Saltar navegación.
Inicio
Narón (A Coruña)

Actividades complementarias e extraescolares

Magosto 2019

Magosto 2019Fai clic para ver máis fotos

17/11/2019

Este ano, a meteoroloxía non xogou a favor do noso Magosto: nin o día de Infantil e Primaria, nin o de Secundaria. Así que quedamos no patio cuberto, sen máis actividades que comer castañas e beber leite.

Visita a Exponav de 1º de Primaria

Exponav 2019

15/11/2019

O pasado venres 8 de novembro, o alumnado de 1º Primaria visitou a exposición do Museo Naval de Ferrol (Exponav), onde @s nen@s ampliaron os seus coñecementos sobre os contidos do proxecto A volta o mundo. Aprenderon como era a vida nos navíos daquela época, viron unha maqueta do barco Sebastián Elcano, e puxeron en funcionamento unha hélice... Pasámolo en grande!

Nota: Podedes ver algunha imaxe máis no álbum Ferrol 2019 da nosa Galería.

Exponav 2019

Novembro: mes da ciencia en galego

CIS Ferrol 2019

15/11/2019

Novembro é elixido como o mes da Ciencia en galego. Enlazamos co manifesto da microbióloga Alicia Estévez que este ano ilustra tal conmemoración.

Dende o Feal, este mes celebramos diversas actividades de temática científica:

  • O alumnado da ESO asistiu a unha charla sobre a importancia da reciclaxe, que se verá acompañada por un obradoiro sobre compostaxe.
  • O alumnado de 4º ESO tivo a oportunidade de visitar o CIS, para asistir a unha charla sobre os actuais avances tecnolóxicos.
  • E na biblioteca hai en marcha un concurso para pequenos investigadores da ciencia.

I Festival Escolar do Camiño Inglés

Camiño inglés 2019Fai clic para ver máis fotos

22/10/2019

O pasado venres 18 de outubro os pequerrechos de 1º de Primaria acudimos ao I Festival Escolar do Camiño Inglés e Xacobeo 2021 (no porto de Ferrol). Foi unha xornada moi divertida xa que fixemos moitas fotos nos photocalls, cantamos a canción "Segue a frecha", probamos a torta de Santiago e coloreamos a nosa propia cuncha, símbolo do peregrino. Coma nós! Somos peregrinos!

Cantando na AP-9

30/06/2019

Temos pendente publicar unha reportaxe sobre a recente excursión á Ría de Vigo de 2º de ESO. De momento, publicamos este aperitivo co alumnado desfogando durante o regreso en bus.

III Carreira de Fin de Curso do CPI do Feal

Carreiras 2019Fai clic para ver máis fotos

29/06/2019

Tedes algunhas fotos da nosa última carreira de fin de curso no álbum "Carreiras 2019" da nosa Galería.

Un ano máis, agradecemos a colaboración das familias, do alumnado e en xeral de tod@s os participantes. Tamén grazas de novo a Pedro Caro, pola súa animación do evento.

Vídeos e fotos do Festival Fin de Curso

17/08/2019

Xa está dispoñible o material audiovisual do noso último Festival Fin de Curso. Grazas a Montse Lorenzo polos seus vídeos e a Sonia Álvarez polas súas fotos, e por suposto... grazas a toda a xente que axudou a realizar este evento.

Viaxe de 6º de Primaria a Madrid

Madrid 2019Fai clic para ampliar a foto

27/05/2019

Aquí tedes ao noso alumnado de 6º de Primaria cegado polo sol madrileño, durante a viaxe de fin de etapa que fixo a pasada semana. Próxima parada: a ESO.

Coidado cos espellos

Antón entre espellosFai clic para ver o vídeo

15/05/2019

Temos pendente unha reportaxe sobre a recente viaxe a Irlanda do noso alumnado de 1º e 3º de ESO (na sección bilingüe de Plástica), pero como adianto, envíannos este simpático despiste de Antón nun museo de cera irlandés.

Paseo ciclista polo Belelle

Belelle 2019Fai clic para ver máis fotos

07/05/2019

Esta mañá, o alumnado de 6º de Primaria saíu en bici pola beira do río Belelle ata chegar á Fervenza. O noso agradecemento ao Equipo de Educación Vial do Concello, pois sen eles non sería posible esta espectacular saída.

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido