A pasada semana estreouse o Club de Ciencia do IES Plurilingüe Elviña coa súa primeira actividade neste curso. Seis entusiastas estudantes de 1º de Bacharelato foron os primeiros inscritos no Club, nunha actividade supervisada por docentes do Departamento de Física e Química e do Departamento de Matemáticas, consistente na ensamblaxe e proba no Espazo Maker dun PC a partir dos seus máis sinxelos compoñentes hardware. Non foi doado pero abofé que as fachendosas facianas despois de comprobrar o exitoso funcionamento falan por si mesmas!
Foi unha tarefa de máis aproveitamento que o meramente informático, xa que a práctica de montaxe modular de dispositivos electrónicos pode ser reaproveitada en moitos outros ámbitos de coñecemento. Polo que parece según conclúen os participantes resultou ben ameno ademáis de instructivo. Grazas a todos, que xa quedaron emplazados para novas actividades nas que seguramente sexan eles os que dinamicen a participanción de compañeiros de cursos inferiores.
Clickando na imaxe a continuación accedese ao album de instantáneas da sesión e a posta en común anterior e posterior en sendos momentos dos recreos matinais:
O Dpto. deEducación física fixo o tremendo sacrifizo de levar aos rapaces de 4º ESO a navegar esta semana. A xulgar polas imaxes, sufriron arreo con esta actividade. Pero que ninguén senta envexa (sana, non da outra). Irán con máis grupos en días vindeiros, e os que non poidan ir, poden soñar co vrao, que xa está ás portas...
Como cada ano, o día 23 de abril celebramos o Día Internacional do Libro (xa non dicimos todo iso de Cervantes, de Shakespeare e do Inca Garcilaso, a quen lle interese, pode aprender do enlace...).
O IES Plurilingüe Elviña, fór co vento ou fór coa chuvia, co sol ou coa lúa, confinado ou sen confinar, non deixou nengún ano de celebrar esta festa das venerables e menesterosas letras. Non ía ser menos neste curso das frías distancias e das abafantes máscaras.
Tocoulle turno ao xénero dos xéneros, o xénero fondo, o da beleza e a sonoridade, peza reservada aos lectores íntimos, aos que buscan non os lexítimos praceres do entretenemento novelesco, senon o paladeo exquisito da eternaverdade humana, mergullada nas ancestrais verbas da tribu. Nunha palabra, a poesía.
Coa colaboración de departamentos do instituto tan varios como biblioteca, lingua castelá, lingua galega, lingua inglesa, lingua francesa, linguas clásicas, dinamización ou tecnoloxía (deixámolo aí para non dar pé ás murmuracións), seleccionáronse textos líricos nas distintas linguas coñecidas e estudadas no centro para facer un vídeo conmemorativo coas lecturas feitas -ás veces con notable imaxinación- polo alumnado dos distintos grupos. Foron moitos os colaboradores, que leron poemas ou grabaron vídeos (maese Cóvid manda). Contodo, só algúns foron os elixidos na versión definitiva que podemos ver aquí.
Que ninguén o tome a mal: a lectura foi o premio. Cando avanzamos na palabra dos poetas -xa non palabras súas, senon cedidas á humanidade, solidarias e comunais-, en certa maneira facémonos poetas, depositarios das mesmas emocións que foron, das que son e das que serán. Velaí o vídeo, na nosa canle de Youtube.
Xa sabedes todos que o noso centro, a través da fermosa iniciativa do Erasmus+, liderado pola nosa benquerida María Sancosmed, avanza polo camiño da internacionalización. Nesta ocasión, contamos nesta actividade coa colaboración duns nosos amigos de Romanía. O Colegiul Naţional Vasile Lucaciu de Baia Mare quixo facer a súa propia homenaxe á lectura neste Día do libro contribuíndo, coma nós, cun fermoso vídeo feito polo seu alumnado: noble acto de irmandade académica e humana para esta noble ocasión. Irmandade no Cóvid, tamén, neste caso, pois os nosos amigos romenos tiveron que facer as súas lecturas confinados. Que poidan liberarse desa carga cedo! Un afectuoso saúdo a Romanía desde o IES Elviña!
