![](https://lh3.googleusercontent.com/pw/AP1GczMI0Xl7any2QIN-AkrZs0MqgAXSuwNnWgwAbtazB2TRTvCPkKaVLKHEb_h3XOL9bhQtcYYrgtUttLuj9EYCqnJf1NvI3qI0DpDIfBzNXuuBCE3ArZkgnJtr5MTkrt4Gckib6GJgNSA8IdRvc1iwky_3=w1000-h332-s-no?authuser=1)
Visita á Biblioteca Municipal do barrio da Ponte!
O pasado venres 21 de maio, o alumnado de 1º e 2º de Ed. Primaria tivo a oportunidade de visitar as instalacións da Biblioteca Municipal do barrio da Ponte. Durante a visita, puidemos gozar de tres actividades diferentes:
- Sesión de formación de usuarios: En primeiro lugar, recibimos unha completa formación sobre o funcionamento da biblioteca. Explicáronnos como están catalogados os fondos e o significado das cores dos teixuelos. Deste xeito, aprendemos a movernos pola biblioteca de forma autónoma e a atopar os libros que buscamos.
- Sesión de contacontos: A continuación, participamos activamente nunha divertida sesión de contacontos a cargo dunha das encargadas da biblioteca. Narráronnos o libro "Conta Comigo" de Miguel Tanco, unha historia chea de aventuras e valores matemáticos que nos mantivo a todas as persoas participantes moi atentas.
- Lectura por pracer: Para finalizar a visita, tivemos un tempo libre para ler por pracer. Cada un de nós puido elixir un libro dos andeis da biblioteca e gozar dun anaco de lectura tranquila.
![](https://lh3.googleusercontent.com/pw/AP1GczMHyg52YZJMdJe53Qz4qffMCMPXj10mQ774RsMumJHLfqZbZnKJsV0RUwInJE9lB4uqw6mW0IUsOEr-uHi-r2UuIsreFM2w45aS8_BlQlpwTkHnCEH9KOX3L9yS9sNK9W2pqO1siFXOQ0tVMTvWu8Tg=w836-h627-s-no?authuser=1)
A visita á Biblioteca Municipal do barrio da Ponte foi unha experiencia moi enriquecedora para todos os nenos e nenas do cole. Permitiunos coñecer un espazo cultural importante do barrio da Ponte, aprender a utilizar a biblioteca de forma eficaz e gozar da lectura nun entorno agradable.
Esperamos volver pronto!