Calendario xeral PAU 2016

As datas de exames deste ano en xuño son o 8, 9 e 10 de xuño.

Neste enlace podedes consultar toda a información.

Celebración do Día do Libro

Este ano celebramos o Día do Libro con, como xa é tradición no noso centro, un Mercado de Libros de 2ª man. Ademais tamén nos quixemos sumar á homenaxe global a dúas figuras universais da Literatura: Shakespeare e Cervantes. Para iso foi fundamental o traballo artístico do grupo de 3º de PMAR e a colaboración de estudantes de diferentes cursos para levar a cabo un Mercado de Gastronomía Cervantina.

Visita do alumnado de infantil ó noso centro

Este xoves 21 visitáronnos as/os futuras estudantes do noso instituto, que polo de agora están nas unitarias de Taboexa e Rubiós. Quedamos á súa espera.

Acto Escolas Unesco

O venres 15 de abril tivo lugar en Usos Múltiples un acto das Escolas UNESCO no que contamos coa presenza de Luísa Márquez, coordinadora das Escolas Asociadas á UNESCO de Galicia.
Neste acto quixemos agradecerlle a todo o alumnado a súa colaboración en tódalas actividades propostas pola UNESCO e elas e eles mesmos nos contaron a súa experiencia na participación de diferentes encontros nacionais e internacionais.

FCT no estranxeiro

Esta semana comeza as prácticas en empresas do estranxeiro un alumno do ciclo de formación profesional do noso centro.

Por primeira vez na historia do IES Pazo da Mercé, un alumno vai facer as prácticas en empresas en Praga mediante o programa Erasmus+, onde vai estar tamén desprazado o profesor-titor durante unha semana.

Distribuir contido