Skip to Content

Física Re-creativa

O pasado xoves 25 de marzo o profesor da Universidade de Vigo, Benito Vázquez, acompañou á rapazada de 1º e 2º de bacharelato para lles falar de como o ollo humano percibe a cor. Para explicoulles a través de diferentes demostracións as diferenzas entre as cores  primarias e as secundarias e o concepto de lonxitude de onda. Toda unha marabilla poder contar con José Benito Vázquez quen participa en diversos proxectos de difusión científica, sendo embaixador en España de Scientix, e coordinador do grupo internacional Hands on Science, a máis de participar noutros proxectos como Click on Physics.

O alumnado de 2º de FPB realizan un deseño de melloras da rede local e áreas do noso centro educativo

O alumnado de segundo de FP Básica realizaron un proxecto final chamado "deseño funcional de melloras da rede local e de áreas do noso centro educativo" no módulo de "Instalación e Mantemento de Redes para a Transmisión de Datos".

Cambio climático, existe ?

O xoves 25 de marzo a rapazada de 1º de BACH e 4º da ESO asistiu a unha charla sobre cambio climático na que tamén se abordaron outras temáticas como o quencemento global e os datos que o demostran. Os ponentes eran dous investigadores da UVIGO, Alexandre Martínez Schönemann e Cristina Fernández González, que traballan sobre a contaminación do mundo mariño. Por iso, insistiron en deixar claro como de preocupante é a situación do mar e, asemade, fixeron moito fincapé no tratamento que se lles dá a estas noticias na prensa optando, ás veces, máis polo sensacionalismo que pola información. Unha charla moi amena que contou cun grande interese por parte do alumnado.

Co berro no micro

O mellor rap feminista, en galego e dende O Condado.

O martes día 23 de marzo, aterraron no IES; cos seus catro micros, os seus bafles, os seus pratos e os seus amplis as Flow de Toxo. O alumnado de 1º de bacharelato e de 1º de FPB puido coñecer, de primeira man, os ingredientes que se agochan detrás das letras e das actuacións dun dos mellores grupos de rap en Galiza. A formación, que está integrada, entre outras persoas, polas irmás de Taboexa Silvia e Rosi Mella (ex alumna do centro), desveláronlle moitas das súas vivencias de como conseguen loitar e abrirse un oco - tan importante - no patriarcado castelanizado e inglesizado musical que nos rodea. Ademáis, aproveitaron para obsequiar o seu público con algún do seus mellores temas.

De onde saen os medicamentos ?

Este luns 22 de marzo acompañounos o profesor da USC, Luís Botana, para ilustrarnos sobre o concepto de medicamento. Da súa man, fixemos un breve percorrido pola historia dos fármacos desde a tríaca até actualidade, deténdonos en determinados momentos históricos como o 1950, data considerada clave para o inicio da farmacoloxía moderna. Tamén aprofundamos na orixe de diversos medicamentos e comprobamos que o xerme de moitos deles é ben diverso: desde os que proceden de plantas, os que se desenvolveron  a partir dos avances no estudo da cor até os xurdidos da mera casualidade. Unha charla ben interesante que rematou centrando a atención sobre os novos retos que se lle abren á industria do medicamento: a loita contra as superbacterias e a resistencia aos antibióticos.

Farmapoesía: Día Mundial da Poesía

Este ano, para celebrar o Día Mundial da Poesía decidimos abrir a farmacia poética e ofrecer poemas como medicamentos. Así, coa rapazada de 1º da ESO e 3º PMAR levamos a cabo un proxecto que consistía en crear un medicamento que nos curase as "doenzas da alma".

Para iso, renomeamos medicamentos coñecidos por todos, creamos os prosprectos e os textos poéticos que nos sandasen de problemas como o medo, o mal de amores, a preguiza... A poesía cura!

Distribuir contido


by Dr. Radut