ANPA

Relación de Libros de texto para o curso 14-15 no IES.laxeiro

Nos arquivos adxuntos aparece a relación de Libros de Texto para o curso 14-15. Calquera dúbida consulten na secretaria do centro. Nesta mesma páxina web poden atopar todo o referente á axuda de libros.

- Relación de libros de texto ESO

- Relación de libros de texto Bacharelato

- Relación de libros de texto Ciclos

- Relación de libros de texto Adultos

Axudas para a adquisición de libros de texto curso 2014-2015

O DOG do 30 de maio de 2014 ven de publicar a Orde do 28 de maio pola que se convocan axudas para a adquisición de libros de texto destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos, para o seu uso no curso escolar 2014/15. Presenta dúas novidades importantes con respeto ao ano pasado:

1º.- A finalidade das axudas é exclusivamente  para libros de texto, non para material didáctico nin complementario.

2º.-A obrigatoriedade de conservar en bo estado os libros de texto, para incorporalos, ao remate do curso, a un fondo solidario que se constituirá no centro

Nos seguintes arquivos podedes consultar toda a información relativa a este programa:

 

Resolución provisional de admisión de alumnado curso 2014-2015 no IES.Laxeiro

Publicada a resolución provisional de amitidos para o curso 2014-2015 no IES.Laxeiro. O periodo de reclamacións estará aberto ata o día 29 de abril de acordo coa lexislación actual.  Nos arquivos adxuntos tendes toda a información de interese.

- Listados coa baremación onde foi necesaria

- Admisión provisional

- Período de reclamacións

Calendario do proceso de renovación 2012 do Consello Escolar do IES.Laxeiro

A Xunta Electoral do IES.Laxeiro , reunida hoxe, día 7 de novembro, acordou o calendario de renovación parcial do Consello Escolar. Así mesmo cada sector da comunidade educativa, presente nesta renovación, terá oportuna información a través das canles habituais.

Renovación parcial Consello Escolar 2012

Durante o mes de novembro vai ter lugar a renovación parcial do Consello Escolar do IES.Laxeiro de Lalín. A resolución do 7 de setembro de 2012 é a normativa que guiará este proceso do que o primeiro paso será a constitución dunha Xunta Electoral no centro que será a que marque o calendario da renovación que terminará coa constitución do novo Consello aló polo mes de decembro. Nos arquivos adxuntos explícanse o proceso de constitución da Xunta e as prazas a renovar nesta ocasión, así como unha información para os pais e nais do alumnado do centro.

Desde a Dirección do IES.Laxeiro queremos e desexamos animar ao profesorado, aos /ás pais e nais e a todo alumnado a que participen neste proceso de renovación , dada a importancia que ten o Consello Escolar na vida do centro.

Desde esta páxina web iremos informando de todo o proceso para que todos/as sexan informados/as do desenvolvemento das correspondentes proclamacións de candidaturas e diferentes eleccións de cada un dos sectores representativos deste órgano colexiado.

A Rede de educación para o consumo responsable premia de novo ao IES.Laxeiro

O IES. Laxeiro é un dos doce centros premiados pola Rede de educación para o consumo responsable . Convértese deste xeito nun centro de referencia xa que cada ano o instituto ven colleitando éxitos neste apartado. O proxecto presentado polo IES.Laxeiro leva por título " Consumo, xénero e igualdade" e obtivo un premio de 2.700€ para o desenvolvemento desa actividade.

Noraboa ao equipo responsable pola xeira de premios colleitados.

No arquivo adxunto pódese ver a relación de centros premiados pola Resolución do 20 de setembro publicada no DOG do 20 de decembro

 

Composición do Consello Escolar do IES.Laxeiro tras a renovación 2010

Rematado o proceso electoral , o Consello Escolar do IES.Laxeiro quedou configurado ,nos tres sectores afectados, pola renovación: profesorado, pais/nais e alumnado.

O día 29 a Xunta Electoral proclamou os novos membros do Órgano Colexiado, polo que tan só resta a constitución do novo Consello que terá lugar na primeira quincena de decembro.

No arquivo adxunto pódese observar a súa nova composición

Calendario e información do proceso de renovación 2010 do Consello Escolar do IES. Laxeiro

 

A Xunta Electoral do IES.Laxeiro , tras a reunión celebrada o pasado 4 de novembro ,fixou o calendario e as normas que rexirán o proceso de renovación 2010 do Consello Escolar do IES.Laxeiro

Nos arquivos adxuntos podedes consultar tanto o calendario do proceso coma as normas que se terán en conta dentro dos tres sectores que se van a renovar: alumnos, profesores e pais/nais.

Renovación parcial do Consello Escolar do IES.Laxeiro

O día 4 de novembro comeza o calendario elaborado pola Xunta Electoral para a renovación do Consello Escolar do IES.Laxeiro.

Desde o día 5 ata o 18 estará aberto o prazo de presentación de candidaturas nos sectores do PROFESORADO, PAIS/NAIS e ALUMNADO. A tal efecto os interesados/as poderán recoller  os impresos de presentación de candidaturas na secretaría do Centro.

Entre os días 23 e 25 terán lugar as votacións, para rematar o proceso o día 30 de novembro.

Do calendario, datas e demais comunicados, terán oportuna información nesta páxina web.

Desde aquí tan só animar a que participen, presenten candidatura e acudan a votar nos días sinalados a tal efecto.

¡ ANIMO! ¡PRESENTEN CANDIDATURA! ¡VOTEN!

O FUTURO DO LAXEIRO É DE TODOS/AS .

 

Distribuir contido