Actividades no centro

Actividades no centro

"MULLERES EN ACCIÓN. VIOLENCIA ZERO" no noso Instituto.

O noso Instituto acolleu o pasado mércores 7 deste mes de febreiro un importante acto do programa "Mulleres en acción. Violencia Zero", deseñado pola Deputación de Pontevedra. Consistiu nunha "acción poética" titulada "Cofre de maquillaxe" a cargo de Olalla Cociña. Esta poeta e xornalista, con esta intervención, amosou claramente que a arte, neste caso a literatura e o audiovisual, é unha ferramenta de sensibilización e concienciación contra a violencia machista. Evidenciou o poder da poesía como berro de denuncia fronte a unha realidade dramática como é o feminicidio e o patriarcado. Cómpre concienciarnos  de que a loita contra o machismo en todas as súas manifestacións é unha base principal para a construcción dunha sociedade máis xusta e igualitaria. En relación con isto, lembramos que hai convocada a xornada reivindicativa de "Mulleres en Folga" para o 8 de marzo, Día Internacional da Muller Traballadora.

Agradecemos ao Concello das Neves que contasen co noso centro para a realización deste acto e á Deputación de Pontevedra, a través do seu Servizo de Igualdade, esta colaboración. Tamén tivemos a ledicia de contarmos, entre as persoas asistentes, xunto ao alumnado e profesorado, a representantes de ambas institucións, coa presenza do alcalde, Xosé Manuel Rodríguez Méndez, e da presidenta do organismo provincial, Carmela Silva.

 

Recital musical a cargo de GHZ, Pedrido e DUKE SAM

O 21 de decembro, despois do primeiro trimestre de curso, marcado fundamentalmente polos lumes, celebrouse no Auditorio do Concello das Neves (a quen agradecemos que nos cedesen o local e a súa colaboración) un recital musical a cargo de GHZ, Pedrido e DUKE SAM Interpretaron varias pezas de rap, cunhas letras cheas de contido social, moi actuais e ben nutridas de crítica ao tempo que nos toca vivir: a situación da corrupción, o capitalismo cruel que padece a xente, a explotación da clase traballadora, as discriminacións, as guerras etc. Todo este repertorio fíxonos pasar un momento para, ademais de pasalo ben, poder reflexionar... Noraboa ao trío!

Acto contra a violencia de xénero

O  venres 24 de novembro celebrouse un acto en Usos Múltiples contra a violencia de xénero. Protagonizado polo alumnado, o grupo de pandereteiras interpretaron un par de pezas musicais: "Muiñeira loitadora" e "Muiñeira reivindicativa", compostas para a ocasión polo profesor de Música Anxo Abalde. A alumnas e profesor lles agradecemos o magnífico traballo. É fundamental que desde o ensino público, e desde o conxunto da sociedade, tomemos conciencia e asumemos un rol de denuncia e combate contra a violencia machista. E tamén que rexeitemos na teoría e na práctica as dinámicas patriarcais que queren facer da muller unha persoa submisa. Debemos perseguir unha sociedade máis xusta e igualitaria.

Arte en estado puro

A continuación tedes unha representación das obras de arte a xeito de cadeiras que desenvolveron durante o curso 2016-2017 os alumnos e alumnas do centro guiados polo profe de Plástica Roberto Brañas. Bo traballo!!!!!!

 

Vista das cadeirasCadeiras

Revista O Serodio

Aquí vos deixamos a revista O SERODIO do curso 2016/17. Como ben indica o seu nome, sae tarde, pero sae. Grazas a todo o profesorado e alumnado que se implicou na súa elaboración. Esperamos que vos guste e que sigamos a recuperar tradicións do I.E.S. Pazo da Mercé que merecen ser recuperadas. Feliz verán a todos e todas!Portado O Serodio
Distribuir contido