Alumnado

DÍA DA POESÍA, 2014

O 21 de marzo celebramos o Día da Poesía. A proposta da biblioteca tiña por título: POESÍA E CIENCIA. Cada clase elaborou poemas en forma de caligramas (con inventos), pictogramas,...poemas a Marie Curie, Alfred Nobel, Darwin,  A. Fleming,...

INVENTOS

O alumnado de 6º e de 3º de primaria realizou experimentos para presentar aos compañeiros e compañeiras. No primeiro caso experimentaron coa luz e a sombra. No caso do alumnado de 3º,  as experiencias xiraron en torno ao aire e a auga. Ao rematar a presentación dos seus traballos recibiron agasallos enviados desde a Asesoría das Bibliotecas Escolares (libretas, chapas e marcapáxinas) co slogan: "Ler ciencia na biblioteca escolar".  Se queredes ver máis fotos desta sesión visitade o blog da biblioteca.

INFANTIL E O PROXECTO SOBRE A CIENCIA

E infantil segue imparable na investigación no eido da ciencia. Nas clases de arte acaban de elaborar estas espectaculares moléculas.

COMPAÑEIRISMO, AMIZADE...

Imaxes do noso alumnado mostrando algúns dos traballos realizados no "Día da Paz 2014".

ACTIVIDADES DÍA DA PAZ 2014

Para conmemorar o Día da Paz realizamos diversas actividades: murais colectivos, decoración de corredores, audición de contos e de cancións de temática pacifista, visualización dunha prezi sobre Ghandi e Mandela, realización de medallóns co símbolo pacifista e a cara de Mandela, ...Recordamos algúns deses momentos:

 

ADEUS A NELSON MANDELA

A biblioteca do centro reparte entre as distintas titorías unha pequena reseña do político, pacifista...Nelson Mandela con motivo do seu pasamento , o pasado 5 de decembro. O alumnado de 6º decide afondar no tema e... prensa en man ponse ao labor. Infórmanse nos distintos xornais e elaboran un gran mural con texto e imaxes que colocan na entrada do centro.

 

NOVOS CARNÉS DA BIBLIOTECA ESCOLAR

As nosas nenas e nenos van medrando e a nosa mascota Luíña tamén cambia...por iso xa era hora de facer unha renovación das fotos do noso alumnado nos seus carnés e da imaxe de Luíña. Mirade... chulos, eh!!!

PREMIOS CERTAME LITERARO POESÍA

ESTAMOS MOI CONTENTAS/OS! Fernado Ruíz Rial e Lara Vázquez Lorenzo, os dous alumnos de 2º de primaria, obtiveron premio no Certame Literario de Poesía Francisco Añón, convocado polo concello de A Serra de Outes. Os seus compañeiros/as e mestra quixeron amosarlle os seus parabéns cunha fermosa pancarta. Isto si que é compañeirismo! PARABÉNS A CLASE DE 2º!

REPASAMOS O APRENDIDO

Os/as nenos e nenas de 5º e 6º que formaron parte da patrulla medioambiental durante o curso, realizaron esta semana distintas charlas para os/as compañeiros/as repasando o xeito correcto de reciclar cada residuo nos distintos colectores. BO TRABALLO, PATRULLA!

COLABORADORES/AS NA BIBLIOTECA

Os Reis Magos trouxeron uns petos aos colaboradores/as da biblioteca. Agora, toca traballar: coidar a orde nos estantes, axudar aos máis pequenos, levar novidades ás aulas, ...UN MONTÓN DE TAREFAS! Pero David, Alba e Adriana están encantados coa súa labor.

Distribuir contido