Club de lectura

Eu tamén fun pequena

Éxito no concurso de animación á lectura "Eu tamén fun pequena" como peche do trimestre.

Nun peche vibrante antes das vacacións de Semana Santa, os nenos e nenas de 2º de EP mergulláronse nun desafío literario único: o concurso de animación á lectura sobre o libro "Eu tamén fun pequena" de Concha Blanco. Este evento, organizado como peche do trimestre, resultou ser un emocionante despregamento de coñecemento e entusiasmo pola lectura.

Antes de comezar o concurso, levouse a cabo un sorteo para conformar os tres equipos de concursantes, creando así un ambiente de igualdade e emoción. O alumnado enfrontouse a preguntas que abarcaban todos os aspectos do libro, mostrando o dominio que adquiriran durante as sesións da Hora de Ler ao longo do segundo trimestre.

O que realmente destacou neste concurso foi a estratexia de outorgar un valor dobre a certas preguntas, o que mantivo a emoción ata o final e resultou en resultados extremadamente axustados. Os equipos competiron con intensidade, demostrando non só o seu coñecemento do libro, senón tamén a súa habilidade para pensar de forma rápida e estratéxica.

Finalmente, chegou o momento de recoñecer o esforzo e a dedicación de todos os participantes. Outorgáronse diplomas ao equipo gañador en recoñecemento ao seu logro, pero todos os concursantes foron recompensados con agasallos como mostra de aprecio polo seu traballo laborioso e constante na exploración dos contidos do libro.

Con este exitoso concurso, o colexio reafirma o seu compromiso coa promoción da lectura e o fomento do amor polos libros entre o seu alumnado, demostrando que a literatura pode ser non só educativa, senón tamén emocionante e divertida.


RECURSOS PARA TRABALLAR O LIBRO NA AULA


ENCONTROS COA AUTORA "ALBA DE EVAN"

 

encontros

O xoves, 1 de febreiro, día de compadres, realizamos a actividade encadrada dentro da XXXV CAMPAÑA DE ANIMACIÓN Á LECTURA, promovida pola Concellería de Educación do concello de Ourense, que leva por título Encontros co autor/a. Este ano os elixidos foron Alba de Evan e Xabier Domínguez os autores do libro “Segredos Soterrados” que previamente traballamos no noso Club de lectura nos meses de decembro e xaneiro.

O libro Segredos Soterrados narra unha aventura que viaxa á II Guerra Mundial e descobre a presenza nazi en Galicia, os tesouros agochados no subsolo e as tramas de corrupción que manexan o mundo. A historia comeza no campamento na que Anxela está a gozar en Muíños xunto con Sabela, Jorge e, por suposto, a gata Morriña. Mais, pronto, un misterio do pasado crúzase no camiño e dá paso a unha carreira contrarreloxo por descubrir a verdade e manterse a salvo. Que relación teñen unha mina abandonada, un avión dos Aliados e unha poderosa multinacional?

Alba de Evan presentounos o seu libro e permitiunos coñecer máis a fondo a través de todas as preguntas que lles fixemos e que nos fixo reflexionar. E para rematar as sinaturas dedicadas dos nosos libros. Foi un enorme pracer ter connosco a Alba de Evan e xa estamos agardando a que escriba o seu próximo libro.

encontros_col

 

SEGREDOS SOTERRADOS

segredos

O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como cuarto libro “Segredos Soterrados” de Alba de Evan Freijedo e Xabier Domínguez Pérez da Editorial Xerais.

O libro foi traballado durante o mes de decembro de 2023, narrando unha aventura que viaxa á II Guerra Mundial e descobre a presenza nazi en Galicia, os tesouros agochados no subsolo e as tramas de corrupción que manexan o mundo. A historia comeza no campamento na que Anxela está a gozar en Muíños xunto con Sabela, Jorge e, por suposto, a gata Morriña. Mais, pronto, un misterio do pasado crúzase no camiño e dá paso a unha carreira contrarreloxo por descubrir a verdade e manterse a salvo. Que relación teñen unha mina abandonada, un avión dos Aliados e unha poderosa multinacional?

