Anuncios

TRAMITACIÓN E PRESENTACIÓN DAS BOLSAS NEAE
DO MINISTERIO DE EDUCACIÓN

     Como todos os anos por estas datas, está aberto o prazo para a tramitación da solicitude das Bolsas NEAE do MEC. As familias interesadas deben facer a solicitude a través da Sede electrónica do Ministerio seguindo as instrucións do formulario web. Unha vez rematada a presentación telemática, deberá imprimirse e presentarse na secretaría do centro de ensino no que o alumno solicitante se atopa matriculado xunto con toda a documentación necesaria segundo a convocatoria  ANTES DO 30 DE SETEMBRO.  

Incluímos nos seguintes documentos todas as instrucións enviadas ao centro relativas as Bolsas:

a. Instrucións para solicitar bolsas NEAE (cidadán)
b. Escrito informativo de novidades da convocatoria
c. Información sobre as contías das bolsas
d. Certificación de uso de transporte
e. Certificación de uso de comedor
f. Información sobre a noción de unidade familiar

INFORMACIÓN SOBRE AS LISTAXES DEFINITIVAS DE PRÓXIMA PUBLICACIÓN

Infórmase que, dacordo coa convocatoria anual do Fondolibros (Orde de 6 de maio de 2021) as listaxes definitivas do Fondo deben publicarse o día 15. Só nestas listaxes, que deberán ser consultadas na secretaría do centro, aparecerá asignación de libros concretos por alumno.

O alumnado que non devolva todos os libros prestados do curso que remata, quedará excluído automaticamente da asignación de libros pola aplicación informática que realiza as asignacións.   

LISTAXES DO

FONDOLIBROS 2021-22

Xa están publicadas as listaxes de asignacións provisionais do Fondo solidario de libros de texto para o curso 2021-22. Lembren que:

a. as listaxes só poden consultarse no taboleiro de anuncios da secretaría do IES Elviña ou a través da sección de cidadáns da aplicación informática do fondolibros se dispoñen de certificación electrónica ou chave 365.

b. nas listaxes provisionais NON SE FAI ASIGNACIÓN DE LIBROS, só se informa da cantidade mínima de libros que lle corresponden a cada solicitante por renda. A asignación de libros faise nas listaxes definitivas de setembro, unha vez rematado o período de matrícula extraordinario.

c. as persoas solicitantes que aparecen excluídas do Fondolibros deixaron sen entregar documentación necesaria. Poderán subsanar estas carencias de documentación ao longo desta semana, pero non se actualizarán os seus datos ata a publicación das listaxes definitivas en setembro.

d. os solicitantes que aínda non formalizaron a súa matrícula (por ter materias suspensas para setermbro) ou que aínda non devolveron TODOS os libros do curso que remata, aparecerán como "condicionados" ou "pendentes". Deberán formalizar a súa matrícula dentro do período extraordinario e devolver TODOS os libros para que a súa solicitude se normalice nas listaxes definitivas*. De non cumplir estes dous requisitos antes do 10 de setembro, estes solicitantes quedarán fóra do fondolibros.

*NOTA: as persoas que formalizaron a súa matrícula hoxe día 9 de xullo aparecen condicionados porque a aplicación tarda un día en volcar os datos de matrícula. Sairán aceptados nas listaxes definitivas de setembro.

e. os vales de material que aparezan xa asignados nas listaxes provisionais poderán recollerse na secretaría do centro a partir do luns día 12 de xullo no seu horario de atención (09:00 a 13:00 horas de luns a venres laborables).