Contido popular
Título | Resumo |
---|---|
Torneo de "Tres en raia" |
No mes de decembro, a mestra de música organizou o "III torneo de tres en raia", entre o alumnado maior do centro, como unha actividade inmersa dentro do proxecto documental integrado deste curso: "Mergullámonos nun mar de números". Este sinxelo xogo pon en marcha a maquinaria intelectual do alumnado, en todo o referente á lóxica matemática e a intelixencia artificial, dun xeito lúdico e creativo e que tanto agradecen todos os participantes no mesmo. Non hai máis que fixerse na faciana dos xogadores para comprobar canto gozaron durante o desenvolvemento do torneo. O Cadro de Honra quedou como sigue:
Moitos parabéns para todos eles!! Os participantes nesta edición xa están ansiosos porque comece a seguinte torneo... Preme na imaxen superior para ver a galería de imaxes do torneo |
A Lazy Ladybird! |
Nesas estabamos cando decidimos percorrer o xardín da escola e amosarlle o noso horto. Non foi un voo moi longo, pero a ladybird descubriu o pracer de voar en liberdade. FLY LADYBIRD FLY!
|
Obradoiro de máscaras de Entroido |
O día 20 de xaneiro realizamos no cole un obradoiro de creación de máscaras do Entroido, coa colaboración da Concellería de educación de Ourense, como alternativa ao tradicional obradoiro de creación de comadres e compadres que este ano non se celebrará por mor do Covid. A actividade tivo unha duración de 90 minutos, dividido en dúas partes: unha teórica e outra práctica. Por unha banda, visualizamos un mapa da provincia de Ourense, identificando as vilas que celebran esta festa dunha maneira máis relevante, acompañado dunha explicación dos seus traxes e costumes. Posteriormente, pasamos a decorar catro máscaras de cartolina típicas do Entroido ourensán: Boteiro de Viana do Bolo, Cigarrón de Verín, Peliqueiro de Laza e Pantalla de Xinzo de Limia. O obxectivo principal desta actividade foi o de contribuír á conservación das nosas tradicións dunha maneira lúdica e pedagóxica traballando distintas áreas de coñecemento como son a plástica e a pintura, a lingua galega e as ciencias sociais. |
Weather in Denver |
Ao longo do curso, na área de inglés estivemos recollendo información do tempo metereolóxico que facía en Denver, USA. Como actividade final a esta experiencia, fixemos de "homes e mulleres do tempo", meteorologos, cunha presentación en inglés ante os nosos compañeiros do cole. No seguinte vídeo podedes observar que temos futuro nos telexornais para explicar o tempo. Tal cual familiares do Pemán!! |
Hora de ler en 5º de Ed. Primaria |
A hora de ler realízouse todos os días, de 12:00 a 12:20 horas e a súa configuración estivo deseñada pola titora Eva Vidal Ferro. Neste ano académico intentáronse acadar: OBXECTIVOS:
Así, procurouse que as lecturas fosen variadas en contidos, xénero, tipoloxía e complexidade. Tamén utilizamos diferentes soportes: impresos e electrónicos (libros de lectura propiamente ditos, prensa, libros de consulta, banda deseñada, folletos, Internet… tanto en galego como en castelán. As lecturas realizaronse de forma silenciosa ou en voz alta co fin de mellorar pronunciación, ritmo, entonación… e de aprender uns de outros. Noutros momentos foi a titora quen fixo a lectura en voz alta de libros, textos… en calquer soporte, co fin de que aqueles alumnos que presentaban máis dificultades lectoras obtivesen un exemplo de cómo realizar unha lectura coa entonación e o ritmo axeitados. Para acadar estes obxectivos realizáronse: ACTIVIDADES
TEMPORIZACIÓN: No curso escolar 2022/2023 os libros seleccionados foron os seguintes: 1º trimestre: libro común a todos os nenos e nenas.
O libro foi traballado no curso 2022-2023 durante os meses de setembro e outubro.
O libro traballouse principalmente durante os meses de novembro e decembro, cando se leu e se resumiu para convertelo en banda deseñada... un proceso que se alongaría ao longo do curso nalgunhas clases de educación plástica. Contacontos na aula. No mes de decembro e principios de xaneiro cada alumno contoulle aos seus compañeiros o conto que elixiu da biblioteca do centro. 2º trimestre: libro común a todos os nenos e nenas.
O libro traballouse no mes de xaneiro e parte de febreiro.
