Saltar navegación.
Inicio
Narón (A Coruña)

Actividades complementarias e extraescolares

Entroido 2016 no Feal

14/02/2016

A reportaxe do noso venres de Entroido 2016 inclúe unha improvisada micro-homenaxe ao recentemente desaparecido David Bowie. Grazas especiais ás quince persoas que colaboraron con tan boa disposición e tanta arte neste pequeno capricho da web do Feal.

Alba e Lucía

Fai clic para ver as fotos

Testamento do Meco 2016

13/02/2016

Como moit@s lembraredes, tiñamos aínda o meco roqueiro que fixera o grupo de 4º Diver. de 2015, que non puido ser incinerado debido á choiva... este curso foi reconvertido a pescador polo actual alumnado de 4º de ESO B. Moitas grazas a ambas xeracións! Deixamos aquí o seu testamento.

Meco 2016

Para mariñeiros, nós

02/02/2016

No Feal non temos vistas ao mar, pero iso non quere dicir nada. Aquí sabemos moito de redes e canas. Por iso este ano dedicamos o Entroido ao mundo mariñeiro.

Nadal 2015 no Feal

22/12/2015

O pasado 18 de decembro, o noso querido Papá Noel non estivo en condicións de visitar as aulas do Feal, debido a un inesperado catarro. Aínda así, tivo o detalle de enviarnos desde Laponia esta breve mensaxe.

Por outra parte, informamos de que as fotos que fomos recollendo na recta final do outono, están publicadas no álbum Nadal 2015.

Aproveitamos tamén para dar as grazas á ANPA do Feal por organizar a festa de Nadal para Infantil e Primaria coa axuda da empresa "La Guagua".

Felices festas e feliz 2016 para tod@s!!

Nadal 2015Fai clic para ver máis fotos

Día internacional contra a violencia de xénero

Contra a violenciaFai clic para ampliar a imaxe

01/12/2015

O pasado 25 de novembro, celebrouse o día internacional contra a violencia de xénero. Se pasades polo corredor que vai a Infantil e Primaria, poderedes ver dous murais feitos con tal motivo: o maior polo alumnado de 1º de Primaria, e o máis pequeno polo de Infantil - 3 anos.

Contra a violenciaFai clic para ampliar a imaxe

Mañá de cogomelos no Feal

Cogomelos 2015

 Podes ver algunha foto máis no álbum "Outono 2015"

26/11/2015

Este xoves, o alumnado de 6º de Primaria e o de 4º da ESO tivo a sorte de asistir a unha interesantísima charla sobre cogomelos na nosa Biblioteca de Secundaria. O encargado desta actividade foi Luis Cuba, todo un experto que nos tivo atentos e moi entretidos contándonos moitas cousas das diversas especies de fungos que podemos atopar no noso contorno. Tamén nos falou das características que se deben ter en conta á hora de distinguir e identificar cogomelos. Sorprendentes algúns sabores ou olores que experimentamos cos exemplares recollidos por Luis e que poderedes observar durante un par de días se vos achegades pola Biblio. Certamente, no outono a natureza está chea de interesantes agasallos!

Cogomelos 2015

Día dos dereitos d@s nen@s

Dereitos d@s nen@sFai clic para ampliar a imaxe

24/11/2015

O pasado 20 de novembro, celebrouse o día internacional d@s nen@s. Se pasades polo corredor que vai a Infantil e Primaria, poderedes ver dous murais feitos con tal motivo: o maior polo alumnado de 1º e 2º de Primaria, e o máis pequeno polo de Infantil - 3 anos.

Dereit@s dos nen@sFai clic para ampliar a imaxe

Magosto 2015

Magosto 2015Fai clic para ver máis fotos

29/10/2015

Xa subimos as imaxes do Magosto 2015 á nosa Galería de Outono. No caso de Infantil e Primaria, as actividades tiveron que facerse no interior debido ao mal tempo.

Damos as grazas a toda a xente que colaborou na organización, e en especial a Alberto Casal Lamas, que aínda que xa non é profesor do noso centro, cedeu unha vez máis os seus xogos tradicionais para animar estas xornadas.

Ademais, avanzamos que o alumnado de 4º de ESO matriculado no Obradoiro de Prensa, fixo unha reportaxe para Radio Feal que será publicada proximamente. De momento, deixamos aquí unha imaxe dunha das entrevistas.

Radio Feal no Magosto 2015

Radio Feal no Magosto 2015

Me llamo Suleimán

Me llamo Suleimán

27/10/2015

Despois de publicar a entrevista a Antonio Lozano na nosa nova criatura chamada Radio Feal, hoxe publicamos a crónica de dúas das nosas alumnas de 4º de ESO que asistiron hoxe á representación dunha das súas obras:

Esta mañá de outubro, fomos ao teatro os alumnos e alumnas de 3º e 4 da ESO, ao Pazo da Cultura de Narón. A obra, titulada Me llamo Suleimán, gustounos moito, máis que as que vimos noutros cursos. Transmitíase moi ben a historia durante a representación, coas imaxes proxectadas no fondo e a actriz, que soa interpretaba todos os papeis e cantaba tamén moi ben. Resultounos moi sorprendente. Contaba a historia dun neno africano que vivía na pobreza e quería cruzar a fronteira para mellorar a súa vida e tamén a da súa familia, para sacalos da fame e da miseria.

O menos agradable foi que se trata dunha obra moi triste e achegounos a realidades e acontecementos moi duros da vida dos inmigrantes.

En definitiva, moi recomendable para todos aqueles que lesen a novela, ou para aqueles que vaian ver a obra sen máis. Axúdache a reflexionar e ver o que de verdade pode sufrir alguén só pola súa cor de pel e por nacer en África.

Carlota Prieto e María Lamas (4º de ESO B)

Hip-Hop no Feal

Breaking

23/09/2015

Unha das actividades extraescolares que ofertará a nosa ANPA durante este curso será sobre Hip-Hop. No recreo de Secundaria de hoxe, tivemos unha visita dos seus organizadores para promocionar esta actividade. Na imaxe podedes ver un pouco de breaking.

Enderezos electrónicos

  • Equipo directivo: cpi.feal@edu.xunta.gal
  • ANPA: o.buxato.anpa.o.feal@gmail.com
  • Coordinación da web: web.feal@gmail.com
Distribuir contido