Actividade 1: Lectura

Lectura colectiva en voz alta.

Actividade 2: Análise das personaxes

A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen centrado na violencia de xénero dentro do seo dunha familia. 

Actividade 3: Traballo de contidos da área de lingua

O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.

Actividade 4: Ilustración

O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.

Actividade 5: Elaboración da guía de lectura.

O alumado realizou dixitalmente a guía de lectura deste libro.

Actividade 6: Elaboración do audiolibro.

O alumado realizou dixitalmente o audiolibro.

audio_segredos

Actividade 7: Concurso sobre o libro.

O alumado realizou por grupos o concurso sobre a compresión do libro.

Actividade 8: Kahoot.

O alumado realizou individualmente a compresión do libro a través do Kahoot.

 EN GALEGO: 

 Kahoot_segredos

Galego: enlace

 

EN CASTELÁN: 

 Kahoot_segredos_c

Castelán: enlace

Actividade 9: Encontros co autor

En xaneiro de 2024 o alumnado tivo contacto cos autores do libro. 

econtros

Actividade 10: Conclusión/valores

Despois da lectura fixemos un mapa conceptual sobre os valores que se poden extraer da historia.

https://www.edu.xunta.gal/centros/ceipmanuelsueiro/node/2271

 segredos_col

________________________________________

 RECURSOS EDUCATIVOS PARA TRABALLAR O LIBRO

________________________________________

• Guía de lectura. Word. Pdf.

• Guía de lectura (castelán). Word. Pdf.

• Preguntas para o concurso de lectura. Word. Pdf.

• Preguntas para o concurso de lectura (castelán). Word. Pdf

• Audiolibro.

 

LOS HOMBRES NO PEGAN

hobres

O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como terceiro libro “Los hombres no pegan” de Beatriz Monco e Mabel Pierola da Editorial Bellaterra.

O libro foi traballado o venres 24 de novembro de 2023 conmemorando o día Internacional da Eliminación da Violencia contra a muller. Este libro é unha historia que tenta chamar a atención sobre a violencia familiar e de xénero. É unha advertencia contra a masculinidade incomprendida, contra a desigualdade entre homes e mulleres, contra o maltrato doméstico, contra as estruturas de poder que permiten que as familias e as súas relacións se convertan nun terror diario, nun campo de batalla onde os máis débiles poden perder a vida.

Actividade 1: Lectura

Lectura colectiva en voz alta.

Actividade 2: Análise das personaxes

A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen centrado na violencia de xénero dentro do seo dunha familia. 

Actividade 3: Traballo de contidos da área de lingua

O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.

Actividade 4: Ilustración

O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.

Actividade 5: Elaboración da guía de lectura.

O alumado realizou dixitalmente a guía de lectura deste libro.

Actividade 6: Elaboración do audiolibro.

O alumado realizou dixitalmente o audiolibro.

audio_hombres

Actividade 7: Concurso sobre o libro.

O alumado realizou por grupos o concurso sobre a compresión do libro.

Actividade 8: Kahoot.

O alumado realizou individualmente a compresión do libro a través do Kahoot.

 EN GALEGO: 

 k_hombres_gal

Galego: enlace

 

EN CASTELÁN: 

 k_hombres_cas

Castelán: enlace

 

Actividade 9: Conclusión/valores

Despois da lectura fixemos un mapa conceptual sobre os valores que se poden extraer da historia.

https://www.edu.xunta.gal/centros/ceipmanuelsueiro/node/2326 

 hombres_col

________________________________________

 RECURSOS EDUCATIVOS PARA TRABALLAR O LIBRO

________________________________________

• Guía de lectura. Word. Pdf.

• Guía de lectura (castelán). Word. Pdf.

• Preguntas para o concurso de lectura. Word. Pdf.

• Preguntas para o concurso de lectura (castelán). Word. Pdf

• Audiolibro.

 

DELFINES AMIGOS

 delfines

O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como segundo libro “Delfines amigos” de Mary Pope Osborne da Editorial SM.

