Actividades no centro

Actividades no centro

Nova semana da froita

Durante esta semana de abril, vólvese celebrar no centro a semana da froita. Esta iniciativa pretende fomentar entre o noso alumnado hábitos de vida saudables e educar na importancia dunha alimentación de calidade. Estades todos convidados durante o recreo a merendar unhas pezas de froita. Esta semana como novidade poderemos gozar cunhas ricas nésperas. Non as deixedes escapar.

Obradoiro de minerais

O pasado 20 de abril o alumnado de 1º ESO participou nun obradoiro sobre minerias a cargo do xeólogo Francisco Canosa. A finalidade do mesmo era o achegamento dos rapaces e rapazas a este apaixonante mundo. Puideron traballar a diferenciación entre minerais e as distintas características de cada un. O alumnado participou moi activamente e gozou amplamente coa experiencia.

Obradoiro de minerais

Obradoiro de minerais

Obradoiro "Rochas de Galicia"

Á volta das vacacións de semana santa o alumnado de 4º da ESO que cursa Bioloxía-Xeoloxía participou nun obradoiro organizado polo departamento de Ciencias. Para a realización do taller "Rochas de Galicia" contamos co xeólogo Francisco Canosa. Magnífica experiencia!!!Alumnado no obradoiroAlumnado no obradoiro

Charla coloquio entre Concello e alumnado

O pasado venres 31 de marzo, o alumnado de 3º e 4º da ESO, así como de 1º e 2º de Bacharelato asistiu a unha charla organizada polo equipo de normalización e dinamización lingüística do IES Pazo da Mercé . Para desenvolver esta charla coloquio contamos coa ex alumna Rocío Barreiro e o alcalde de As Neves, e tiña como obxectivo, manter un diálogo fluído coa xente moza sobre ás iniciativas que o Concello está a levar adiante para eles e elas, así como coñecer as demandas que presenta a xuventude da administración máis próxima que é a municipal.Alumnado durante a charlaRepresentantes do concello

Obradoiro con pompas de xabón

O 29 de marzo, estivo con nós José Benito Vázquez Dorrío, Doutor en Física e profesor titular na Escola de Enxeñaría de MInas e Enerxía da Universidade de Vigo. A través dun obradoiro con pompas de xabón e moitos experimentos, explicounos por que se forman as distintas cores nas pompas.

Desfrutamos moito, polo que agardamos poder contar con el para o vindeiro curso.

Alumnado no obradoiro

Distribuir contido