Na segunda metade do trimestre e para coñecer mellor os gustos de cada alumno/a permíteselles ler durante unhas semanas diferentes libros propios, da biblioteca da aula e da biblioteca do colexio... descubrimos que, a parte dos gustos propios da súa idade, son uns amantes da xeografía. 3º trimestre: leuse poesía e teatro nos dous idiomas adaptados aos gustos e niveis lectores que presenta o alumnado.
No mes de maio cada alumno quedouse cun personaxe do conto e todos xuntos dramatizámolos na aula. |
OBRADOIRO DO DÍA DA PAZ "A PRINCESA LIWAYWAY" |
Os alumnos de 2º de Primaria fixemos un obradoiro do conto "A PRINCESA LIWAYWAY", no que traballamos valores coma aamizade, a colaboración, o respecto, axuda aos demais, o esforzo,... Contamos a historia na clase e entre todos fomos dicindo o que máis nos chamou a atención da mesma; a continuación plasmamos nun mural o final da historia, froito do esforzo e a colaboración dos personaxes do conto e no que se reflicten os valores presentes no mesmo. |
Construíndo un xornal |
Traballar coa prensa na escola supón unha serie de obxectivos, entre os que destacamos:
|
Exposición na biblioteca no mes do Día do libro | |
Antón comodón |
O día 3 de abril o alumnado de Ed. Infantil asistiu á unha representación de monicreques no Auditorio de Ourense titulada "Antón comodón". Nesta ocasión contáronnos a historia de Antón, a quen de neno na súa casa facíanlle todo, non facía falta que aprendese nada se el non quería. Cando creceu tiña un axudante, Nicolás, que era o encargado de facelo todo. Pero un día Nicolás pensou que xa tiña bastante diñeiro e foise a vivir ás illas verdes?. Antón non sabía vivir sen axuda: nin vestirse, nin atarse os zapatos, nin tan sequera comer só a sopa! Así pois decidiu empezar unha longa viaxe en busca de Nicolás, atravesando campos cidades e lugares descoñecidos para el, como unha granxa e un porto, buscando as illas verdes. Durante a viaxe Antón foi aprendendo moitas cousas. Cando por fin chegou ás illas verdes e atopou ao seu axudante deuse conta que aprendera tanto que era capaz de valerse por si mesmo e foi entón cando decidiu quedarse a vivir e botar unha man a Nicolás co seu carro de xeados, como dous bos amigos. Pasámolo xenial!!
|
Recursos para o entroido | |
Malala, premio Nobel da Paz 2014 |
Esta xoven defensora do dereiro á educación da muller foi galardonada co Nobel da Paz 2014 “pola súa loita contra a opresión dos nenos y polo dereito de todos eles á educación” Malala Yousafzai. CC BY 2.0 DFID-UK en Flickr |
Xoves de Comadres |
O Xoves de Comadres o alumnado de 1º, 2º, 3º e 4º de Ed, Primaria participou na celebración desta festa coas manualidades realizadas no obradoiro de Entroido que realizamos na semana anterior na bibloteca do cole coa colaboración de varios monitores da concellería de educación de Ourense. Segundo manda a tradición, os nenos escapan coa súa comadre e as nenas tratan de arrebatarllas e destruirllas. Ao final da carreira só un par de nenos foron quen de defender a súa comadre. |
Biblioteca escolar, base de exploracións |
"Biblioteca escolar, base de exploracións" é o lema elixido este curso para o cartel da campaña anual de bibliotecas escolares que a Consellería de Cultura, Educación e Ordenación Universitaria, enviará en breve a todos os centros públicos como reforzo das actuacións da biblioteca escolar e para apoiar a visibilidade dos seus recursos e das súas oportunidades de aprendizaxe. A imaxe do cartel responde á interpretación que deste lema fixo o ilustrador e autor de cómic FRAN BUENO, e ten suficiente carga simbólica e información como para espertar o interese do alumnado. Desde o Fogar de Leo, este curso traballaremos, no noso proxecto documental, seguindo estas directrices, e facendo de exploradores do noso entorno próximo… en breve darémosvos máis iformación sobre o PDI. |
Día da biblioteca 2019 |
O 24 de outubro celebramos no noso cole o Día das bibliotecas escolares. Como en anos anteriores, aproveitamos esta data para presentar o PDI deste curso á comunidade educativa. Este curso académico o título escollido é "Incrible? Non!... está nas túas mans" co que pretendemos fomentar e favorecer a igualdade e a diversidade desde todo o traballo realizado desde a Biblioteca. Cada grupo encargouse de presentar o que van a traballar nas súas aulas ao longo deste ano en relación á temática proposta.