O libro foi traballado nas últimas semanas do mes de novembro. Este libro de aventuras da Editorial SM e escrito por Mary Pope Osborne trata dunha fada chamada Morgana que propón a Jack e Annie que se convertan en mestres bibliotecarios. Para iso han de superar diversas probas e viaxar na casa máxica da árbore. Un arrecife de coral será o seu primeiro destino. 

Actividade 1: Lectura

Lectura colectiva en voz alta.

Actividade 2: Análise das personaxes

A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen.

Actividade 3: Traballo de contidos da área de lingua

O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.

Actividade 4: Ilustración

O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.

Actividade 5: Elaboración da guía de lectura.

O alumado realizou dixitalmente a guía de lectura deste libro.

Actividade 6: Elaboración do audiolibro.

O alumado realizou dixitalmente o audiolibro.

audo_delfines

Actividade 7: Concurso sobre o libro.

O alumado realizou por grupos o concurso sobre a compresión do libro.

Actividade 8: Kahoot.

O alumado realizou individualmente a compresión do libro a través do Kahoot.

EN GALEGO: 

 k_DELFINES_GAL

Galego: enlace

 

EN CASTELÁN: 

 K_delfines_cas

Castelán: enlace

 

Actividade 9: Conclusión/valores

Despois da lectura fixemos un mapa conceptual sobre os valores que se poden extraer da historia.

https://www.edu.xunta.gal/centros/ceipmanuelsueiro/node/2271

 delfines_col

________________________________________

 RECURSOS EDUCATIVOS PARA TRABALLAR O LIBRO

________________________________________

• Guía de lectura. Word. Pdf.

• Guía de lectura (castelán). Word. Pdf.

• Preguntas para o concurso de lectura. Word. Pdf.

• Preguntas para o concurso de lectura (castelán). Word. Pdf

• Audiolibro.

DREAMS no Club de Lectura

DREAMS no Club de Lectura

O Club de Lectura Sueiriños/as, adicouse no mes de xaneiro a ter soños. En cada unha das reunións lemos e soñamos, reflexionamos e soñamos.

Todos os nosos soños naceron da frase I HAVE A DREAM pronunciada polo Premio Nobel da Paz, Martin Luther King no seu máis famoso discurso.

Pasa o tempo e seguimos precisando igualdade, respecto, non violencia. Ningunha segregación, sexa por raza, sexo, relixión, ideas, ..., ten cabida no noso club de lectura, e por extensión, no noso cole.

A lectura elixida foi “THE WORLD’S GREATEST HEROES! Martin Luther King, Jr.”. A lingua inglesa foi a protagonista, somos un centro plurilingüe e no noso club de lectura as tres linguas do centro conviven en igualdade.

O formato elixido foi a banda deseñada. A proposta das Bibliotecas Escolares de Galicia para este curso, “Unha biblioteca escolar en viñetas”, pareceunos a máis axeitada para introducir no club de lectura a conmemoración do día da Paz e non violencia.

No Club de Lectura Sueiriños/as,

WE ALL HAVE A DREAM!

Descubrindo o mundo de Luuume!!

Encantadora sesión do Club de Lectura de 1º de EP.

Ao longo do primeiro trimestre, o alumnado de 1º de EP mergullámonos nas páxinas de "Luuume!!!", un bonito álbum ilustrado que conta a conmovedora historia do pequeno Mixto, un personaxe que está constantemente enfadado.

Esta historia, máis que unha simple narración, revelouse como unha valiosa ferramenta para promover a autoaceptación, a xestión da ira e o desenvolvemento do autocontrol nos nenos e nenas.

A actividade, realizada no club de lectura e na hora de ler, contou coa participación entusiasta dos pequenos lectores, acompañados das súas mestres e amigos e amigas do cole. Xuntos, realizaron unha emotiva viaxe ao mundo de Mixto, explorando as leccións de vida que ofrece este personaxe.

A historia non só capturou a imaxinación dos nenos, senón que serviu de plataforma para importantes conversas sobre emocións. Mama Pinza, Papa mestra Novelo e os seus amigos apagan o lume de Mixto e fanlle entender que enfadarse non é malo, o que non está ben é que a ira se apodere de ti. Como unha das mensaxes centrais destacouse a importancia de comprender as emocións e aprender a xestionalas.

