Alumnado de 4º ESO e 1º Bacharelato visitou este xoves 2 de maio a Facultade de Matemáticas da USC para asistir á charla "Usando Matemáticas para loitar contra o cancro e outras enfermidades" impartida por Enrique Fernández-Cara.
Enrique Fernández-Cara pertence ao Dpto. Ecuacións Diferenciais e Análise Numérico da Facultade de Matemáticas da Universidade de Sevilla. Na súa intervención explicou que forma parte dun grupo de investigación desta universidade que emprega técnicas matemáticas para modelar e describir situacións concretas en Física e, máis recientemente, tamén en Bioloxía e Medicina. Así, desenvolveron métodos que permiten describir, baixo certas condicións, a evolución das células canceríxenas e o efecto que sobre elas produce unha terapia elexida coa intención de eliminar ou, alomenos, conter o crecemento dun tumor. Ademais sinalou que unha vez resoltas as ecuacións "podemos saber como vai ir evolucionando o tumor de forma moi aproximada e así predicir situacións futuras, correspondentes a distintas terapias”. O obxectivo deste enfoque é, a continuación, determinar con técnicas propias da teoría de control, terapias “óptimas” que conduzan a situacións tan favorables como sexa posible. Os modelos estudados baséanse en ecuacións de derivadas parciais non liñais cuxa resolución numérica lévase a cabo aplicando métodos de elementos finitos.
Este grupo de investigadores da Universidad de Sevilla forma parte, xunto con outro equipo do Instituto BCAM-Ikerbasque do País Vasco, dunha rede internacional de investigación centrada no Control de Ecuacións Diferenciais Parciais (CONEDP).
Esta actividade foi organizada polo departamento de Matemáticas.
