IES do Milladoiro

O alumnado de 4º ESO C e de 2º Bacharelato B visitou o xoves 17 de xaneiro o Viveiro de Empresas da Cámara de Comercio de Santiago, no Polígono Costa Vella.

A visita iniciouse nun percorrido polas instalacións. Despois, participaron nunha charla divulgativa sobre emprendemento cooperativo, a cargo da técnico do Viveiro Sandra Becerra. A charla ten como obxectivo facer un achegamento ao mundo empresarial para que o alumnado considere o autoemprego como unha opción laboral no futuro. Ao remate, explicoulles o funcionamento da incubadora empresarial e os servizos que prestan aos emprendedores.

Esta é unha das actividades formativas de fomento do espírito emprendedor cooperativo que a Cámara de Comercio de Santiago leva a cabo dentro do programa de actuación da Rede Eusumo.