A actividade non se limitou á lectura do conto. Os participantes mergulláronse en diversas técnicas de respiración, aprendendo a manter a calma mediante prácticas de mindfulness.

A actividade culminou coa creación de fermosas caixas de Luuume feitas a man, adornadas cos entrañables personaxes da historia, que engadiron un toque creativo e manual á experiencia.

Como colofón desta actividade do club de lectura, o alumnado participante realizou unha emocionante dramatización do conto na biblioteca, onde os nenos e nenas de primeiro curso compartiron a súa aprendizaxe co resto dos seus compañeiros e compañeiras do cole en dúas sesións: unha para o público de educación infantil e outra para o alumnado de 2º, 3º e 4º de EP. A ilusión e a alegría reflectíronse en cada xesto e palabra, demostrando que a actividade non só foi educativa, senón tamén unha experiencia inesquecible e divertida para todos e todas.

O club de lectura de primeiro ciclo segue demostrando que a combinación de literatura, emocións e creatividade pode xerar impactos positivos no desenvolvemento integral do alumnado.

Cambiache o conto de Pinto & Chinto

Éxito Literario no Club de Lectura de primeiro ciclo.

Ao longo do primeiro trimestre o Club de Lectura de segundo de Educación Primaria realizou unha enriquecedora actividade centrada na obra "Cambiache o Conto" dos recoñecidos autores Pinto & Chinto. Como en ocasións anteriores, esta actividade, non só implicou a lectura do libro, senón que se converteu nun apaixonante concurso de coñecementos literarios entre o alumnado participante.

A lectura levouse a cabo en diferentes espazos: na propia aula, no acolledor espazo da biblioteca escolar e nas súas casas, onde nenos e nenas se mergullaron nas páxinas cheas de maxia e aventuras de "Cambiache o Conto". A lectura colectiva na aula, ademais de promover o hábito da lectura, xerou animadas conversas sobre os personaxes, a trama dos contos e as diferencias atopadas co final dos contos tradicionais en que se baseaban.

A fase máis emocionante da actividade foi o concurso de lectura co que rematamos, onde tres equipos, cheos de ilusión e coñecemento, competiron para responder ás 54 preguntas desafiantes sobre o libro. Todos os nenos e nenas participantes demostraron a súa profunda comprensión da trama e a súa capacidade para extraer mensaxes e leccións da obra. O concurso non só puxo a proba as súas habilidades lectoras, senón que tamén fomentou a colaboración e o traballo en equipo.

Impresionounos o nivel de participación e dedicación do alumnado, xa que das 54 preguntas só dúas quedaron sen contestar. Cada equipo ofreceu respostas enxeñosas e demostrou o seu compromiso coa lectura e comprensión de "Cambiache o Conto". Ao remate do concurso entregáronse diplomas ao equipo gañador e un agasallo a todas as persoas participantes como recoñecemento ao seu traballo e esforzo.

A actividade foi un éxito de participación e competición, e conseguiu reforzar o sentido de comunidade no Club de Lectura. O equipo de biblioteca do centro valora moi positivamente este tipo de iniciativas para fomentar o gusto pola lectura e destaca como actividades interactivas como esta poden repercutir positivamente no desenvolvemento das habilidades de comprensión lectora.

Coa realización de actividades coma esta ponse de manifesto que a combinación de lectura e concurso literario pode ser unha fórmula poderosa para cultivar o amor polos libros entre os nenos e nenas máis cativos.

Viva a aventura literaria na aula!


 RECURSOS EDUCATIVOS PARA O CLUB DE LECTURA


 

Mi nombre es Skywalker

O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como primeiro libro “Mi nombre es Skywalker” de Agustín Fernández Paz da Editorial SM/ Barco de Vapor.

O libro foi traballado na última semana do mes de setembro e nas dúas primeiras do mes de outubro. O libro Mi nombre es Skywalker trata sobre un home que só pode ser visto polos nenos, Skywalker, pasa todos os días de pé na porta do supermercado pedindo axuda ou diñeiro á xente, xa que é moi pobre. Raquel, unha nena curiosa, descobre o seu secreto e comeza a falar con el. No fondo, é unha metáfora interesante subxace a este conto: a xente pobre aparece como invisible aos nosos ollos de adultos. Pero os nenos son máis sensibles e poden percibir o lado escuro da sociedade. Coa selección deste libro o obxectivo e ensinarlles a transitar un camiño de amizade e solidariedade convértese entón nunha boa idea.

