Skip to Content

Farmapoesía: Día Mundial da Poesía

Este ano, para celebrar o Día Mundial da Poesía decidimos abrir a farmacia poética e ofrecer poemas como medicamentos. Así, coa rapazada de 1º da ESO e 3º PMAR levamos a cabo un proxecto que consistía en crear un medicamento que nos curase as "doenzas da alma".

Para iso, renomeamos medicamentos coñecidos por todos, creamos os prosprectos e os textos poéticos que nos sandasen de problemas como o medo, o mal de amores, a preguiza... A poesía cura!

Materiais intelixentes

O pasado venres, o profesor da UVIGO, Rubén Figueroa Martínez, impartiulle unha charla ao alumnado de Tecnoloxía de 4º ESO e 1º BACH sobre os materiais intelixentes. A exposición desenvolveuse en tres partes:

Dúas estudiantes de bacharelato participan nunha xornada sobre física de partículas

O Instituto Galego de Física de Altas Enerxías (IGFAE) da Universidade de Santiago de Compostela (USC), en colaboración coa Sociedade Europea de Física, o CERN (Organización Europea para a Investigación Nuclear) e Fermilab (Laboratorio Nacional Fermi), organizou unha xornada ou “Masterclass” de actividades relacionadas coa Física de Partículas destinada a estudantes de bacharelato. Promovida polo “Grupo Internacional de Divulgación de Física de Partículas” e denominada “Física de Partículas coas mans”, a masterclass consistiu nunha serie de conferencias sobre a Física de Partículas actual, ademais dunha práctica realizada en grupo. Traballaron con datos reais do CERN.

A práctica, na que participaron dúas estudantes do noso centro,consistíu en aplicar as explicacións recibidas para identificar as partículas elementais segundo a traza que deixaban no detector.;

Manifestación 8M: "Sen coidados non hai vida"

Este ano, con motivo da celebración do 8M, decidimos realizar unha manifestación, mantendo todas as medidas de seguridade, e deixar así patente que seguimos loitando para que a igualdade entre mulleres e homes chegue a ser real. 

Preparando o 8M II: A violencia de xénero: comprendendo, identificando e actuando

A rapazada de 2º da ESO recibiu unha charla sobre a violencia de xénero por parte da asociación FADEMUR. Tratouse de concienciar ao estudantado da formanción en igualdade como estratexia máis eficaz tanto para a prevención da violencia como para crear unha sociedade máis xusta e igualitaria. Así, na charla promoveuse a sensibilización que lles permita detectar a tempo as relacións daniñas que poden afectar á autoestima e ao benestar das persoas. Tamén se centraron na identificación de micromachismos, moitas veces non recoñecidos como violencia, e en ofrecerlles competencias persoais e sociais para relacionarse desde a igualdade e o respecto.

Preparando o 8M I: Os mitos do amor romántico

A charla impartida en 1º da ESO pola asociación FADEMUR consistiu nunha aproximación aos mitos do amor romántico. Para iso, comezouse por cuestionar que é o amor, como forma de entender que vai máis alá do existente nunha parella. A partir de aquí, a través de clips de programas de televisión actuais (como La isla de las tentaciones), series non tan recentes (como Friends), películas destinadas á adolescencia (como Crepúsculo ou Tres metros sobre el cielo) ou á infancia (como La bella y la bestia ou calquera na que aparezan as princesas de Disney) e memes que circulan nas redes sociais fóronse mostrando e desmitificando todas esas ideas que socioculturalmente asociamos ao amor das parellas, no que o romanticismo é unha manifestación máis da violencia machista: o control das redes sociais, os celos, o illamento, o soportar os malos tratos (nas súas múltiples formas) e a idea da predestinación da media laranxa. Como ben se dicía, non existe un libro que nos ensine sobre o amor, pero si múltiples mensaxes que nos encamiñan a relacións de desigualdade e violencia. Por iso, é necesario recoñecer os mitos para construír vínculos libres. 

Distribuir contido


by Dr. Radut