O noso centro foi seleccionado por primeira vez na convocatoria do ano 2015 dentro do programa Erasmus+ para a realización dun proxecto de mobilidade que permitiu a realización de prácticas no estranxeiro por parte do alumnado do Ciclo de Fomación Profesional de Sistemas Microinformáticos e Redes.
Dende entón, temos solicitado en 2016 outro proxecto de consolidación por 18 meses, repetimos no 2018 e no 2019 concedéronnos a oportunidade de repetir esta marabillosa experiencia que, debido á pandemia, tivemos que pospoñer ata o curso 2021/22. Nese curso solicitamos un novo proxecto que foi aceptado e danos a oportunidade neste curso 2022/23 de continuar ofrecendo esta oportunidade a noso alumnado.
Os principais obxectivos do proxecto son:
- Mellorar as competencias do alumnado deste ciclo, ofrecéndolle a posibilidade de realizar as prácticas en empresa no estranxeiro.
- Mellorar a competencia lingüística do alumnado do ciclo.
- Aumentar as posibilidades de emprego para este alumnado.
E porqué non tamén aprender como funciona a vida! Temos máis en común do que nos parece e a experiencia no estranxeiro amplía a visión persoal no mundo do alumnado, repercute no noso entorno e da a coñecer o IES Pazo da Mercé por Europa.
O proxecto Erasmus+ está pensado para o alumnado de informática de FP Básica e de Ciclo Medio, tratando de establecer normas que permitan a igualdade de oportunidades. Non obstante, no caso de competencia por prazas, aplícarase o baremo de selección de candidaturas que aparece publicado nas NOF do instituto.
Se estás interesado, podes falar co teu tutor/a, coa coordinadora, ou escribir ao correo
erasmus.ies.pazo.merce@gmail.com
No curso da aula virtual adicado a Erasmus+ poderás atopar máis información: Información previa xeral, consellos de viaxe, baremo, solicitude, achega de documentación, plan de desenvolvemento europeo, etc.