O alumnado de 4º de Ed. Primaria, tamén representou un teatriño de monicreques titulado " A cachiporra máxica" para recordarnos que a celebración do Samaín xa está "aí". Para rematar, o alumnado de 5º de Ed. Primaria representou unha obra de teatro que eles mesmos elaboraron e titulada "A nosa biblioteca", co fin de iniciar a formación de usuarios do novo alumnado do noso centro aos que lles foi entregado o seu carné de biblioteca.
|
Mamá, quero ser Ziggy Stardust |
MAMÁ, QUERO SER ZIGGY STARDUST Hoxe que conmemoramos o día da paz e non violencia, tod@s nós acompañamos na súa viaxe polo seu universo a AINE, a protagonista do libro, “Mamá, quero ser Ziggy Stardust”, agasallo da concellería de educación de Ourense. Con este sinxelo acto queremos alzar a voz polo dereito ás diferenzas, a ser como cada un queira ser, a mirar aos outros sen prexuízos. Porque tod@s levamos dentro un chisco dese home das estrelas que mira ao mundo crendo que merece a pena coñecernos e respectarnos os uns aos outros tal e como somos. Queremos agradecer a Abraham Caride, un artista fóra do circuito convencional, que nos permitise visitar o seu espazo de arte e compartir con nós as súas obras sobre David Bowie e algunas das súas experiencias. E como recoñecemento a tod@s @s Ziggy Stardust que só piden un espazo para ser eles mesm@s … “ There´s a starman waiting in the sky … ” |
Proxecto Meteoarte |
O proxecto desenvolvido ao longo do curso pasado, polo alumnado de 6ºde Ed. Primaria, dentro do programa de Meteoescolas, e titulado "Meteoarte", foi valorado polo xurado composto por membros da Consellería de Educación e de MeteoGalicia cunha calificación de "Programa de Excelencia". Todos as actividades realizadas están reflectidas no blog "Meteosueiro" que manteñen os membros do equipo de metereoloxía. Os nosos parabéns para todos e todas os compoñentes do Equipo de metereoloxía: |
II Concurso "CEIP Manuel Sueiro" |
Este premio, para centros de EI, EP e CEE, naceu co fin de que os nosos nenos e nenas se interesen pola lectura e se mergullen no placer de leren e escribiren, ofrecendo a oportunidade de facer visible as capacidades artísticas dos nosos pequenos unindo a literatura e as artes plásticas. Ao mesmo tempo, tratamos de fomentar en grupo, tanto na aula, no ciclo ou no centro, mesturando diferentes niveis educativos e buscando a implicación do maior número posible de alumnado e profesorado. Consiste en elaborar unha ADAPTACIÓN CON TEXTO E ILUSTRACIÓNS DUNHA OBRA DA LITERATURA UNIVERSAL que elixirá o Departamento de Biblioteca e o Equipo de Normalización Lingüística do CEIP Manuel Sueiro de Ourense. BASES PARA PARTICIPAR
INSCRIPCIÓNS Enviando un correo electrónico, indicando o desexo de participar a: Vídeo da entrega de premios da edición do ano pasado a cargo do Conselleiro de Educación e Cultura
|
Enquisa sobre os traballos do fogar |
Preme na imaxe para realizar a enquisa sobre quen realiza as tarefas no teu fogar: Preme na ligazón para ver os resultados da enquisa: |
Programa Observa_Acción |
Este curso fomos admitidos no programa de intercambio de experiencias OBSERVA_ACCIÓN. Trátase dun programa de desenvolvemento competencial desde a observación e o intercambio entre iguais, durante os cursos escolares 2022/23 e 2023/24, que se levará a cabo a nivel autonómico, nacional e internacional. O xoves 26 de xaneiro, o director do centro e a mestra coordinadora asistiron á primeira xornada de formación en Santiago. Ademais deles, outro docente inicia este camiño no intercambio de observación docente. Un dos obxectivos que se perseguen con este programa é o de experimentar novas vías de formación do profesorado e favorecer a innovación educativa no centro educativo, así como a colaboración con centros doutras comunidades autónomas e/ou países de ámbito europeo. A nosa liña de traballo vai na dirección da Competencia comunicativa. Aquí comeza a nosa andaina da que vos iremos dando conta. |
Postais de Nadal | |
Libros que van e veñen |
