Skip to Content

Novas da Biblioteca

Novos xogos na biblioteca do centro


Ola a todos e todas. O Equipo de dinamización lingüística do Galego acaba de mercar dous xogos para que todo o alumnado poida disfrutar deles e aprender máis sobre Galiza. Estará á vosa disposición na biblioteca do centro. Animádevos a xogar!!!!

DÍA DE ROSALÍA. UN CALDO DE GLORIA PARA CELEBRAR O SEU ANIVERSARIO

Mañá celebramos no centro o Día de Rosalía e seguindo a iniciativa da Fundación Rosalía de Castro imos elaborar un “Caldo de Gloria”, inspirado no poema “Miña casiña, meu lar”. Repartirase este caldo durante o recreo (11:30 a 12:10) na entrada cara ao Edificio Novo. Leranse varios poemas da autora ao comezo do acto e logo as actividades continuarán na Biblioteca con música e recitados. Estades todas e todos convidados a celebrar connosco o aniversario da poeta.

No poema de “Miña casiña, meu lar” podedes atopar a receita por se o queredes elaborar vós e facer que as redes sociais lle renda homenaxe a Rosalía. Para iso é preciso facer un Caldo de Gloria -tedes a receita na páxina-, ler un poema de Rosalía e compartir unha foto nas redes sociais cos seguintes cancelos (hashtags): #CaldodeGloria #DíadeRosalía.

Animádevos!

A escritora Ledicia Costas visita o IES Pazo da Mercé

Visita de Ledicia Costas

Co gallo do día do libro, a escritora Ledicia Costas visitou o noso centro. Falounos do seu libro Escarlatina, a cociñeira defunta e dunha personaxe deste libro inspirada no seu avó. Alertounos acerca do acoso na escola e nas redes sociais, temática de O corazón de Xúpiter. Tamén nos contou moitas anécdotas da súa vida, da súa familia, do seu traballo... En definitiva, pasamos un rato estupendo. Moitas grazas!

  

Celebración do Día de Rosalía

Imaxe do acto na que aparece no fondo Rosalía de Castro

Recitado do alumnado do Club de Lectura

Hoxe, celebramos o Día de Rosalía. No acto, que tiña como destinatario a todo o centro, veuse un vídeo sobre a vida e obra de Rosalía, varios videopoemas realizados polo alumnado e asistimos ao recitado de varios poemas e á lectura dun texto sobre o feminismo en Rosalía de Castro.

Concurso Palabras de Amor

Co gallo do día de San Valentín o equipo da biblioteca organiza un concurso de palabras de amor. A data limite de entrega das cartas ou notas de amor é o venres 10 de febreiro. Pica na imaxe para coñecer toda a información polo miúdo.

Non o dubides. Participa!!!!
Distribuir contido


by Dr. Radut