... E unha lembranza para Paco Brines
O Día do libro é tamén a ocasión en que no noso país entrégase o premio Cervantes. Este ano foi elixido o poeta Francisco Brines, da xeneración social do 50. Moi maior está Paco Brines -se cadra non recollerá o premio en persoa-. Sexa como fose, non haberá mellor maneira para rematar esta xa longa entrada da nosa web que cunhas palabras deste grande poeta valenciano, que cantan á beleza da vida, da xuventude e da amistade. Vaia polo maestro!
Estaban en la plaza, rodeados por la luz inclinada de la tarde, cerca de las estatuas. Los jóvenes, tendidos junto al muro, sumíanse en el tiempo. Y él se sentó debajo de los arcos, en la primera grada. Con el pecho latiendo, miraba con los ojos encendidos la inquieta cercanía de los otros.
Más allá de las aves y las torres, cubriendo los abismos, ascendía la sombra de la tierra. Le miraron, y el golpe vivo del corazón hizo entreabrir la suavidad del labio en tímida sonrisa, en hermosas palabras de amistad.
Hablaban los dos jóvenes, y otro después, y pronto se agruparon todos los extranjeros de la plaza alrededor, visibles a la luna, con los distintos rasgos de su origen. Hablaban con amor de sus lejanos reinos, y olvidaban la sigilosa huida del hogar, el deseado encuentro con la tierra de la esquiva alegría.
La emoción del recuerdo fue quemando su errante corazón, y al encontrarse solo, ya en el alba, se durmió envejecido y misterioso.
O Dpto. de dinamización e o de lingua galega non queren deixar pasar as tradicionais datas de Entroido cunha celebración no noso instituto. Por iso, con todas as prudencias que esixe a situación sanitaria, daranlle porta franca no centro ao bo de Don Carnal, quen, desta vez, trai disfraz posto de Dona Cuaresma, como manda a tradición do mundo ao revés.
Pois, como manda a tradición polos pagos de Verín, o Entroido XA comeza, coma quen di, en xaneiro. Velaquí o calendario coas datas clave do fasto e co que toca en cada xornada:
Velaquí podedes descargar o cartaz deste NON tradicional entroido do IES Elviña.
Aproveitando que estamos nas datas das comilonas e dos atracóns, o alumnado de 1º de ESO, por sabia e suculenta iniciativa da súa profesora Patricia Varela, preparou un receitario de gulosas delicias para larpeiros e larpeiras.
O traballo está publicado no blogue de galego e no portal web de Calameo, onde se pode consultar. A máis dun pode darlle ideas para estas xornadas de saudables dietas invernais...
Pois nada, a xantar, que son dous días (ou dúas semanas)!
As imaxes e vídeos contidos nesta páxina web corresponden ás actividades desenvolvidas dentro da Programación anual de actividades do noso centro polo noso alumnado. Todas as familias e responsables legais do alumnado que aparece nelas asinaron coa matrícula un permiso específico para permitir a difusión destas imaxes a través da web do instituto ou a través das contas en espazos web e en redes sociais que son de titularidade do IES Plurilingüe Elviña. Asimesmo, familias e responsables están tamén informados do seu dereito de revogar esa autorización de uso de imaxe. Lémbrase que a descarga destes materiais visuais e o seu uso por terceiros fóra do estrito marco dos espazos e funcións permitidos pola autorización citada (isto é, a difusión meramente informativa das nosas actividades complementarias e extraescolares a través da páxina web oficial do centro e a través das contas das que o centro é titular) son ilegais, poden e deben ser denunciados. O IES Plurilingüe Elviña non se fai responsable do uso que se poida facer destas imaxes por terceiros fóra do ámbito dos espazos web que son da súa titularidade.