IES do Milladoiro

Lembrades que contamos que desde o Equipo de normalización e dinamización da lingua galega pediramos que mudasen o indicador do IES? Tratábase do que temos na entrada do aparcadoiro, que non respectaba a forma correcta do topónimo. Escribímoslles á concelleira de normalización lingüística e mais ao alcalde. A concelleira contestounos de alí a uns poucos días dicindo que tomaban nota do aviso e que ían proceder a mudar o indicador por outro correcto e... efectivamente! Xa está o cambio feito! Agradecemos moito a atención e a dilixencia con este tema.