O alumnado de Ed. Infantil, este curso continuou levando para as súas casas as bolsas do programa "Libros que van e veñen". Estas permanecen no seu domicilio unha semana, facéndose a renovación dos libros os venres de cada semana. Cada unha delas inclúe un libro en galego ou castelán escollidos polo alumnado e un caderno para que, coa axuda dos seus familiares, debuxen e/ou escriban o que lles "digan" os libros. É de agradecer ás familias dos máis caivos a súa imlicación nesta actividade destinada a que acompañen aos seus fillos no proceso lector e lles sirvan de modelo e guía nos momentos de lecer. No seguinte documento podemos ver algúns exemplos dos seus traballos na casa. |
Día das Bibliotecas 2022 |
Ao longo de todo o mes de outubro realizamos diversas actividades para celebrar o Día das bibliotecas. Entre elas, destacamos as seguintes:
|
Día da biblioteca 2014 |
O 24 de outubro, como non podía ser doutro modo, celebramos no noso centro o Día da Biblioteca dun xeito moi especial. O alumnado de 5º e 6º curso de Primaria representou na biblioteca unha obra teatral que nos recordou os PDIs (Proxecto Documental Integrado) que realizamos en anos anteriores i en que vai consistir o que imos realizar este curso: "Mergúllate nun mar de números". Para a presentación do proxecto contamos coa actuación estelar da galiña Turuleta, que será unha das protagonistas deste PDI. A continuación o alumnado de 1º curso de Ed. Primaria fixo entrega á Biblioteca dun libro de poemas realizado por eles durante o tempo destinado á Hora de ler. O título do libro é "O fafarrún" i esta baseado no poema orixinal de Gloria Sánchez. Asemade, presentaron á toda a comunidade educativa o estreno da curta que fixeron sobre o libro "O fafarrun". Moitos parabéns para estes "pequenos" grandes artistas!! A mestra responsable do EDL (Equipo de Dinamización Lingüística) presentounos a exposición sobre tradición oral galega, na que participou libremente a comunidade educativa, e que está nos corredores do centro para ser visitada. Fixemos entrega das mochilas viaxeiras aos respectivos titores para que o alumnado as leve as súas casas para compartir lectura, en tempo de lecer, coas súas familias. Outra das actividades realizadas foi a entrega do carné de biblioteca aos novos lectores do centro. Tamén agasallamos con carnés de Honra aos mestres en prácticas, á auxiliar de conversa de inglés e aos donantes de agasallos para a biblioteca. Para rematar, un dos alumnos de 5º curso de Ed. Primaria fixo unha doazón altruísta de libros para a biblioteca. Desde aquí animamos a toda a comunidade educativa a seguir o mesmo exemplo con aqueles libros que sexan adecuados ás idades do noso alumnado e que quizás, por diversos motivos, non lles sexan de utilidade nas súas casas.
Galería de imaxes das actividades realizadas
|
Obradoiro de plástica con Baldomero Moreiras |
Este ano, en sexto de Ed. primaria, estamos a desenvolver un proxecto documental titulado “Da man de Baldomero, pintura e escultura imos coñecer”. Con este traballo estudaremos distintos materiais e técnicas plásticas, así como estilos pictóricos e escultóricos. A principios de febreiro, realizamos un obradoiro de plástica, dirixido polo prestixioso pintor ourensán Baldomero Moreiras. Con el realizamos un collage de pombas zurita e polipava. No mes de marzo volverá a ensinarnos máis cousas Asemade, aproveitamos para facerlle esta entrevista. . ENTREVISTA BALDOMERO MOREIRAS P. Cando comenzaches a pintar?
|
HORA DE LER. 3º EDUCACIÓN PRIMARIA. |
O curso escolar 2023/2024, a hora de ler, realizouse todos os días en horario de 12:00 a 12:20 horas, tendo como obxectivo no que buscamos espertar e realzar o gusto e o pracer por ler. A configuración da hora de ler estivo deseñada polas titoras Mª Dolores Nieto Merino e Iria Pérez Rodríguez, esta última só durante o primeiro trimestre, xunto a profesora de AL Natalia Castro Martínez, centrándonos nos seguintes obxectivos Obxectivos:
Actividades.
Temporalización. Na hora de ler, que se realizou todos os días utilizáronse os seguintes libros: 1º trimestre: libro común a todos os nenos e nenas.
2º trimestre: libro común a todos os nenos e nenas.
3º trimestre: libro común a todos os nenos e nenas.
|
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »