Actividades no centro

Actividades no centro

SEMANA DO 25N

ACTIVIDADES DE CONCIENCIACIÓN CONTRA A VIOLENCIA DE XÉNERO

As inquietantes cifras de asasinatos de mulleres son o dato máis visible dunha lacra social que cómpre erradicar. Non obstante, amais das mortes hai tamén outras violencias, máis ou menos visibles, que  debemos aprender a identificar para podelas afastar das nosas vidas. Por iso, este ano decidimos  dedicar unha semana a concienciar á rapazada no rexeitamento de calquera conduta de maltrato, entendendo por isto o oposto ao “bo trato”, ao trato igualitario entre mulleres e homes. 

O lema arredor do que pivotou a semana e que nos serviu de marco para o Manifesto así como para os autocolantes que repartimos por todo o instituto foi: Sobran mortes e faltan condenas!

Desde o IES Pazo da Mercé queremos deixar claro que nos sobra violencia e reclamamos máis condenas, non só xudiciais, de calquera tipo de discriminación por razón de sexo. 

Magosto 2019

 O Magosto 2019 no meu centro

  

 

O Que Arde

Hoje, 28 de novembro de 2019, fomos ver "O Que Arde" com 50 alunos/as das Neves.

Elxs adoraram mas muitxs ficaron tristes porque lembravam o acontecido há 3 anos. Talvez a educação sirva para alguma coisa e o monte entre na escola e com um futuro melhor para todxs. A lingua comprometida com o nosso ambiente.


 

 

 Esta actividade foi promovida pela vice-direção, o Dep. de Lingua Galega, Biblioteca e  EDLG.

Obradoiro de percusión Afrobahiana

Corenta alumnos/as dende 1º da ESO ata 2º de BACHARELATO asistiron o pasado luns 11 de Novembro ao auditorio de As Neves para participar nun Obradoiro de Percusión impartido polo percusionista e actor Xurxo Troncoso.

 

EXPOSICIÓN “REIXAS. MULLERES BAIXO O TERROR FRANQUISTA”

Na semana do luns 11 ao venres 15 deste mes de novembro temos no noso Instituto, en Usos Múltiples, a exposición “Reixas. Mulleres baixo o terror franquista”. Son seis paneis dobres que recollen, a través de 78 fotografías e a historia de 172 mulleres, as terribles consecuencias do Golpe de Estado franquista do 36 sobre as mulleres na provincia de Pontevedra. A exposición está artellada a partir de tres grandes eixes: contextualización histórica (os logros da II República), represión en todas as modalidades da ditadura franquista contra as mulleres, e recoñecemento do labor solidario e resistente das mulleres.

Distribuir contido