae con todo o seu equipo e diríxese á cidade. Alí, rastreando as voces e as luces, sen que ninguén o vexa, trepa polos tellados. Comeza a  colleita... Unha historia sobre a beleza das palabras e o seu valor para comunicarse co mundo, para sementar amizades, para amar.

Aproveitamos  esta marabillosa historia de Nathalie Minne para traballar a lectura,  a comprensión, o léxico, gramática, ortografía e outros aspectos da lingua  c@s niñ@s de diferentes idades na aula de PT.

OBXECTIVOS:

• Impulsar o gusto pola lectura favorecendo a imaxinación.
• Xogar a comprensión lectora coa interpretación de textos e imaxes.
• Desenvolver a expresión escrita coa elaboración de palabras, frases, historias…
• Enriquecer o vocabulario.
• Traballar campos semánticos e familia de palabras.
• Practicar a ortografía con norma e arbitraria.
• Traballar a gramática a través dos símbolos de Montessori.
• Favorecer valores de amor e amizade.

ACTIVIDADES:

• Un neno de 6º contoulle o conto aos compañeiros de 1º, 2º y 3º na biblioteca. 
• A partir da lectura e comprensión do conto do ladrón de palabras construímos a cabana do personaxe do conto. Alí os nenos irán metendo as palabras coas que estamos traballando. 
• Melloramos a léxico traballando con palabras relacionadas coas emocións (palabras tristes, alegres, de amor, medo, rabia…)
• O ladrón tamén precisa familia de palabras, campos semánticos.
• Cada día ladrón quere unha categoría gramatical utilizando os símbolos de Montessori: nomes, determinantes, adxectivos, verbos...
• Construímos frases e oracións cos símbolos: artigo-nome, artigo-nome-adxectivo, artigo-nome-preposición-nome-verbo-adxectivo…(ver actividades de gramática Montessori)
• Coas palabras que os nenos van metendo na cabana do ladrón realizamos actividades diferentes: sacar unha palabra e construír unha oración. Clasificamos palabras (alegres, tristes, de rabia, de medo…) e escribímolas nos botes onde correspondan.
• O ladrón precisa palabras con B/V, Z/C, C/QU, G/GU, X/LL/Ñ, G/J… traballamos cos fonemas nos que o noso alumnado teña máis dificultade.
• Agora sacamos dúas palabras e temos que narrar unha pequena historia (Binomio de Rodari) 

Celebramos o Día do Libro cunha lectura máxica entre cursos.

O alumnado dos Clubs de lectura do CEIP Plurilingüe Manuel Sueiro reuníronse o xoves 18 de abril para seleccionar e ler os libros que lles contaron aos seus compañeiros e compañeiras, que a día hoxe, aínda non accederon á lectura.

Os libros seleccionados e lidos polos Clubs de lectura de 3º, 4º, 5º e 6º de Educación Primaria son:

•    Da cabeza aos pes.
•    Cuentos para niños de 5 años.
•    Os e o abecedario.
•    A cocodrilo non lle gusta a auga.
•    Voy a comedte.
•    Las vacaciones de pato.
•    Pequeno azul e pequeno amarelo.
•    La ardilla miedosa.
•    Non fai falla a voz.
•    El abrazo mágico.
•    Mis amigos ya se han dormido.
•    Non a todas as nenas lle gusta o rosa.
•    Los piratas en Japón.
•    Nicomedas
•    Dragón co traseiro en chamas.
•    Adopta a un dinosaurio.
•    Pomelo descubre.
•    Conta conmigo.
•    Conejo blanco.
•    Tímida.
•    Como atrapar a un duende.
•    Todos menos uno.
•    Sopa de nada.
•     Adelaida.
•    Lobo feroz.
•    Topito terremoto.
•    La oveja que vino a cenar.
•    Xa non so malo.
•    O cociñeiro Martiño.
•    Gilda a ovella gigante.
•    Enyd e o bosque esquecido.
•    Bárbara tiene una rabieta
•    El armadillo que vino a cenar.
•    A toupiña que quería saber quen lle fixera aquilo na cabeza.
•    Tonino.
•    Rufus.

O 23 de abril, Día do Libro, o noso colexio encheuse de ilusión e fantasía cunha actividade moi especial: O alumnado de 3º, 4º, 5º e 6º converteuse en contador de contos para os máis pequenos e pequenas!

Co obxectivo de fomentar o amor pola lectura e crear un vínculo especial entre os diferentes cursos, as alumnas e alumnos maiores prepararon cun coidado especial unha selección de contos para compartir cos seus compañeiros máis pequenos.

O patio do colexio transformouse nun escenario de mil e unha historias, onde cada grupo atopou un recanto acolledor para escoitar as narracións. Os contadores de contos, entusiasmados e nerviosos á vez, deron vida ás personaxes coas súas voces e xestos, cautivando a atención do seu público infantil.

Os contos, escollidos coidadosamente polo alumnado maior coa axuda do equipo de biblioteca, abordaban temáticas variadas: desde divertidas aventuras ata emocionantes relatos fantásticos. Cada historia transportaba aos nenos e nenas a mundos diferentes, espertando a súa imaxinación e creatividade.

A actividade volveu a ser un rotundo éxito. Os máis pequenos mostráronse atentos e participativos durante as narracións, facendo preguntas e compartindo as súas impresións. Podíase sentir na atmosfera a emoción e o desfrute de todos os participantes.

Sen dúbida, esta iniciativa foi unha experiencia enriquecedora para todo o alumnado participante. Os maiores tiveron a oportunidade de desenvolver as súas habilidades de comunicación e expresión oral, ademais de reforzar o seu compromiso coa lectura. Os máis pequenos, pola súa parte, desfrutaron dun día máxico cheo de historias e descubriron o pracer de ler.

Desde o colexio, queremos agradecer a todos os alumnos e alumnas que participaron nesta actividade polo seu entusiasmo e dedicación.

Grazas ao alumnado, o Día do Libro converteuse nun día máxico!

O Club de lectura do 1º Ciclo celebra un emocionante concurso de animación á lectura!

No mes de abril, o Club de lectura do 1º Ciclo culminou a súa lectura do libro "Xela, a superheroína da aldea" de Inma Soto cun emocionante concurso de animación á lectura. Nesta ocasión, na dinámica do concurso empregouse a aplicación Kahoot, onde os participantes formaron equipos e competiron utilizando un ordenador por persoa.

Esta nova modalidade, para eles, fomentou a interacción e o traballo en equipo entre os nenos e nenas participantes, que demostraron un gran coñecemento do libro. A maioría dos participantes non cometeron erros nas respostas, o que derivou nunha disputada competencia onde a velocidade en responder as preguntas determinou ao equipo gañador.

Desde o equipo de biblioteca entendemos que o concurso foi un éxito rotundo xa que os e as estudantes divertíronse moito e motiváronse aínda máis pola lectura. Ademais, a utilización de Kahoot permitiunos avaliar dunha maneira lúdica e dinámica a súa comprensión do libro.

Este concurso é unha mostra máis do compromiso do noso cole co fomento da lectura entre o seu alumnado. O Club de lectura do 1º Ciclo é un espazo onde os nenos e nenas poden gozar da lectura, desenvolver a súa imaxinación e ampliar os seus coñecementos.

Parabéns a todos os participantes polo seu entusiasmo e polo seu gran coñecemento do libro!

• LIGAZÓN AO KAHOOT!