Curso 2021-2022

O sábado 12 de marzo publicouse no BOE a convocatoria das bolsas do Ministerio de Educación para o curso 2022/2023. As bolsas MEC concédense para estudos de FP, Bacharelato e Idiomas, así como estudos universitarios de Grao.

A temática da charla deste mes de marzo tratará sobre a Intelixencia Artificial  e o seu papel na desigualdade de xénero. En concreto o título da sesión, que foi suxestión da propia relatora, é Investigación con nesgo de xénero.

Este é o calendario de actividades de Espazo Lectura para o mes de marzo de 2022. 
O instituto é socio protector da asociación do Val Miñor para o fomento e animanción da lectura en lingua galega.

O venres 25 de febreiro celebramos o Entroido. Logo dunha primeira hora de clase, houbo tempo para disfrazarse e participar no desfile escolar organizado polo Concello de Gondomar. Xunto cos compañeiros e compañeiras do IES Terra de Turonio e do CEIP Chano Piñeiro, percorremos as rúas da vila coas nosas coreografías. Xa de volta no instituto, cantamos, bailamos e celebramos o noso concurso de disfraces, con premios para as mellores propostas.

Hoxe, 23 de abril, sumámonos á celebración do Día de Rosalía cun obradoiro e a lectura de poemas nas aulas e cun recanto no que compartimos o manifesto da AELG que escribiu Beatriz Maceda Abeleira e convidamos a ler a obra de Rosalía e a sementar pensamentos. #sementandopensamentos #_rdc_2022