Actividade 1: Lectura

  • Lectura colectiva en voz alta.

Actividade 2: Análise das personaxes

  • A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen.

Actividade 3: Traballo de contidos da área de lingua

  • O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.

Actividade 4: Ilustración

  • O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.

Actividade 5: Elaboración da guía de lectura.

  • O alumado realizou dixitalmente a guía de lectura deste libro.

Actividade 6: Elaboración do audiolibro.

  • O alumado realizou dixitalmente o audiolibro

 

audilibro_minombreesskywalker

Actividade 7: Concurso sobre o libro.

  • O alumado realizou por grupos o concurso sobre a compresión do libro.

Actividade 8: Kahoot.

  • O alumado realizou individualmente a compresión do libro a través do Kahoot.

EN GALEGO:

EN CASTELÁN:

Actividade 9: Conclusión/valores

Despois da lectura fixemos un mapa conceptual sobre os valores que se poden extraer da historia.

 


 RECURSOS EDUCATIVOS PARA TRABALLAR O LIBRO


  • Guía de lectura. Word. Pdf.
  • Guía de lectura (castelán). Word. Pdf.
  • Preguntas para o concurso de lectura. Word. Pdf.
  • Preguntas para o concurso de lectura (castelán). Word. Pdf
  • Audiolibro. Enlace

Actividade de relaxación e preparación mental para o alumnado de primeiro ciclo


Na procura de fomentar a conexión entre a mente e a lectura, o Club de Lectura de primeiro ciclo do noso colexio organizou unha actividade única e enriquecedora dirixida ao alumnado de primeiro curso. A actividade está dedicada a preparar mentalmente aos lectores novos mediante a práctica de mindfulness e exercicios de ioga, creando un ambiente propicio para mergullarse no marabilloso mundo dos libros.

A actividade comezou cunha breve introdución sobre a importancia da relaxación e a concentración antes da lectura. Os estudantes foron guiados pola mestra María, experta en mindfulness e ioga, que os leva a través de exercicios destinados a calmar a mente e reducir o estrés, proporcionando un espazo tranquilo e receptivo para a posterior actividade lectora.

Durante a sesión de mindfulness, os nenos e nenas participaron en prácticas e exercicios de respiración consciente para centrar a súa atención no momento presente. Estas técnicas axudan a disipar calquera ansiedade e crear un ambiente propicio para a concentración, preparando así aos lectores novos para mergullarse nas historias que explorarán máis tarde.

A continuación, as sesións pasaron á práctica de ioga, onde introducimos os estiramentos suaves e posturas que fomentan a relaxación e a flexibilidade. A combinación destas prácticas físicas e mentais proporcionou ao alumnado as ferramentas necesarias para liberar a tensión e mellorar a súa preparación para a actividade lectora.

Tras a sesión de relaxación, os alumnos volveron aos seus asentos, onde se mergullaron na lectura de contos especialmente seleccionados para captar o seu interese e espertar a súa imaxinación. A tranquilidade e o enfoque acadados durante a actividade de relaxación reflectiuse na participación activa e o evidente goce do alumnado ao mergullarse nos seus libros.

O Club de Lectura está orgulloso de ter creado un espazo onde se celebra e fomenta a conexión entre a mente e a lectura. Esta actividade non só prepara ao alumnado de primeiro ciclo para a lectura dun xeito único e eficaz, senón que lles proporcionou valiosas ferramentas para afrontar futuras sesións de lectura cunha mente aberta e tranquila.

Este evento é só o comezo dunha serie de iniciativas destinadas a enriquecer a experiencia lectora do noso alumnado. O Club de lectura espera seguir explorando novas formas de fomentar o amor pola lectura e a atención plena entre o alumnado lector da nosa comunidade escolar.

Distribuir contido